Экклезиаст 5:11 - Библи

¹¹ Ажал хэһэн хүн ехэ багышье эдеэ һаа, амгалан нойрсодог, харин баян хүнэй садхалан гэдэһэн өөрыень унтуулдаггүй.

Экклезиаст 5:11 Referencias Cruzadas

Эхин 12:16

Сарын һайгаар Египедэй фараон Абрамда һайнаар хандажа, олон хони, ямаа, үхэр, элжэгэ, тэмээ ба эрэ, эмэ зарасануудые бэлэглэбэ.

Эхин 13:2

Мүнөө Абрам айхабтар баян болоод ябаа: адуу малааршье, алтааршье, сагаа мүнгөөршье.

Һургаал 23:5

Баялигаа һайнаар харажашье үрдеэгүй байтаршни тэрэшни үгы болошоод байха: эд баялигта дали ургадаг, тэнгэри өөдэ дүүлиһэн бүргэд мэтэ ниидэжэ арилшаха.

Экклезиаст 11:9

Залуу байгаа сагтаа баярлажа сэнгэ. Залуу наһанайш үдэрнүүдтэ зүрхэ сэдьхэлшни хүхюун тэнигэр байг. Сэдьхэлэй хүсэл, өөрынгөө нюдэнэй хараса дахан бай. Гэхэдээ энэ бүгэдынгөө түлөө Бурханай урда харюусаха саг ерэхэ гэжэ бү мартаарай.

Экклезиаст 2:9

Иигэжэ намһаа урид Иерусалимда байһан хамаг зонһоо үлүү баян, соло суутай болооб, мэргэн ухаанайнгаа ашаар һанаһанаа хүсөөжэ шадааб.

Экклезиаст 5:12

Нарата дэлхэйдэ үшөө нэгэ хараһан юумэн гэхэдэ, муу үйлэһөө юм гү, али үбшэ хабшанһаа боложо, суглуулһан баялигынь хүндэ зоболон асардаг.

Экклезиаст 6:9

Нюдэн юу харанаб, тэрэнь сэдьхэлэй хүсэгшэһөө үлүү шухала. Энэ баһал сэдьхэлэй зоболон, һалхи намнагшатай адли.

Ерэмияа 17:11

Хуули бусаар баяжаһан хүн түрөөгүй үндэгэеэ дарадаг шубуундал адли. Наһанайнгаа түлэг дунда тэрэ баялигаа гээжэ, эсэсэй эсэстэ тэнэг болоод үлэхэ!

Аввакуум 2:13

Зай, арад үндэһэтэнэй бүхы шадалаа эршэдэн ажаллаһаниинь гал дүлэндэ хосорхо, дэмы һалаха гэжэ Түмэн Сэрэгтэ Эзэн тогтоогоо бэшэ аал?

Иоаннай 1-дэхи хандалга 2:16

Ушарынь гэбэл, оршолон юртэмсын бүхы юумэнүүд: нүгэл шэбэлые хэхэ шунал, нюдэнэй хүсэл шунал, омог бардам зан Эсэгэ Бурханһаа заяагдаагүй, харин оршолон юртэмсэһөө бии болоо.