Экклезиаст 6:6 - Библи

⁶ Гэхэдэш, нүгөө хүн хоёр мянган жэл һуугаад, жаргал үзөөгүй байха, эсэстээ эдэ хоёр нэгэл газар руу ябадаг бэшэ юм гү?

Экклезиаст 6:6 Referencias Cruzadas

Эхин 5:5

Иигээд юһэн зуун гушан наһатайдаа Адаам наһа бараа һэн.

Иоов 1:21

– Би эхын умайһаа нюсэгэн ерээ һэм, энэ дэлхэйһээ тиишээ нюсэгэн бусанаб. Эзэн намда эд зөөри, үри хүүгэдые үгөө бэлэй. Мүнөө һөөргэнь бусаажа абаа. Эдэ бүгэдые хэхэ эрхэтэй Эзэнэй нэрэ алдаршаг!

Иоов 30:23

Мэдэнэм, хүн бүхэнэй ородог үхэлэй хара нүхэндэ намайе Та оруулхат.

Иоов 7:7

Бодожо үзэгты: ами наһамни һалхин мэтэ агшан зуурын хэрэг болоно. Энэ хорбоо юртэмсэдэ жаргал гэжэ минии нюдэн үзэхэгүй.

Псалманууд 34:12

Тэдэ туһые уһаар харюулна, намайе хооһоруулна.

Экклезиаст 12:7

Газарай тооһонһоо гараһан зүйл тэндээ бусажа, һүлдэнь тэрэниие үгэһэн Бурхандаа бусаха болоно.

Экклезиаст 2:14

Мэргэн хүнэй ухаан хараха нюдэниинь болодог, харин тэнэг хүн балай һохорто адли. Гэбэшье тэдэнэй эсэсынь адли гэжэ би мэдэнэб.

Экклезиаст 3:20

Булта нэгэ газар руу харгытай: шоройһоо гараһан юумэн шоройдоо бусана.

Экклезиаст 6:3

Хүн зуун хүүгэдтэй боложо, ута наһа наһалбашье, сэдьхэлынь һайн юумэндэ садаагүй ба үхэхэдөө, ёһо руугаа хүдөөшье гаргуулаагүй байхадань «Амигүй түрэһэн хүүгэнэй хуби тэрээнһээ дээрэ» гэжэ хэлэдэг байна.

Экклезиаст 6:5

Хэзээшье улаа нара үзөөгүй тэрээндэ амгалан.

Экклезиаст 7:2

Найр сэнгэлэй гэр руу ошогшоһоо гашуудалай гэр руу орогшонь дээрэ, ушарынь хадаа хүнэй үхэл иимэ гэжэ амиды байгша мэдэхэ ёһотой.

Экклезиаст 9:2

Энэнь бултанда адли байдаг. Һайн ба муу хүндэ, арюун сэбэртэ ба бузарта, тахил үргэдэг ба тахил үргэдэггүйдэ нэгэл хуби заяан байха; буян үйлэдэгшэдэ ба хилэнсэтэдэ, тангариглагшада ба тангаригһаа зайлагшада өөрэгүй адли.

Исай 65:20

Нарай нялханууд нарайдаа һамшахагүй, зон бултадаа наһалха наһаяа эдлэхэ. Зуу наһалаад үхэһэн хүн залуу гэжэ тоологдохо, харин энэ наһа наһалангүй урид нүгшэһэн хүндэ Минии хараал хүрөө гэжэ хэлсэгдэдэг байха.

Исай 65:22

Ондоо хүн тэрэ бариһан гэрнүүдтэнь ажаһуухагүй, ондоо зон тариһан мододһоонь эдижэ байхагүй. Мододтол адли, зомни удаан ажаһууха, ажалайнгаа үрэ шэмэ өөһэдөө эдлэхэ.

Ерэмияа 17:6

Элһэн сүл губидахи хадхууртай һөөг мэтэ, халуун, хуурай хооһон, бэшэ юунэйшье ургадаггүй дабһатай газарта байгааша, хэнэйшье харадаггүй һөөг мэтэ тэрэ. Бурханай үршөөдэг һайн һайхан юумэн тухай тэрэ мэдэнэгүй.

Еврейнүүдтэ 9:27

Хүн бүхэн нэгэтэ үхөөд лэ, удаань зарга шүүбэридэ орохо ёһотой.