8 Хүлгөөн хөөрсэг, хамаг юумэн дэмы хүлгөөн гэжэ Багша хэлэбэ.
Сэдьхэлни Танда няалданхай, зүб гартнай намайе дүнгэнэ.
Энэ хадаа Багшын, Иерусалимай хаан Давидай удам болохо хүнэй хэлэһэн үгэнүүд гэхэ.
Би, Багша, Иерусалим хотодо Израилиин хаан түрые эзэлжэ һуугаа һэм.
Би нарата дэлхэйдэ үйлэдэгдэдэг бүхы юумэ үзөөб, энэ хадаа дэмы хүлгөөн хөөрсэг, сэдьхэлэй зоболон.
Мэргэн ухаа мэдэжэ абахын хажуугаар галзуу тэнэгые таниха гэжэ бүхы бодолоо зорюулааб. Энэ баһал сэдьхэлэй ехэ зоболон гэжэ ойлгооб.
– Хүлгөөн хөөрсэг, хамаг юумэн дэмы хүлгөөд, хөөрсэгэнөөд дүүрэхэ, – гэжэ Багша хэлэбэ.
Наран доро хэгдэжэ байгаа бүхы юумэн намда жэгшүүритэй муугаар үзэгдэжэ, амидаралые тэбшэхэ аргамнигүй болобо. Энэ бүгэдэ дэмы хүлгөөн, һалхи намнагшатай адли.
Элдэб ажал ба амжалтануудынь хүнүүдэй дунда атаархал түрүүлдэг. Энэ дэмы хэрэг, һалхи намнагшатай адли.
Һүүдэр мэтэ үнгэрдэг удхагүй амидаралай үсөөхэн үдэрнүүдтэ өөртэнь юун һайн бэ гэжэ хэн мэдэхэб? Нарата дэлхэйдэ өөрһөөнь хойшо юунэй болохые тэрээндэ хэн хэлэжэ шадахаб?
Хүн һалхи тогтоожо шадахагүй, һүнэһэнэй халиха үдэр тогтоохо арга тэрээндэ байхагүй. Үхэхэ үдэрөө хүн зонхилхо шадалгүй. Энэ тэмсэлдэ абарал гэжэ байхагүй, нүгэлтые нүгэлынь халхалхагүй.
