Экклезиаст 3:2 - Библи

² Үхэхэ түрэхэ саг, тариха ургуулха саг ба тариһаниие гэмтээн ходо татаха саг;

Экклезиаст 3:2 Referencias Cruzadas

Эхин 17:21

Харин Намтай баталһан хэлсээн Исаагта хамаатай. Тэрэ хүбүүе Сарра хойто жэл түрэхэ, – гэжэ айладхаба.

Эхин 47:29

Наһа бараха сагай ерэхэдэ, Израиль Иосиф хүбүүгээ дуудажа, иигэжэ хэлэбэ: – Хүбүүмни, ши үнэхөөрөө абадаа дуратай юм һаа, хүсэлыемни бэелүүлхэб гэжэ үгөө үгэ. Зай, хүбүүмни, ши энээниием бэелүүлхэ һаа, эртын заншалай ёһоор, абынгаа хоёр гуяын хоорондо гараа табяад, намда үршөөл хайраа, үнэн шударгаа үзүүлэн, энэ Египедэй нютагта яһыем орхихогүйб гэжэ тангаригла.

3 Хаан түрэнүүд 13:2

Тэрэ үргэлэй шэрээдэ Эзэнэй айладхал хашхаран соносхобо: – Үргэлэй шэрээ, үргэлэй шэрээ! Эзэн иигэжэ айладхаа: «Давидай уг удамда Ёшияа гэжэ нэрэтэй хүбүүн түрэхэ. Тэрэ шам дээрэ уталга ууюулдаг, мүргэлэй обоонуудай санаартадые үргэл болгон шатааха, хүнэй яһануудые шам дээрэ галдаха!»

4 Хаан түрэнүүд 4:16

Элишаа тэрэ эхэнэртэ хандажа: – Нэгэ жэл үнгэрөөд, эгээл энэ сагта ши хүбүүгээ үбэр дээрээ баряад байхаш, – гэжэ хэлэбэ. – Эзэмни, Бурханай хүн намайе, өөрынгөө барлагые бү мэхэлэ, – гэжэ тэрэ эхэнэр хэлэбэ.

Иоов 14:14

Үхэһэн хүниие амилуулжа шадаха бэзэт. Зоболон бэрхэшээлэй үдэрнүүдэй хубилтар би хүлеэхэб.

Иоов 14:5

Хүнэй наһанай хэмжээе тогтоожо үгэһыетнай хэн ондоо болгожо шадахаб?

Иоов 7:1

Хүнэй амидарал гээшэ хүшэр алба хааһан, хүлһэнэй ажалда жүдхэһэн мэтэ хүндэ юм.

Псалманууд 113:9

Эзэн, гансал Танда, гансал Танда, бидэндэ бэшэ, магтаал дуун зорюулагдаха ёһотой. Юуб гэбэл, энэрэл хайратнай, үнэн зүбтнай хэтын!

Псалманууд 52:5

Муу юумэ хэдэг тэдэ юушье ойлгодоггүй юм гү? Хилээмэ эдиһэндэл адляар минии арад түмэниие зооглонол, Бурханиие дууданагүй.

Һургаал 24:27

Гэр барихын урда газаахи ажалаа дүүргэжэ, хээрэ талада байһан юумэеэ суглуулан бэлэн болго. Тииһэн хойноол гэрээ бари.

Исай 28:24

Ургаса тариха үе сагай ерэхэдэ, таряашан гансахан лэ газараа хахалжа, борнойлжо байдаггүй.

Исай 38:1

Энэ үедэ Хэзэкияа хаан ехээр үбдэжэ, наһа бараха туйлдаа хүрөөд байба. Амооцой хүбүүн, лүндэншэ Исай тэрээниие эрьежэ ошоходоо, иигэжэ хэлэбэ: – Үхэжэ байна, һайн болохогүй гээд шам тушаа Эзэн айладхана, тиимэһээ гэрээд үгэнүүдээ хэлэг лэ гэжэ Тэрэ захирна.

Исай 38:5

Хэзэкияада бусаад, иигэжэ хэлэ: – Би, Эзэн, шинии үбгэ эсэгэ Давидай Бурхан, гуйлтыешни соносооб, нулимсыеш харааб. Тиигээд шинии наһые Би арбан табан жэлээр утадханаб.

Исай 54:1

Иерусалим, ши үхибүү түрөөгүй, үри хүүгэдгүй эхэнэр, хүхин баясыш! Үхибүү түрэхын зоболон мэдэрээгүй эхэнэр, хүхииш, баярлыш! Юуб гэхэдэ, хадамда гараагүй эхэнэр хадамтай эхэнэртэ орходоо тоогүй олон үхибүүтэй байха. Иигэжэ Эзэн айладхаа.

Ерэмияа 1:10

Арад уласуудые, хаан түрэнүүдые үндэһөөрнь үгы хэхын, үрижэ байхын, һандаргаахын, һалгаахын, байгуулан барижа, һуулган үндэһэлхыншни тула мүнөө Би шамда эрхэ түлөөлгэнүүдые үршөөнэб, – гэжэ айладхал буулгаба.

Ерэмияа 45:4

Харин Би, Эзэн, байгуулһанаа һандаргаахаб, һуурижуулһанаа татан хаяхаб! Бүхы газарта иимээр хандахаб!

Матвей 13:41

Хүн түрэлхитэнэй Хүбүүн Эльгээмэлнүүдээ ябуулха, тэдэнь хаан орон соонь бүхы буруу ябадалтаниие болон бусад зониие нүгэлдэ оруулагшадые суглуулха,

Матвей 15:13

Иисүүс иигэжэ харюусаба: – Тэнгэридэ байгша Эсэгымни таряагүй ямаршье ургамал үндэһэтэйгөө хамта абтажа хаягдаха.

Лука 1:13

Харин Эльгээмэл хэлэбэ: – Захарияа, бү ай, шинии зальбаралые Бурхан дуулаа, Елизавета һамганшни шамда хүбүү түрэхэ. Хүбүүгээ Иоанн гэжэ нэрлэхэш.

Лука 1:20

Сагайнгаа ерэхэдэ хүсэлдэхэ эдэ үгэнүүдтэмни этигээгүй юм хадаа, эдэ бүгэдын тохёолдохо үдэр болотор ши аниргүй, дуугаржа шадахагүй ябахаш, – гэжэ Эльгээмэл айладаба.

Лука 1:36

Тиихэдэ шинии түрэл садан Елизавета наһатай болоошье һаа, баһал хүбүүтэй болохо гэжэ байна. Үригүй гэжэ хэлүүлдэг байһан аад, мүнөө зургаадахи һара дээрээ ябана.

Иоанн 16:21

Эхэнэр хүн үхибүү түрэхэ сагай ерэхэдэ, үбдэдэг, зободог, теэд үхибүүгэй түрэхэдэ, дэлхэйдэ хүн түрэбэ гэжэ баярлахадаа, үбдэһэн зобоһоноо мартадаг.

Иоанн 7:30

Тиигэжэ хэлэхэдэнь Иисүүсые засагаархин барижа хаахаяа һанаба, теэд хэншье Тэрээнэй ойро хүрэбэгүй, юундэб гэхэдэ, Тэрэнэй сагынь үшөө ерээдүй байгаа.

Хэрэгүүд 7:17

Бурханай Абраһаамда найдуулһан үгын хүсэлдэхэ сагай ойртожо байхада, манай яһатан Египедтэ тэнжэжэ, хүн зонойнь тоо олошоржо байгаа.

Хэрэгүүд 7:20

Тэрэ үедэ сэбэр һайхан Моисей хүбүүн түрэһэн түүхэтэй. Гурбан һара хүрэтэрнь тэрэниие эсэгынь гэртэ тэнжүүлээ.

Галадуудта 4:4

Харин саг болзорой ерэхэдэ, эхэнэрһээ түрэһэн Хүбүүгээ Бурхан эльгээбэ. Хуулиин эрхэ мэдэлдэ байһан хүнүүдые абархын тула, Бурханай найдуулһан юумэнэй уг залгамжалагшад болгохын тула түлөөһэ үгэжэ, эльгээһэн Тэрэ Хүбүүниинь Хуулиин ёһоор ажамидаржа байгаа.

Хуули дабталга 34:5

Иигэжэ Моисей, Эзэнэй зараса, тэндэ, Моһаабай газарта, Эзэнэй айладаһанай ёһоор, наһанһаа нүгшэһэн байна.

Еврейнүүдтэ 9:27

Хүн бүхэн нэгэтэ үхөөд лэ, удаань зарга шүүбэридэ орохо ёһотой.

1 Хаан түрэнүүд 2:5

Садхалан байгаашадшье хилээмэнэй түлөө бэеэ хүлһэлэн хүдэлжэ, үлэсхэлэн хооһон зоншье садажа амардаг. Үригүй эхэнэршье долоон хүбүүтэй боложо, үнэр, олон хүүгэдтэй һамганшье гансаараа үлөөд зободог.