Экклезиаст 3:11 - Библи

¹¹ Бурханай хэһэн бүхы юумэн тэрэ сагтаа һайхан байдаг, Бурханай үйлдэһэниие эхинһээнь эсэс хүрэтэр хүнүүдэй ойлгохогүйшье һаань, Тэрэ хүнүүдэй зүрхэндэ эгүүридэ мүнхые байгуулаа.

Экклезиаст 3:11 Referencias Cruzadas

Эхин 1:31

Бурхан Өөрынгөө бүтээһэн юумэ хараад, сэдьхэлээ хананги үлөө һэн. Иигээд үдэшэ үнгэржэ, һүни болоод, үглөө эхилэн, зургаадахи үдэр үнгэрбэ.

Иоов 11:7

Ши өөрөө Бурханай гүн ухаае, Хамагые баригша Түгэс Хүсэтын хизаарые оложо шадаха гүш?

Иоов 37:23

Хэн Түгэс Хүсэтэдэ ойртожо шадахаб? Агууехэ хүсэтэй аад, тэрэ хүнүүдые дарладаггүй, үнэн шударгыгаар харилсадаг.

Иоов 5:9

Тэрэнэй хэрэгүүд агууехэ, ухаанда орошогүй, гайхамшаг зүйлнүүдынь тоо томшогүй.

Псалманууд 104:24

Бурхан арад түмэнөө угаа үнэр болгобо, дайсадһаань хүсэтэй болгобо.

Һургаал 16:4

Эзэн бүхы юумые зорилготойгоор бүтээгээ. Муу хүниие хэһээлгэ баһал Эзэнэй түсэбтэ ородог.

Экклезиаст 1:13

Тэнгэри доро үйлэдэгдэдэг бүхы юумые мэргэн ухаагаар туршан шэнжэлхэ гэжэ эрмэлзээб. Энэ хадаа Бурханай хүнүүдтэ сэдьхэл амар бэшэ байхынь тулада үгэһэн орёо бэрхэ үүргэ байгаа.

Экклезиаст 11:5

Һалхинай шэг болон жэрмэһэн эхэнэрэй хээлидэ яһанай бүрилдэхые мэдэхэгүйтэй адли бүгэдые бүтээгшэ Бурханай хэрэгүүдые мэдэхэгүйш.

Экклезиаст 7:13

Бурханай ажалые харагты: Тэрэнэй һарюу болгоһониие хэн сэхэлжэ шадахаб?

Экклезиаст 7:23

Эдэ бүгэдые мэргэн ухаагаар шалгаад, «Би ухаатай болооб» гэжэ өөртөө хэлээшье һаам, мэргэн ухаан намһаа ямар холоб даа.

Экклезиаст 7:29

Минии оложо мэдэһэн зүйл хадаа Бурхан хүниие үнэн шударгыгаар бүтээгээ, теэд тэдэнь муу тээшэ олон зам нээгээ.

Экклезиаст 8:17

Бурханай бүхы хэрэгүүдые хараад, хүн гээшэ наран доро үйлэдэгдэдэг хамаг юумэ ойлгохогүй гэжэ мэдэбэб. Хэдышье оролдоо һаа, нээлтэ хэжэ шадахагүй. Мэдэнэб гэжэ мэргэн хүн хэлээшье һаа, оньһо ухааень олохогүй, хэншье тэрээниие шадахагүй.

Матвей 11:27

Бүхы юумые Эсэгэмни Намда үгөө. Эсэгэһээ ондоо хэншье Хүбүүе мэдэхэгүй, мүн Хүбүүнһээ, баһа Хүбүүнэй дуулгаһан хүнүүдһээ ондоо хэншье Эсэгые мэдэхэгүй.

Матвей 13:22

Үүргэнэ соо унаһан үрэһэн гээшэнь иимэ удхатай: хэн нэгэн мэдээсэл дуулажа абабашье, энэ ажамидаралайнгаа түлөө оролдолгонь, эд зөөридэ обтолгонь мэдээсэлые даражархидаг, тиин тэрэ мэдээсэл ямаршье үрэ дүнгүй байдаг.

Марк 7:37

Дуулаһан зон булта аргагүй ехээр гайхалдаба: – Иисүүс ямаршье юумые һайнаар хэнэ. Дүлии зониие дууладаг болгоно, хэлэгүй зониие дуугардаг болгоно.

Римэйхиндэ 1:28

Тэдэ зоной Бурхан тухай бодожо байхаяа арсаһан хадань тэдэнэй тэнэг хооһон ухаан бодолойнгоо хүсэлэнгөөр ябахадань Бурхан һаалта хээгүй. Тиимэһээл тэдэ зон хэхэ ёһогүй юумэнүүдые хэнэ.

Римэйхиндэ 11:33

Хэн Бурханай баян бардамые, сэсэн ухааниие, мэдэрэл ойлгосые хэмжэхэ аргатайб? Хэн Тэрэнэй шиидхэбэриие тайлбарилжа шадахаб? Хэн Тэрэнэй харгы замые ойлгохоб?

Хуули дабталга 32:4

Тэрэ – танай хамгаалагша, хэрэгүүдынь түгэс. Бүхы аян замынь залан сэхэ. Бурхан найдамтай, хуурмаг худал юумэн Тэрээндэ үгы, Тэрэ үнэн зүб, шударга сэхэ юм.