Экклезиаст 4:1 - Библи

¹ Нарата юртэмсэдэ бүхы дарлалтын үйлэ дахин дахин харабаб. Дарлуулагшадай нулимса хаража байхада, тэдэнэй һанаа заһаха хэншье олдохогүй. Дарлагшын талада хүсэн, харин дарлуулагшадые хайрлаха хэншье байхагүй.

Экклезиаст 4:1 Referencias Cruzadas

Иоов 16:4

Таанарай нам шэнги болоо һаа, бишье тархяа һэжэрэн зэмэлхэ байгааб.

Иоов 35:9

Зобожо дарлагдаһан хүнүүд уйлан ёоложо, хархис этэгээдүүдэй һабарһаа гараха гэжэ тэгүүлбэшье, тэдэниие Бүтээгшэ хэсүү үедэ туһалжа шадаха гү гэжэ ойлгодоггүй. Хүнүүдые бүтээхэдээ, арьяатан амитантай, жэгүүртэн шубуунтай жэшэмээр бэшэ ехэ ухаа үгэһэниинь ушартай гэжэ ухаалдидаггүй.

Иоов 6:29

Энэ байдалые эрьюулэн бодобол, гомдохо хүниинь би гээшэб.

Иоов 9:24

Адагай муу хүмүүс энэ дэлхэйе зонхилжо, шүүгшэ, шүүмжэлэгшэдынь һохор мэтэ болонхой. Энэ байдалые Тэрээнһээ ондоо хэн бии болгоо юм бэ?

Псалманууд 12:5

Намайе диилээб гэжэ дайсамни бү һанаг, унаа гэжэ намда дурагүйшүүл бү баярлаг!

Псалманууд 142:4

Һүлдэмни досоомни һулараа, зүрхэмни досоомни тогтоо.

Псалманууд 142:5

Урданай үе саг һананам, Танай хэһэн хэрэгүүд тушаа бодомжолном, Танай бүтээһэн зүйл тушаа бодоном.

Псалманууд 42:3

Гэрэл туяагаа, үнэнөө эльгээгыт! Тэдэ намайе хүтэлжэ, нангин хада руутнай, үргөө руутнай асараг лэ!

Псалманууд 80:5

Юуб гэбэл, энэ Израильда зорюулһан зарлиг, Яковай Бурханай тогтоол мүн.

Египедһээ гаралга 1:16

– Еврей эхэнэрнүүдэй хүүгэдэй хүйһэ хүндэхэдөө, хаража байгты – хүбүүн гараа һаань, алагты, басаган түрөө һаа, хамаагүй амиды байг, – гэжэ захирба.

Египедһээ гаралга 1:22

Фараон бүхы албатан арадтаа иимэ захирал буулгаба: – Һая түрэһэн хүбүүдыень уһа гол руу хаягты, басагадай түрэбэл, амиды үлөөгты.

Һургаал 19:7

Ядуу хүниие аха дүүнэрыншье үзэн ядахадань, хани нүхэдэйнь хүйтэрэн холодохонь гайхалгүй. Үгэ хэлэн шарайшалхадань, тэдэнь олдохошьегүй.

Һургаал 28:3

Ядуушуулые зобоодог үгытэй хүн таряалангые урыда урадхуулха аадар бороотой адли.

Һургаал 29:2

Зүб шударга хүнүүдэй дэбжэхэдэ, арад түмэн баяртай байдаг. Харин нүгэлтэнэй засагта байхада, арад зон халагладаг.

Экклезиаст 3:16

Хуули шүүн шиидхэдэг газарта хуули буса ябадал, үнэн шударгын орондо ёрото муухай ушардаг гэжэ би нарата юртэмсэдэ мүн харааб.

Экклезиаст 5:8

Хаанай хананхалан оролдодог орон нютагынь урдал хуу байдаг.

Экклезиаст 7:7

Хүниие хашахадаа, мэргэд ухаагаа алдадаг, абалга эдилгэ сэдьхэл гутаадаг.

Экклезиаст 8:9

Дэлхэйдэ болоһон хамаг юумэ үзэхэдөө, эдэ бүгэдые би харааб. Хүн дээрэ засаг абахадаа, хүн тэрээндэ хоро хүргэхэ гэжэ байдаг.

Исай 5:7

Израилиин арад – Түмэн Сэрэгтэ Эзэнэй үзэмэй жэмэсэй сэсэрлиг гээшэл; Иудын хан түрын улад зон – Тэрэнэй дуратай үзэмэй модоной эшэнүүд. Үнэн зүбөөр хэрэгүүд эрхилэгдэхэ гээд Тэрэнэй хүлеэһэниинь тэдэ алууршад болоо. Үнэн шударгые хүлеэһэниинь гомдол, оог бархираан гансал гарана.

Исай 51:23

Таанадые тамалагшадта энээниие үгэхэб. Тэдэ таанадые газар дээрэ хэбтүүлэн, шорой мэтээр дээгүүртнай дэбһэн гараа бэлэйл».

Исай 59:7

Гүйдэлөөрөө муу муухай хэрэгүүдые хэнэт, ямаршье зэмэгүй зониие аланат. Һанаан бодолтнай хилэнсэгтэ, харгы замтнай – сүйд, эбдэрэл.

Ерэмияа 16:7

Эхэ, эсэгэеэ, дүтын хүнөө алдаад байгша хүнэй һанаа тэгшэлхын, һамааруулхын тула хэншье тэрээндэ эдеэ хоол дурадхажа, хундага барижа бахагүй.

Гашуудал 1:16

Эдэ бүгэдэ тухай би уйланаб, нюдэмни уһан болонхой. Амиды мэндэ байлгадаг, һатааруулдаг нэгэн намһаа холо. Дайсанай хүсэндөө ороһон ушарһаа үхи хүүгэдни хооһон хосорно.

Гашуудал 1:17

Сион гараа һунгана, тэрэниие һатааруулха хэншье байхагүй. Эзэнэй захирхада дайсад Яковые бүһэлөө. Тэдэнэй дунда Иерусалим бузарлагдаһан эхэнэр мэтэ болоо.

Гашуудал 1:2

Бүхэли һүниндөө тэрэ сурхирса уйлана, нёлбоһод хасар дээгүүрнь урдана. Дуратай байһан зонойнь дунда тэрэниие һаатуулха хүн үгы, нүхэдынь тэрээндэ урбажа, дайсадынь болонхой.

Гашуудал 1:9

Хормойнь муухай юумэндэ зуурагданхай. Тэрэ ерээдүй тухайгаа бодоогүй, тиимэһээ гэнтэ доройтон унаа. Хэншье тэрэниие һатааруулхагүй! «Эзэн! Минии гай зоболон анхарыт! Дайсадай угаа баярлажа байһые!»

Амоос 3:10

Үнэн зүбөөр яажа ажаһуухые тэдэ мэдэдэггүй, хэрэмүүд соогоо гансал хүсэрхэл, дээрмэшэлгээр баялиг суглуулаа! – гэжэ Эзэн айладхана.

Амоос 3:9

Ашдоодой болон Египедэй хэрэмүүд соо тунхаглыта! «Самариин хаданууд дээрэ сугларагты! Тэрээн соо боложо байгаа угаа ехэ худхаляа үймөө, дарлалтые харыт!» – гэжэ хэлыта!

Малаахи 2:13

Таанар Эзэнэй үргэлэй шэрээ нулимсаар, уйлаан ёологоор бүтээдэг, тиимэһээ Тэрэ саашадаа үргэлыетнай харанашьегүй, танай гарһаа талархалтайгаар абахашьегүй байна.

Малаахи 3:18

Тиихэдэ таанар дахяад Намда ерэхэт, һайн муугай, зүб буруугай хоорондохи илгаа, Бурханда һүгэдэдэг үнэн шударга хүнэй ба нүгэл үйлэдэгшын хоорондохи илгаа ойлгохот.

Малаахи 3:5

Удаань шүүлгэ хэхэеэ Би таанарта ойртохо болоноб. Би мэргэлдэг хүнүүдтэ, садарлагшадта, хэрэг шүүлгэдэ хуурмагаар тангариглагшадта, хүлһэнэй ажалшадые луйбардагшадта, бэлбэһэн эхэнэрнүүдые ба үншэн хүүгэдые дарлагшадта, ерүүл хүнүүдые харшалагшадта болон Намһаа нарилан айдаггүй хүнүүдтэ эсэргүү гэршэ болохоб», – гэжэ Түмэн Сэрэгтэ Эзэн айладажа байна.

Матвей 26:56

Эдэ бүгэдэ Нангин Бэшэг соо лүндэншэдэй бэшэһэн мүрнүүдэй бэелхын тула болоо. Тиихэдэнь Иисүүсэй шабинарынь булта Тэрэнээ орхёод, зугадаба.

Хуули дабталга 28:33

Хариин улад зон газарайшни хэшэг, ажалайшни бүхы үрэ дүн эдижэ хэрэглэжэ байха. Харин ши наһаараа хашагдажа, үйлөө үзэжэ байхаш.

Хуули дабталга 28:48

Эзэн таанадай урдаһаа дайсадые эльгээхэ. Тэдээндэ алба хэхэт. Үлэн хооһон, ехэ ангаһан, нюсэгэн сурба, бүхы юумээр дуталдажа ажаһуухат. Хүзүүндээ хөөмэгшэ углуулһандал, үхэтэрөө хүшэр хүндэ мүлжэлгэ, дарлалта доро байхат.

Яковай хандалга 5:4

Таряалан дээрэтнай ажаллаһан хүдэлмэришэдтэ хүлһыень түлэхэеэ таанад арсабат, харин мүнөө тэдэнэй түлэгдөөгүй салингынь таанадые зэмэлэн хашхарна. Һүр жабхаланта Эзэн ургасыетнай хадаһан хүдэлмэришэдэй гэгэхые дуулаа.

Ударидагшад 4:3

Юһэн зуун түмэр тэргэтэй Сисэраа израильшуудые хорин жэл соо дошхон хэрзэгыгээр дарлаба.