Экклезиаст 12:7 - Библи

⁷ Газарай тооһонһоо гараһан зүйл тэндээ бусажа, һүлдэнь тэрэниие үгэһэн Бурхандаа бусаха болоно.

Экклезиаст 12:7 Referencias Cruzadas

Эхин 18:27

Абраһаам саашань үргэлжэлүүлбэ: – Эзэн Бурхамни! Би болбол Танай урда үнэһэн, шандаруу гээшэлби, гэбэшье зүрхэлжэ, Таниие иигэжэ гуйнаб.

Эхин 2:7

Тиигээд Эзэн Бурхан хүниие газарай шоройһоо бии болгожо, хамар руунь амидаралай амисхал үлеэжэ оруулба. Хүн амитан боложо амидырба.

Эхин 3:19

Хүлһөө адхан эдеэ хоол олодог байхаш. Газарһаа абтаһан хадаа дахинаа газартаа бусахаш. Юуб гэбэл, ши тоборог шорой гээшэш, иимэл ёһонһоо юрын лэ шорой тооһон болохош.

Иоов 20:11

Шадал дундаа бэень эртэ булагдан, газар шоройдо шэнгэхэ.

Иоов 7:21

Би Танда тиимэ хэсүүгээр үзэгдэнэ гээшэ гүб? Та юундэ хэһэн гэмыем сагаадханагүй гээшэбта? Удахагүй үхэхэ намайе хүлисэхэнь дээрэ бэшэ юм гү? Эсэ тиигэбэл намайе энэ дэлхэйдэ бэдэрээд олохогүйт.

Псалманууд 103:14

Мал һүрэгтэ гэжэ үбһэ ногоо, зоной аша туһада, хүдэлмэриинь түлөө гэжэ ногоо ургуулнат.

Псалманууд 104:29

Бүхы орон нютагаар уһые шуһан болгобо, голой загаһа усадхаба.

Псалманууд 146:4

Тэрэ одо мүшэдые тоолодог, тэдэ бүгэдэдэ нэрэ үгэдэг.

Псалманууд 31:6

Тиимэһээ үнэн шударга хүн бүхэн Танда гай тодхорой үедэ зальбараг лэ, тиигэбэл, ехэ уһанай үер тэдэндэ хүрэхэгүйл.

Псалманууд 90:3

Бурхан шамайе ангуушанай урьхаһаа, үхэл хаталһаа абарха,

Исай 57:16

Би зониие хэтэ гэмнэжэ байхагүйб, уур хилэмни таһалгаряагүй бэшэ. Ондоо байгаа бол Минии урда тэдэнэй һүлдэ, Минии байгуулагша халуун амид хүсэгүй болохо бэлэйл.

Ерэмияа 38:16

Тиихэдэм Цэдэкиия хаан нюусаар намда тангариглажа, «Бидэндэ ами наһа бэлэглэһэн Бурханаар тангаригланаб, би шамайе саазалхагүйб, алахаяа һанаашадташье үгэхэгүйб», – гэбэ.

Даниил 12:2

Газарай шорой соо унтажа байгааша зоной олонхинь тиихэдэ нойрһоо һэрихэл: заримань хэтэ мүнхэ ами наһатай болохо, нүгөөшүүл хэтэ мүнхэдөө нэрээ хухарха, хүндэгүй болохо.

Захарияа 12:1

Үзэл: Израиль тухай Эзэнэй үгэ. Тэнгэри дэлгэжэ, дэлхэйн һуури табиһан, хүнэй һүнэһэ һүлдэ доторынь бии болгоһон Эзэн тунхаглажа байна:

Тоололго 16:22

Моисей Аһароон хоёр нюураараа газар дэрлэн унажа зальбараад, Эзэндэ иигэжэ хэлэбэ: – Өө, хүлисыт, Бурхан, амиды голтой алишье амитанай Бурхан! Ори ганса хүнэй нүгэл хэхэдэнь, бүхы арад зондо Та уураа бү гаргыт!

Тоололго 27:16

– Та ямаршье амитанай амидаралай ба нүгшэлгын Эзэн Бурхан мүн. Энэ арадые ударидаха хүниие томилыт гэжэ би Таниие гуйнаб.

Лука 23:46

– Эсэгэмни, Танай мэдэлдэ һүнэһөө ябуулнаб! – гэжэ Иисүүс шангаар үгэлэн, ами табиба.

Хэрэгүүд 7:59

Стефаниие шулуугаар шэдэжэ байхадань: – Эзэн Иисүүс, һүлдыемни абыт даа! – гэжэ тэрэ гуйба.

Еврейнүүдтэ 12:23

Нэрэнүүдынь тэнгэридэ бэшэгдэһэн Бурханай эгээн түрүүшын һүзэглэгшэдэй бүлгэмэй гэшүүдынь болон таанад ерээт. Таанад бүхы хүнүүдэй Зарга шүүгшэ болохо Бурханда, эрхим түгэс болоһон үнэн сэдьхэлтэнүүдэй һүлдэнүүдтэнь ерээт.

Еврейнүүдтэ 12:9

Газар дэлхэйдэхи эсэгэнэрэйнгээ маанадые хэһээхэдэ бидэ тэдэниие хүндэлдэг һэмди. Тиимэһээ бидэ тэнгэриин Эсэгынгээ мэдэлдэнь бүрин байха ёһотойбди.