8 Эсэс хэзээшье эхинһээ шухала, тэсэбэритэйнь бардамһаа дээрэ.
Бэеэ дээгүүр абхуулдаг зан гансал хэрэлдээндэ асардаг. Заабари шагнадагынь сэсэн байна.
Уурлахадаа удаан хүн ехэ ухаатай. Түргэн сухалтай хүн мунхаг ябадал үргэдэг.
Түргэн сухалтай хүн хэрүүл үүсхэдэг, тэсэбэритэй хүн хёморол намдуу болгодог.
Тэсэбэритэй хүн зоригтойһоо дээрэ. Бэеэ барижа шададаг хүн хотые эзэлэгшэһээ дээрэ.
Бардам хүн хэрэлдээ үүсхэдэг, харин Эзэндэ этигэдэг хүн хүгжэн дэбжэдэг.
Үнэтэ һайн тоһонһоо һайн нэрэнь дээрэ, түрэхэ үдэрһөө үхэхэ үдэрынь дээрэ.
«Хүүгэмни, наһан соогоо хамаг баяр жаргал эдлэһэнээ, харин Лазариин хара муу байдал үзэһыень һаныш. Мүнөө тэрэшни эндэ амаруулагдаба, харин ши зоболон эдлэжэ байнаш.
Намда үнэн сэхэ байһанайнгаа ашаар таанад абарагдахат.
Арюун Һүлдын үрэ дүн болбол иимэ: хайра дуран, баяр, энхэ тайбан, тэсэбэри, һайн һанаан, ниигүүлэсхы сэдьхэл, үнэн сэхэ ябадал,
Ходо даруу, номгон, тэсэбэритэй байгты. Бэе бэедээ тэсэбэритэйгээр хандажа, өөһэдынгөө хайра дурые харуулжа байгты.
Бурханай эрхэ хүсэлые бэелүүлэн, найдуулһан юумыень абаха гэбэл, таанад тэсэбэритэй байха ёһотойт.
Аргагүй ехэ тэсэбэриинь түлөө бидэ тэдэ зониие жаргалтай гэжэ тоолодогбди. Таанад Иоовой ямар тэсэбэритэй байһые, Эзэнэй һүүлэй һүүлдэ тэрээниие буян хэшэгтээ хүртөөһые һаныт. Эзэн үршөөл хайратай, энэрхы сэдьхэлтэй дээрэһээ тиигэжэ туһалаа.
Таанадшье тэдэ таряашанда адли ехэ тэсэбэритэй байгты, зоригоо бү алдагты. Эзэнэй заларжа ерэхэ үдэр ойртоод байна.
Тиимэһээ һэргэлэн байгты, оюун ухаагаараа хүдэлхэдэ бэлэн байгты. Иисүүс Христоосой ерэхэ Үдэр таанадта үгтэхэ буян хэшэгтэ аргагүй ехээр найдажа байгты.
