Экклезиаст 12:13 - Библи

¹³ Эдэ бүгэдын удха гэбэл: Бурханһаа түбэгшөөдэг бай, Тэрэнэй захяа заабари сахидаг бай, хүндэ хабаатай бүхы юумэн тэрээн соо байха.

Экклезиаст 12:13 Referencias Cruzadas

Эхин 22:12

– Тэрээндээ гар бү хүрэ! – гэжэ Эльгээмэл айладаба. – Боли! Хайрата ганса хүбүүгээ Намда үргэхэһөө татагалзаагүй байһан дээрэһээш Намайе хүндэлдэг гэжэ Би мэдэбэб.

3 Хаан түрэнүүд 2:3

Юушье хэбэл, хаанашье ябабал, амжалта туйлахын тула Өөрын Эзэн Бурханиие шүтэн ябаарай. Моисейн хуули соо бэшэгдэһэн Эзэнэй хуули ёһо, зарлигуудые, тогтоол, һургаалнуудые сахин байгаарай.

Иоов 28:28

Тиигээд өөрынгөө бүтээл болохо хүндэ хандажа, «Ехэ Эзэн намайе хүндэлхэ гээшэ таанарай хубида эгээл сэсэн зүйл болохо. Тиин гэмтэ байдалһаа зайлажа ябахань хүнэй амидаралда хамагһаа ухаатай шухала» гэбэ.

Псалманууд 111:10

Хорото һанаата хүн хаража, атаархаха, ש Шиин шүдөө хабирха, хайлан һалаха. ת Таав Хорото зоной хүсэл бэелүүлэгдэхэгүй.

Һургаал 1:7

Эзэнһээ бэшэрхэ гээшэ сэсэн мэргэн ухаанай эхин юм. Харин мунхаг тэнэгүүд лэ сэсэн ухаае, һургаал заабариие үзэн ядадаг.

Һургаал 19:23

Эзэнһээ бэшэрэл ами наһа үршөөдэг: хүн муу юумэнһээ айнгүй амгалан унтадаг.

Һургаал 23:17

Шинии зүрхэн нүгэлтэндэ бү атаархаг, харин Эзэнһээ бэшэржэ байг.

Экклезиаст 2:3

Мэргэн ухаагаар хүтэлбэри хэхын хажуугаар өөрынгөө бэеые үзэмэй дараһан архяар сэнгүүлхэ мэтэ үшөө ямар тэнэг юумэн бии бэлэй гэжэ хүнэй хүбүүдэй үзэдэг алибаа зүйл туршан мэдэхые оролдоо бэлэйб. Тиигэжэ муу һайниие зэргэсүүлэн, хүн гээшэ богонихон наһандаа юу хэхэ ушартайб гэжэ ойлгохые хүсөөб.

Экклезиаст 3:14

Бурханай хэһэн бүхы хэрэг мүнхэ гэжэ би мэдээб. Тэрээндэ нэмэхэ, тэрээниие хаһаха юуншье байхагүй. Бурханай хэһэн ушарынь Бурханһаа бэшэрэн һүгэдэхын тулада хэгдээ.

Экклезиаст 5:7

Алибаа орон нютагта ядуушуулые хашахые, хэрэг шүүлгэ болон үнэниие үгы хэхые харабал, бү гайхаарайгты, юуб гэхэдэ, нэгэ түшэмэлые нүгөөдэнь хаража, тэдэниие үшөө дээгүүр хаража байдаг.

Экклезиаст 6:12

Һүүдэр мэтэ үнгэрдэг удхагүй амидаралай үсөөхэн үдэрнүүдтэ өөртэнь юун һайн бэ гэжэ хэн мэдэхэб? Нарата дэлхэйдэ өөрһөөнь хойшо юунэй болохые тэрээндэ хэн хэлэжэ шадахаб?

Экклезиаст 7:18

Нэгэ хуули сахяад, нүгөөдыень орхингүй байхада һайн гэбэшье, Бурханһаа түбэгшөөдэг хүн хоёр хэтэрүүһээ зайлаха.

Экклезиаст 8:12

Нүгэлтэ зуу дахин нүгэл үйлэдөөшье һаа, ута наһа наһалдаг ушар байдаг, гэбэшье Бурханһаа түбэгшөөн, Тэрээндэ һүгэдэгшэнь юунһээшье үлүү гэжэ мэдэнэм.

Экклезиаст 8:5

Хаанай зарлиг сахигша зоболонгүй һуудаг. Мэргэнэй зүрхэн зохистой саг ба ёһо гурим мэдэдэг.

Михей 6:8

Үгы. Һайн хэрэг гээшэ юун бэ гэжэ Эзэн бидэндэ, зондо, иигэжэ айладхана: «Үнэн шударга байха, саг үргэлжэ дура хайраяа элирхэйлжэ байха, Бурханайнгаа үгэ дуулажал ябаха».

Лука 1:50

Өөртэнь бэшэрдэг, этигэдэг зониие үршөөл хайрадаа Тэрэ үеын үедэ хүртөөжэ байдаг лэ!

Хуули дабталга 10:12

Зай, Израилиин арад зон, Эзэн Бурхантнай таанадта гансал эрилтэтэй: Тэрэниие хүндэлэгты, Тэрэнэй зааһан замаар хододоо ябагты, Тэрээндэ дуратай байгты, үнэнхэ зүрхэнһөө Эзэн Бурхандаа һүгэдэгты.

Хуули дабталга 10:20

Эзэн Бурханаа хүндэлэгты, Тэрээндэ һүгэдэгты, Тэрээндэ хододоо үнэн сэхэ байгты. Гансал Тэрэнэйнгээ нэрээр тангариглагты.

Хуули дабталга 4:2

Минии заабарилан захирһан үгэнүүдтэ бү нэмэгты, тэдээнһээ хороожошье бү байгты. Эзэн Бурханайтнай захяа заабаринуудые дамжуулхадамни, сахин ябагты.

Хуули дабталга 6:2

Таанад, үри һадаһадтнай Эзэн Бурханаа бүхы наһаараа хүндэлжэ ябагты. Минии дамжуулжа байһан Тэрэнэй бүхы хуули ёһо, захяа заабаринуудые сахин ябагты. Тиигэбэл, удаан саг соо ажаһуухат.

Пётрой 1-дэхи хандалга 2:17

Хүн бүхэниие хүндэлжэ байгты. Һүзэглэгшэ бүлгэмдөө дуратай байгты. Бурханһаа айн һүрдэгты, хааниие хүндэлжэ ябагты.

Гэршэлгэ 19:5

Хаан шэрээгэй зүгһөө иигэжэ хэлэхэ абяан дуулдаба: – Бурханай бүхы зарасанар, Бурханиие хүндэлдэг бүхы хүнүүд, юрыншье хүнүүд, засаг баридагшье хүнүүд, манай Бурханиие магтыт!

1 Хаан түрэнүүд 12:24

Гансал Эзэнһээ айжа, Тэрээндэ бүхы зүрхэ сэдьхэлээрээ, үнэн сэхээр алба хэгты. Эзэн таанарта ямар агууехэ юумэ хээ гээшэб, һанан байгты!