Экклезиаст 3:17 - Библи

¹⁷ «Шударга сэхэ хүниие ба гэмтэй нүгэлтэниие Бурхан лэ шүүжэ харана» гэжэ би өөртөө хэлээб, ушарынь хадаа бүхы юумэндэ саг үйлэ гэжэ байха.

Экклезиаст 3:17 Referencias Cruzadas

Эхин 18:25

Би үнэншэхэгүйб – тиимэ байхагүй! Та иимэ юумэ хэхэгүйт! Зүб шударга зониие дорой ябадалтай золигуудтай хамта хосороохогүйт. Зүб шударга хүнүүд муу муухай хэрэг үүсхэгшэдтэй хамта хэһээлтэдэ хүртэхэ ёһогүй. Тиимэ байхагүй! Хамаг дэлхэйн Үйлэ шиидхэгшэ алдуута шиидхэбэри гаргаха ёһогүйл! – гэбэ.

Псалманууд 98:9

Эзэн Бурханииемнай үргэмжэлэгты! Нангин хада дээрэнь һүгэдэн мүргэгты! Юуб гэбэл, Эзэн Бурхамнай арюун нангин юм.

Экклезиаст 1:16

«Иерусалимда намһаа урид хаан түрэ эзэлэгшэдһээ үлүү боложо, ёһото мэргэн ухаан юун гээшэб гэжэ мэдэжэ абааб» гэжэ би зосоогоо сэдьхээ һэмби.

Экклезиаст 11:9

Залуу байгаа сагтаа баярлажа сэнгэ. Залуу наһанайш үдэрнүүдтэ зүрхэ сэдьхэлшни хүхюун тэнигэр байг. Сэдьхэлэй хүсэл, өөрынгөө нюдэнэй хараса дахан бай. Гэхэдээ энэ бүгэдынгөө түлөө Бурханай урда харюусаха саг ерэхэ гэжэ бү мартаарай.

Экклезиаст 12:14

Бурхан нюусашье һаань, бүхы юумэ, һайтайнь муутайнь шүүжэ харадаг.

Экклезиаст 2:1

Би өөртөө хэлэбэб: «Шамайе сэнгэл баясхалангаар туршаһууб, жаргал гээшые одоол үзэхэш!» Үзэхыншье үзэбэ гэлэйш, теэд энэнь баһал дэмы хүлгөөн хөөрсэг.

Экклезиаст 3:1

Тэнгэри дорохи хамаг юумэн саг болзортой ба хамаг юумэн болохол сагтаа боложо байдаг:

Экклезиаст 8:6

Хамаг юумэн сагтай ба ёһо гуримтай байдаг, хүн тэрээндэ нэрбэгдэжэ болохо. Юунэй тохёолдохые хүн мэдэхэгүй – хэн тэрээндэ хэлэжэ шадахаб?

Даниил 11:40

Бурханай тодорхойлһон сагай эсэс болоходо урда зүгэй хаан тэрээндэ добтолхо. Теэд хойто зүгэй хаан дайшалхы тэргэнүүдээрээ, морин сэрэгээрээ, олон онгосоороо шуурган мэтэ тэрээнэй урдаһаа шуумайха. Тэрэ үер мэтэ олон орон нютагуудаар гаража,

Даниил 12:4

Ши, Даниил, эдэ үгэнүүдые ном соо хадагалжа, тамгалаад, энэ дэлхэйн дүүрэтэр нюугаад байгаарай. Олон зон юумэ ойлгохоёо һэдэжэ, тэрэниие бэдэрхэл.

Даниил 12:9

Тэрэ: – Яба, Даниил! Эдэ үгэнүүд нюуса, эсэсэй болотор нюултатай байха ёһотой.

Матвей 16:27

Хүн түрэлхитэнэй Хүбүүн Эсэгынгээ алдар соо Эльгээмэлнүүдтэйгээ хамта һаяар ерэхэл, тиигээд хэһэн хэрэгэйнь хэмээр хүн бүхэниие шиидхэхэл.

Иоанн 5:22

Эсэгэнь хэнииешье шүүбэрилдэггүй. Эсэгыень хүндэлдэгтэл адляар Хүбүүень бултанай хүндэлжэ байхын тула зарга шүүбэри хэхэ бүхы эрхэеэ Тэрэ Хүбүүндээ дамжуулан үгөө. Хүбүүе хүндэлөөгүй һаа, эльгээһэн Эсэгыеньшье баһал хүндэлнэгүй гээшэ.

Хэрэгүүд 1:7

– Таанарта Эсэгын эрхэ мэдэлээр тогтоогдоһон саг болзорой ерэхые мэдэхэ хэрэггүй.

Хэрэгүүд 17:31

юундэб гэхэдэ, Бурхан юртэмсэ дэлхэйе үнэн зүб зарга шиидхэбэреэр шүүхэ үдэрөө тогтоогоо, тиин Зарга шүүгшэеэ Тэрэ томилон табяа. Тэрэниие Бурхан амидыруулжа, бүхы хүнүүдтэ гэршэ баримта болгон үгөө.

Коринфынхидтэ 1-дэхи 4:5

Тиимэһээ тогтоогдоһон сагай болоогүйдэ хэнииешье бү шүүбэрилэ. Эзэн ерэхэдээ, шэб харанхыда хоргодоһон юумэнүүдые гэрэлтүүлхэ, хүнүүдэй далда һанаа зорилгые элирүүлхэ, тиихэдэ хүн бүхэн хэһэн зэргээрээ Бурханайл магтаалда хүртэхэ.

Коринфынхидтэ 2-дохи 5:10

Газар дэлхэй дээрэ ябахадаа муу, һайн юумэ хэһэнэйнгээ түлөө шүүлгэхын тула бидэ булта Христоосой зарга шүүбэридэ орохо ёһотойбди.

Фессалоникиинхидтэ 1-дэхи 5:1

Аха дүүнэрни, эдэ бүхэнэй ушарха саг, болзор тухай таанадта бэшэһэнэй хэрэггүй.

Гэршэлгэ 11:18

Бусад арадууд уур сухалаа хүрэбэ, баһа Ташье уур сухалаа хүрэбэт – үхэһэн хүнүүдые шүүбэрилхэ сагтнай, Танай зарасанар-лүндэншэдтэ, Танай арюун нангин арадта, Танай алдар нэрые хүндэлдэг юрыншье, засаг баридагшье хүнүүдтэ шагнал хайра үршөөхэ сагтнай, газар дайда усадхан хосороогшодые үгы хэхэ сагтнай хүрэжэ ерэбэ.

Гэршэлгэ 20:2

Ехэ үнинэй могой, шолмос, сатана байһан лууе Эльгээмэл барижа ерээд, мянган жэлдэ мултархагүй бүхөөр гэнжэлэн хүлижэрхибэ.