Экклезиаст 9:11 - Библи

¹¹ Нарата дэлхэйдэ хараһан зүйл соо хурданиинь урилдаанда шалгардаг бэшэ, эрэлхэгтэ илалта ерэдэггүй, мэргэн сэсэндэ олоһон хилээмэниинь хүртэхэгүй, ухаатайда зөөри баялиг байхагүй, уран дүйтэйдэ шадабари үгтэдэггүй, бүхы хүнүүд эрэ бэрхэдээ бэшэ, аза талаангайл тудахада юумэн хуу ушарха сагтаа болодог.

Экклезиаст 9:11 Referencias Cruzadas

2 Хаан түрэнүүд 17:14

Абшалоом болон бүхы израильшууд иигэжэ хэлсэбэ: – Хушай гэдэг архэй хүнэй зүбшэл Ахитоопэлэй үгэһэн зүбшэлһөө дээрэ. Тэдэ иигэжэ юундэ шиидээб гэхэдэ, Эзэн Абшалоомдо гай тодхор ушаруулхын тула Ахитоопэлэй һайн зүбшэл заабари хараада абтахагүй гэжэ шиидэһэн байгаа.

2 Хаан түрэнүүд 17:23

Ахитоопэл өөрынь зүбшэл заабариин тоогдоогүй байһые хараад, элжэгээ эмээллэн, түрэлхи хото руугаа гэртээ бусан ерэжэ, гэр бүлэдөө гэрээд үгэеэ хэлээд, бэеэ боожо алаба. Тэрэ эсэгынгээ булашада хүдөөлүүлэгдөө һэн.

2 Угай бэшэг 20:15

Яхазиһээл иигэжэ хэлэбэ: – Үндэр түрэлтэ Ёшапаат хаан, Иудын болон Иерусалимай бүхы арад зон, анхаралтайгаар шагныта! Энэ ехэ сэрэгһээ бү айгты, бү һүрдэгты гэжэ Эзэн таанадта айладхана. Энэ дайнай үрэ дүн таанадһаа бэшэ, Бурханһаа сэхэ дулдыдаха.

Иоов 34:29

Тэрэнэй харюу үгөөгүй байхада хэн буруушааха юм? Бидэнһээ нюураа нюун байхадань, хэн Тэрэниие хараха юм? Арад үндэһэтэндэшье, хүндэшье адли,

Псалманууд 76:5

«Нюдыем анюулнагүйт, угаа ехэ сохилто абаад, дуугаржа шадахаа болёод байнам».

Һургаал 1:5

Сэсэн мэргэн хүн шагнажа, мэдэлгэеэ арьбажуулха, ухаатайшье зон зүбшэл заабари тэрээнһээ олохо.

Экклезиаст 2:12

Хаанай һүүлээр ерэгшэ хаанһаа үлүү юушье хэжэрхихэб даа. Тиимэһээ би мэргэн ухаа, галзуу болон тэнэг мунхагые тэнсүүлжэ үзэбэб.

Экклезиаст 3:14

Бурханай хэһэн бүхы хэрэг мүнхэ гэжэ би мэдээб. Тэрээндэ нэмэхэ, тэрээниие хаһаха юуншье байхагүй. Бурханай хэһэн ушарынь Бурханһаа бэшэрэн һүгэдэхын тулада хэгдээ.

Экклезиаст 3:17

«Шударга сэхэ хүниие ба гэмтэй нүгэлтэниие Бурхан лэ шүүжэ харана» гэжэ би өөртөө хэлээб, ушарынь хадаа бүхы юумэндэ саг үйлэ гэжэ байха.

Экклезиаст 4:1

Нарата юртэмсэдэ бүхы дарлалтын үйлэ дахин дахин харабаб. Дарлуулагшадай нулимса хаража байхада, тэдэнэй һанаа заһаха хэншье олдохогүй. Дарлагшын талада хүсэн, харин дарлуулагшадые хайрлаха хэншье байхагүй.

Экклезиаст 4:4

Элдэб ажал ба амжалтануудынь хүнүүдэй дунда атаархал түрүүлдэг. Энэ дэмы хэрэг, һалхи намнагшатай адли.

Экклезиаст 7:13

Бурханай ажалые харагты: Тэрэнэй һарюу болгоһониие хэн сэхэлжэ шадахаб?

Экклезиаст 9:2

Энэнь бултанда адли байдаг. Һайн ба муу хүндэ, арюун сэбэртэ ба бузарта, тахил үргэдэг ба тахил үргэдэггүйдэ нэгэл хуби заяан байха; буян үйлэдэгшэдэ ба хилэнсэтэдэ, тангариглагшада ба тангаригһаа зайлагшада өөрэгүй адли.

Экклезиаст 9:3

Нарата түбиин бүхы амитанда нэгэ хуби байхань муу гээшэл даа. Хүнэй зосоохи хоро шарада, галзуу тэнэгтэ баригданхай байгаад, эсэстэнь үхэгшэдтэй ниилэдэг.

Ерэмияа 46:6

Хурданшье хүлтэйнь тэрьедэжэ шадахагүй, хүсэтэйшүүлыньшье амиды гарахагүй. Хойто зүгтэ, Евфрадай хажууда тэдэ бүдэржэ унахал.

Ерэмияа 48:14

Моһаабай арад түмэн, юундэ таанад зүрхэтэй, байлдаануудта дүршэһэн зомди гээд хэлэнэбта?

Ерэмияа 9:23

Эзэн иигэжэ айладхана: Мэргэн хүн мэргэн ухаагаараа, хүсэ шадалтай хүн шадалаараа, баян хүн эд баялигаараа бү һайрхаг.

Захарияа 4:6

Тэнгэриин Эльгээмэл намда иигэжэ ойлгуулба: – Түмэн Сэрэгтэ Эзэнэй Зэрубабээлдэ хандаһан иимэ үгэнүүд гээшэ: Шинии туһа болбол эрхэ мэдэлээр бэшэ, хүсэ шадалаар бэшэ, Минии Һүлдөөр ерэхэ.

Малаахи 3:18

Тиихэдэ таанар дахяад Намда ерэхэт, һайн муугай, зүб буруугай хоорондохи илгаа, Бурханда һүгэдэдэг үнэн шударга хүнэй ба нүгэл үйлэдэгшын хоорондохи илгаа ойлгохот.

Эфесэйхиндэ 1:11

Бурхан Өөрынгөө зорилгоор, заяаһан ёһоороо маанадые Христоостой нэгэдхүүлэн Өөрын арад болгон шэлэжэ абаа.

Хуули дабталга 8:17

«Эдэ бүхы баялигые өөрынгөө шадалаар, өөрынгөө хүсөөр олооб» гэжэ досоогоо һанажа бү байгты.

Хуули дабталга 8:18

Баян болохо шадал таанадта гансал Эзэн Бурхантнай үршөөнэ гээд мартангүй һанажа ябагты. Үбгэ эсэгэнэртэйтнай баталһан хэлсээгээ Тэрэ мүнөөшье бэелүүлнэ.

1 Хаан түрэнүүд 17:50

Иигэжэ Давид һэлмэгүй, гансал дүүгүүр болон нэгэ шулуугаар пилишт хүниие илаба.

1 Хаан түрэнүүд 6:9

Тэрэ ханзын өөрынгөө нютаг руу ошоһон харгы замаар Бэт-Шээмэш руу ябахые харабал, Израилиин Бурхан бидэндэ энэ ехэ гай зоболон ушаруулба гэхэбди. Харин үгы һаань, Тэрэ бидэниие дайраа бэшэ, энэнь бидэнтэй миин өөрөө тохёолдоо гэжэ мэдэхэбди.