Экклезиаст 2:8 - Библи

⁸ Мүн баһа хаашуул болон орон нютагуудһаа алта мүнгэ асаруулааб. Эмэгтэй эрэгтэй дуушадые урижа, шэхэнэй шэмэг зугаа болохо аялга хүгжэмэй зэмсэгүүдые суглуулааб.

Экклезиаст 2:8 Referencias Cruzadas

2 Хаан түрэнүүд 19:35

Би ная наһатай болооб. Һайн, мууешье илгаруулжа шадахагүйб, эдеэ-унданай амта ойлгоногүйб, эрэ, эхэнэр дуушадай хоолойшье дуулахагүйб. Эзэн хаандаа юундэ дарамта болохобиб даа.

3 Хаан түрэнүүд 10:10

Тиигээд тэрэ хаанда асарһан бэлэгүүдээ барюулба: зуун хорин талаант шэжэр алта, үнэтэ эрдэни шулуунуудые, үнэтэ хангалтай гүгэлнүүдые. Соломоон хаанда Шэбаагай хатанай бэлэглэһэнһээ үлүү иимэ ехэ гүгэл бэшэ хэзээдэшье асаржа байгаагүй юм.

3 Хаан түрэнүүд 10:14

Соломоон хаан жэл бүри зургаан зуун жаран зургаан талаант алта олзолдог һэн.

3 Хаан түрэнүүд 10:21

Соломоон хаанай бүхы аяганууд алтан, Ливаанай үнэтэ модоор шэмэглэгдээтэй таһалгада бүхы амһартанууд алтан һэн. Мүнгэн Соломооной үе сагта үнэтэйдэ тоологдодоггүй бэлэй. Тиимэһээ мүнгөөр бүтээгдэһэн юуншье тэрээндэ байгаагүй.

3 Хаан түрэнүүд 11:3

Хаан долоон зуун һамгатай, тиихэдэ гурбан зуун бага һамгатай байгаа. Тэдэ Бурханай харгы замһаа тэрэниие хадууруулба.

3 Хаан түрэнүүд 14:27

Тэрэ алтан бамбайнуудай орондо Рэхобаам гуулин бамбайнуудые бүтээлгээд, хаанай ордоной үүдэ харууһалагша сэрэгэй ноёдто үгэбэ.

3 Хаан түрэнүүд 9:14

Тиигээд Хираам Соломоон хаанда зуун хорин талаант алта харюудань гэжэ эльгээ бэлэй.

3 Хаан түрэнүүд 9:28

Тэдэ Опиир орон руу тамаран ошожо, дүрбэн зуун хорин талаант шэжэр алта Соломоон хаанда асараа һэн.

1 Угай бэшэг 25:1

Давид ба сэрэгэй дарганууд Асаапай, Һэмаанай, Едүтүүнэй хүбүүдые албанда томилжо, тэдэнэр абарал буулгадаг, цитранууд, псалтирнууд, кимвалнууд дээрэ наададаг; тэдэнэр албанайнгаа хэрэгтэ томилогдобо.

1 Угай бэшэг 25:6

Тэдэнэр бултадаа эсэгынгээ хүтэлбэри доро хаанай, үгышье һаа, Асаапай, Едүтүүнэй, Һэмаанай заабаряар кимвалнуудай, псалтирнуудай, цитрануудай хүгжэм доро дууладаг, Бурханай гэртэ иимэ алба бэелүүлдэг һэн.

2 Угай бэшэг 9:11

Тэрэ асарһан үнэтэ зандан модоор хаан Эзэнэй Һүмын болон хаанай ордоной гэшхүүрнүүдые дархалуулба. Мүн лэ хүгжэмшэдтэ ятага болон лимбэнүүдые тэрэ урлуулба. Иимэ юумэн Иудын газар дайдада хэзээшье харагдаа үзэгдөөгүй байгаа.

Эзраа 2:65

богоолнууд, шэбэгшэнүүдгүйгөөр, – тэдэнэй тоо долоон мянга гурбан зуун гушан долоондо хүрөө, үшөө тиихэдэ хоёр зуун дууша эрэшүүл болон эхэнэрнүүд,

Экклезиаст 1:2

– Хүлгөөн хөөрсэг, хамаг юумэн дэмы хүлгөөд, хөөрсэгэнөөд дүүрэхэ, – гэжэ Багша хэлэбэ.

Даниил 3:15

Тиимэ һаань, шэлэгты: үхэр бүреэгэй, лимбын, ятагай болон бусад хүгжэмэй абяа дууламсаараа һүгэдэн доошоо унажа, минии байгуулһан хүрэгтэ мүргэгты, мүргөөгүй гээшэ һаа, галаар бушаганажа байгша пеэшэн руу тэрэ дары хаюулхат. Тиихэдэ ямар бурхан таанадые абарха гээд һананат? – гэжэ хэлэбэ.

Даниил 3:5

Үхэр бүреэгэй, лимбын, ятагай болон бусад хүгжэм дууламсаараа доошоо һүгэдэн унажа, Навуходоносор хаанай байгуулһан алтан хүрэгтэ мүргэхэ ёһотойт.

Даниил 3:7

Үхэр бүреэгэй, лимбын, ятагай болон бусад хүгжэм дууламсаараа бүхы арадууд, обогууд, бүлээлингүүд доошоо һүгэдэн унажа, Навуходоносор хаанай байгуулһан алтан хүрэгтэ мүргэбэ.

Амоос 6:5

Морин хуурай дууряан доро, Давидһаа муу бэшэ хүгжэмшэд аялга дуу дуулана.