Экклезиаст 4:14 - Библи

¹⁴ Тэнэг хаанай албатан соо үгытэй тэрэ түрөөшье һаа, шоронһоо мултаран гарахадаа хаан бологшо юм.

Экклезиаст 4:14 Referencias Cruzadas

Эхин 41:14

Египедэй хаан тэрэ дары Иосифто хүнүүдые эльгээбэ. Тэрэниие харанхы түрмэһөөнь гаргажа, һахал һамбайень хюһаад, шэнэ хубсаһа үмдэхүүлээд, хаанда абаашаба.

4 Хаан түрэнүүд 24:12

Иудын хаан Ехонияа Вавилооной хаанда өөрыгөө эхэтэеэ, түшэмэлнүүдтэеэ, сэрэгүүдэйнгээ дарганартай, дүтынгөө хүнүүдтэй хамта бэеэ тушааба. Энэ ушар Вавилооной хаанай наймадахи жэлээ хан түрэеэ засаглажа байхада болобо.

4 Хаан түрэнүүд 24:6

Ёякиим наһа баража, үбгэ эсэгэнэртээ ошобо. Тэрэнэй һүүлдэ Ехонияа хүбүүниинь орондонь хаан шэрээ эзэлбэ.

4 Хаан түрэнүүд 25:7

Цэдэкииягай хараһаар байтар хүбүүдыень алаба, удаань тэрэнэй нюдэ тэһэлжэ, хүрэл гэнжээр гэнжэлээд, Вавилоон руу абаашаба.

Иоов 5:11

Доройтоһониие өөдэнь татажа, бэлбэһэн ядууе хамгаалан тэдхэдэг.

Экклезиаст 4:15

Наран доро ябаһан хүн бүхэнэй хажууда уг залгамжалха залуунь ябалсана гэжэ харабаб.

Гашуудал 4:20

«Тэрэнэй хамгаалалта доро бидэ үндэһэтэдэй дунда амидархабди» гэжэ маанадай хэлэжэ байһан, амисхалнай болохо, Эзэнэй шэлэһэн нэгэн тэдэнэй нүхэндэ орожо баригдаа.

Даниил 4:31

Саг үнгэрбэ. Би, Навуходоносор хаан, огторгой өөдэ харабаб – иигээд ухаамни һөөргөө намда бусаа бэлэй. Дээдэ Бурханиие үреэбэб, Хэтэ мүнхэдөө Оршогшые магтан алдаршуулбаб: Тэрэнэй засаг зонхилолтонь – хэтэ мүнхэдөө, хан түрэнь үеһөө үедэ үргэлжэлхэ.

1 Хаан түрэнүүд 2:8

Хумхаа тооһон сооһоо Тэрэ үгытэй хүниие дээшэнь гаргажа, гуйраншаниие ядуу байдалһаань мултаруулжа, амбан ноёдтой хамта һуулган, Хойморто һуури эзэлүүлнэ. Дэлхэйн түшэг тулгуур – Эзэнэй, тэрээн дээрэ юртэмсэ Тэрэ тогтоогоо.