Экклезиаст 7:16 - Библи

¹⁶ Үлүү үнэн шударга бү боло, хэтэрмэ мэргэн ухаантай бү бай, өөрыгөө һүнөөхэгүйн тулада.

Экклезиаст 7:16 Referencias Cruzadas

Эхин 3:6

Энэ модоной үрэ жэмэс эдихэдэ һайн, харахадашье аятай, мүн эрдэм мэдэсэшье үгэдэг гэһэн бодолдо эхэнэр абтаба. Тиигээд нэгэ алим жэмэс таһалжа абаад эдижэрхибэ, үбгэндөөшье үгэбэ – тэрэнь эдибэ.

Иоов 11:12

Харин зэрлиг элжэгэнһээ хүнэй түрэхэнь шам мэтын тэнэгэй ухаатай бологшоһоо хилбархан.

Иоов 28:28

Тиигээд өөрынгөө бүтээл болохо хүндэ хандажа, «Ехэ Эзэн намайе хүндэлхэ гээшэ таанарай хубида эгээл сэсэн зүйл болохо. Тиин гэмтэ байдалһаа зайлажа ябахань хүнэй амидаралда хамагһаа ухаатай шухала» гэбэ.

Һургаал 23:4

Баялиг суглуулхын тулада үргэһэ нойргүй бү зүдхэ, хэзээ тогтохоёо мэдэхэ хэрэгтэй.

Һургаал 25:16

Зүгын бал олобол, садатараа эди. Хэтэрүүлээд, бөөлжэжэ бү бай.

Экклезиаст 12:12

Тэрээнһээ үлүү хэхэһээ зайла, ехэ ном зохёоходо түгэсхэл байхагүй, үлэмжэ ехээр уншахада бэедэ эсэбэритэй гэжэ һанажа ябаарайгты.

Матвей 23:29

Хуули заадаг багшанар, фарисейнүүд, таанад гашуудал үзэхэт! Хоёр нюурта таанад! Лүндэншэдтэ үзэсхэлэнтэ гоё субаргануудые баринат, үнэн зүбтэнэй шулуун хүшөөнүүдые шэмэглэнэт.

Матвей 23:38

Тиимэһээ хооһон Һүмэшни мүнөө шамдаа үлөө.

Матвей 23:5

Зүгөөр хүнүүдтэ юумэ хэжэ байһан хэбэр үзүүлхэ гэжэ бүхы шадалаараа оролдодог. Нангин Бэшэг сооһоо мүрнүүдые бүд дээрэ олоор бэшээд, духаяа боодог, гартаа уядаг, Бурханда зорюулаатай байһыень харуулһан дэгэлдэнь оёотой сасагуудынь бусад зонойхиһоо ута унжагар байдаг, Нангин Бэшэг сооһоо буулгажа абтаһан мүрнүүдые хадагалжа ябадаг арһан туламуудынь ехэл томо байдаг.

Матвей 9:14

Иоаннай шабинарынь Иисүүстэ ерээд: – Бидэ, мүн фарисейнүүд ходо масагладагбди, харин Танай шабинар юундэ огто масагладаггүйб? – гэжэ һураба.

Лука 18:12

Долоон хоногтоо хоёр дахин масагладагби, олзынгоо арбанай нэгэ хубиие Тандаа үргэдэгби».

Римэйхиндэ 10:2

Тэдэнэр Бурханда һүгэдэдэг гэжэ гэршэлнэб, гэхэтэй сасуу тэдэнэй хайра дуран үнэн зүб мэдэрэл дээрэ оршоногүй.

Римэйхиндэ 11:25

Аха дүүнэр, өөһэдыгөө сэсэн ухаатайбди гэжэ бодожо байхагүйнтнай тула энэ нюуса үнэниие таанадта мэдүүлхэ һанаатайб. Израилиин зарим зон хододоо тиимэ зүрюу байхагүй, тэдэнэр шэлэгдэһэн бусад арадуудай бүрин Бурханда ерэтэр лэ тиимэ байха.

Римэйхиндэ 12:3

Бурханай намда үршөөһэн абьяас бэлигэй ашаар таанадай хүн бүхэндэ хэлэнэб: байһанһаан үлүү ехээр өөр тухайгаа бү һанажа байгты. Зүгөөр Бурханай шамда үгэһэн этигэл һүзэгэй хэмжээгээр өөр тухайгаа дарууханаар бодомжолжо байгты.

Коринфынхидтэ 1-дэхи 3:18

Таанад өөһэдыгөө бү мэхэлэгты. Хэрбээ таанадай хэн нэгэн энэ дэлхэйн шатада өөрыгөө сэсэн мэргэнби гэжэ тоолоболнь, үнэндөө сэсэн мэргэн болохын тула тэнэг болохо ёһотой.

Коринфынхидтэ 1-дэхи 3:20

«Сэсэн мэргэн хүнүүдэй һанал бодолынь хооһон дэмы гэжэ Эзэн мэдэхэ», – гээд Нангин Бэшэгэй ондоо газартань хэлэгдэнэ.

Филиппынхидтэ 3:6

би һүзэглэгшэдые гайтайгаар хашан мүрдэдэг һэнби. Бурханай урда үнэн сэдьхэлтэй байхын тула би Хуулиин бүхы заабаринуудые сахижа, ямаршье гэмнэмээр юумэ хээгүйб.

Колоссынхидтэ 2:18

Үзэл үзэдэг хадаа бусад хүнүүдһээ дээгүүрби гэдэг хүнүүд, даруу зантай байһан хэбэр үзүүлдэг хүнүүд, Эльгээмэлнүүдтэ шүтэдэг хүнүүд шагналыетнай бү буляаг лэ. Тиимэ хүнүүд ехэ ухаатайб гэжэ дэмы һайрхана. Үнэндөө тэдэнэр тэнэгүүд юм.

Колоссынхидтэ 2:23

Тиимэ тогтоолнуудые баримталхада сэсэн юумэ хэһэнтэйл адляар бодогдодог. Гэхэтэй сасуу Бурханда бүри ехээр дуратай, даруу зантай, бэеэ баридаг болоһон шэнги байдаг. Үнэндээ тэдэ тогтоолнууд хүнэй хүсэлэнгүүдые мэдэлдээ абаха аргагүй.

Тимофейдэ 1-дэхи 4:3

Тэдэ зон гэрлэхые, зарим юумэ эдихые хорихо. Зүгөөр Бурхан тэрэ эдеэ хоолые баясхалан хүргэһэн зальбаралай һүүлдэ һүзэглэгшэдтэ, үнэн зүбые мэдэрһэн хүнүүдтэ эдихыень бүтээгөө.

Гэршэлгэ 18:19

Тиин тэдэ зон тархи дээрээ үнэһэ адхан, уйлалдан гэгэлдэн иигэжэ хашхаралдаха: «Агуу ниислэл, шамда айхабтар ехэ гашуудал зоболон тудаба! Далайда онгосотой байһан хүнүүд ниислэл хотын баялигаар тэһэ баяжаа. Харин тэрэ хото гэб гэнтэ хооһон сүл губи болошоо!