Экклезиаст 8:15 - Библи

¹⁵ Тиимэһээ баяр сэнгэлые үнэлэн илгабаб. Эдихэ ууха болон баярлан сэнгэхэһээ һайхан юумэн хүндэ үгы. Наран доро Бурханһаа хүндэ үгтэһэн амидаралай үдэрнүүдтэ хүдэлһэнэйнь үрэ тиимэ.

Экклезиаст 8:15 Referencias Cruzadas

Экклезиаст 2:1

Би өөртөө хэлэбэб: «Шамайе сэнгэл баясхалангаар туршаһууб, жаргал гээшые одоол үзэхэш!» Үзэхыншье үзэбэ гэлэйш, теэд энэнь баһал дэмы хүлгөөн хөөрсэг.

Экклезиаст 2:10

Нюдэнэй хүсэһэн хамаг юумэ дуран соогоо абадаг, сэнгэл баярһаа татагалзадаггүй һэм. Юундэб гэхэдэ, энэ хадаа бүхы минии хэшээл хүдэлмэриин ашаг үрэ гэжэ тоолодог, зүрхэ сэдьхэлни эдэ бүгэдэһөө үнэхөөр урмашан баясадаг бэлэй.

Экклезиаст 2:24

Эдихэ уухамни һайн, ажал үйлэмни урагшатай гэжэ сэдьхэлээ баярлуулхаһаа үлүү юумэн хүнэй хубида байхагүй. Теэд энэньшье Бурханай мэдэлдэ гэжэ би харабаб.

Экклезиаст 2:3

Мэргэн ухаагаар хүтэлбэри хэхын хажуугаар өөрынгөө бэеые үзэмэй дараһан архяар сэнгүүлхэ мэтэ үшөө ямар тэнэг юумэн бии бэлэй гэжэ хүнэй хүбүүдэй үзэдэг алибаа зүйл туршан мэдэхые оролдоо бэлэйб. Тиигэжэ муу һайниие зэргэсүүлэн, хүн гээшэ богонихон наһандаа юу хэхэ ушартайб гэжэ ойлгохые хүсөөб.

Экклезиаст 3:22

Тиимэһээ хэжэ байһан юумээрээ баярлахаһаа үлүү юумэн хүнэй хубида үгы гэжэ ойлгооб. Энэ хадаа табилангынь, хойшодоо юун болохыень харуулхаар хэн тэрээниие дахуулхаб даа.

Экклезиаст 5:18

Бурханһаа эд хогшол ба зөөри баялиг абаһан хүн бүхэндэ тэрэнээ эдлэхэ, хэрэглэхэ эрхэ олгожо, мүн өөрын ажалһаа баярлаха хуби хүртөөхэ гээшэ Бурханай бэлэг болоно.

Тимофейдэ 1-дэхи 6:17

Баян хүнүүдэй зөөри зөөшөөрөө бүдүүрхэхэгүйень, иимэ мэтын найдабаригүй баялигта найдахагүйень захира, зүгөөр аяшаажа байха юумэ элбэг дэлбэгээр маанадта үршөөжэ байдаг амиды Бурханда найдажа байхыень заабаришалжа бай.