Экклезиаст 8:11 - Библи

¹¹ Бузар үйлэдэ эсэргүү шиидхэлынь тэрэ дары ерэдэггүй ушарһаа хүнэй сэдьхэл мууе үйлэдэхөөр бэлэн байдаг.

Экклезиаст 8:11 Referencias Cruzadas

2 Хаан түрэнүүд 11:15

Тэрэ бэшэг соогоо бэшэхэдээ: – Урияае шэрүүн гэгшын тулалдаанда түрүүлэн табижа, хажууһаань холодогты. Тиихэдэтнай тэрэ хюдуулжа, гээгдэхэ, – гэһэн байгаа.

Иоов 24:23

Тэрэнэй хүсэтэ гарай хүндөөгүй сагтал хүн тайбан байдаг, Тэрэ харасаяа тэдэнэй харгыһаа холодуулдаггүй.

Псалманууд 10:4

Эзэн Өөрын нангин үргөөдэ байна. Эзэнэй сэнтиинь – тэнгэридэ. Нюдэдынь зон руу хаража, мэлмынь тэдэниие шалгажа байна.

Псалманууд 10:6

Тэрэ хорото муу зон дээрэ бороо мэтээр тор гүльмэ буулгаха, гал, хүхэр болон галта шанга һалхин тэдэнэй хуби хэшэгынь мүн.

Египедһээ гаралга 34:6

Эзэн Моисейн урдуур гаран тунхаглаба: – Эзэн, Эзэн, энэрхы, хайрлагша сэдьхэлтэй, тэсэбэри ехэтэй, үршөөлтэ ба үнэн сэхэ Бурхан!

Египедһээ гаралга 8:15

Харин фараон баханууд үгы болоо гэжэ мэдэхэдээ, үнөөхи үсэд зандаа диилдэн, үгыень дуулахаяа болибо даа. Эзэнэй урид айладаһаниинь бэелбэ.

Египедһээ гаралга 8:32

Харин фараон үсэд зангаа хубилгабагүй, зониие табибагүй.

Экклезиаст 9:3

Нарата түбиин бүхы амитанда нэгэ хуби байхань муу гээшэл даа. Хүнэй зосоохи хоро шарада, галзуу тэнэгтэ баригданхай байгаад, эсэстэнь үхэгшэдтэй ниилэдэг.

Исай 26:10

Нүгэлтэй зондо энэрэл хайраяа Танай үзүүлдэгшье хада, тэдэ зүб ябадалда һурахагүй. Зүб шударга зоной газарта тэдэ буруу юумэ үйлэдэн лэ байха, Танай һүр жабхалангые мэдэрхэгүй.

Исай 57:11

Эзэн иигэжэ айладхана: «Намайе сэдьхэлдээ хадагалжа байнгүй, худал хэлэжэ байхадаа таанад ямар бурхадһаа айдаг болообта? Удаан сагта абяа шэмээгүй байһандам Намһаа айхаяа болёо гүт?

Ерэмияа 48:11

Эзэн айладхана: – Моһааб хадаа хододоо аюулгүй ажамидардаг байгаа, баряандашье туугдан ошоогүй. Тэрэ һаба соо худхуулдаггүй үзэмэй дараһан архи мэтэ, һабаһаа һабадашье эюулэгдэдэггүй бэлэйл. Тиимэһээл амтаниинь тэрэл зандаа, үнэрынь аятай зохид һэн.