Экклезиаст 4:8 - Библи

⁸ Хүн гансаардана, хажуудань хүн үгы, тэрэ хүбүүгүй, аха дүү гэжэ байхагүй. Ажалынь барагдахагүй, нюдэниинь өөрынгөө баялиг зөөридэ ханахагүй байна. «Хэнэй түлөө хүдэлнэ, һанаа сэдьхэлээ зобооно гээшэбиб?» гэһэн асуудал гарана. Энэнь мүн лэ дэмы хүлгөөн, зоболонтой ашаа болоно.

Экклезиаст 4:8 Referencias Cruzadas

Эхин 2:18

Тиигээд Эзэн Бурхан: – Хүнэй гансаараа байхань муу. Өөртэнь таараха хани бии болгохомни, – гэжэ айладхан шиидэбэ.

Псалманууд 39:6

Эзэн Бурхамнай! Хэды олон юумэ бүтээгээ гээшэбта! Хэды олон гайхамшагта хэрэгүүдые маанад тушаа түсэблөөт, хэниишье Тантай сасуулмаар бэшэ. Би тэрэ гайхамшагта үйлэнүүдые олондо зарлан хэлэхэб, гэбэшье тэдэ тоолошогүй олон юм.

Псалманууд 39:7

Үргэл болон бэлэгүүдые хүсэнэгүйт, түгэс шатаалта үргэл болон нүгэл сагааруулгын үргэл үргэхые зандараагүйт. Таниие дуулахаар болгон шэхыем нээгээт.

Һургаал 27:20

Үхэлэй орон ба Хосорол хэзээшье сададаггүй шэнги хүнэй нюдэн хэзээдэшье ханадаггүй.

Экклезиаст 1:13

Тэнгэри доро үйлэдэгдэдэг бүхы юумые мэргэн ухаагаар туршан шэнжэлхэ гэжэ эрмэлзээб. Энэ хадаа Бурханай хүнүүдтэ сэдьхэл амар бэшэ байхынь тулада үгэһэн орёо бэрхэ үүргэ байгаа.

Экклезиаст 1:8

Хамаг юумэн ажал хэшээлһээ эхитэй, ажал гээшэ ажалтай, эдэ бүгэдые хөөрөөд яалтайб, нюдэн хараһаараа хужарлахагүй, шэхэн дуулаһаараа ханахагүй.

Экклезиаст 2:21

Хэн нэгэн бүхы ухаагаа, мэдэсэ шадабарияа элсүүлэн ажаллаһаниинь өөртэйнь хамта ажаллаагүй хүндэ хүртэхэнь юун гээшэб? Энэнь мүн лэ дэмы хооһон, тэрээн соогоо асари муу хэрэг.

Экклезиаст 2:23

Юундэб гэхэдэ, үдэрэй зоболон бохиноһон ажалынь уйдхарһаа өөрэ юумэ асархагүй, һүнииньшье амар заяа гэжэ байхагүй. Мүн лэ дэмы хүлгөөн.

Экклезиаст 4:7

Удаань би нарата юртэмсэдэ үшөө нэгэ дэмы хүлгөө үзэбэб.

Экклезиаст 5:10

Баялиг үсхэхын далимда эдихэ дуратайшуул олошордог. Тэрээниие хараад һууха гээшэ эзэндэнь ямар байхаб?

Экклезиаст 5:9

Мүнгэндэ дуратайнь мүнгэндэ ханахагүй, зөөридэ дуратайнь зөөриин элбэгтэнь садаха гэжэ оройдоо байхагүй. Энэнь баһал дэмы хүлгөөн.

Исай 5:8

Ямаршье зайгүй болотор байшан дээрээ байшан нэмэжэ, таряалан дээрээ таряалан худалдан абажа байгааша таанадта гай тодхор тохёолдохо! Газар дээрэ гансал таанад ажаһууна юм гүт?!

Исай 55:2

Юуншье бэшэ юумэндэ мүнгэеэ юундэ үрихэбта? Садхаахагүй юумэндэ салингаа юундэ гаргахабта? Намайе һайса шагнагты, үгыем дуулагты. Тиигэбэл, эгээл эрхим эдеэ хоол барихат.

Матвей 11:28

Хүшэр хүндэ ашаанда даруулжа ядарһан зон булта Намда ерэгты, Би танай һанаа амаруулхаб.

Лука 12:20

Харин Бурхан тэрээндэ: «Тэнэг амитан! Энэ һүниндөөл амииешни хороохоёо байна, тиихэдэнь суглуулһан зөөришни хэндэ хүртэхэб?» – гэжэ хэлэбэ.

Иоаннай 1-дэхи хандалга 2:16

Ушарынь гэбэл, оршолон юртэмсын бүхы юумэнүүд: нүгэл шэбэлые хэхэ шунал, нюдэнэй хүсэл шунал, омог бардам зан Эсэгэ Бурханһаа заяагдаагүй, харин оршолон юртэмсэһөө бии болоо.