Эхин 9:1 - Библи

¹ Бурхан Нойе ба хүбүүдыень үреэбэ: – Үри хүүгэдээр үнэр үдхэн боложо, энэ дэлхэйе хүн амитадаар дүүргэгты.

Бурятский Библия. Отдельные книги Ветхого Завета

¹ Бурхан Нойе ба хүбүүдыень үреэбэ: — Үри хүүгэдээр үнэр үдхэн боложо, энэ дэлхэйе хүн амитадаар дүүргэгты.

Эхин 9:1 Referencias Cruzadas

Эхин 1:22

эдэ бүгэдэеэ үреэн: – Уһанай амитад олон боложо, үнэржэжэ, далай дүүрэн бологты! Мүн түби дэлхэйгээр жэгүүртэн олошорог лэ! – гэжэ үреэбэ.

Эхин 1:28

Тиигээд Бурхан тэдэниие үреэн: – Уг удамтнай олошоржо, үнэр үдхэн болоод, газар дэлхэй дүүрэн тарагты, тэрэниие эзэлэгты. Далайн загаһадай, огторгойн шубуудай, газар дэлхэйн хамаг амитадай эзэд бологты.

Эхин 10:32

Нойн хүбүүдһээ эдэ олон обог аймагууд үдэжэ, хожомынь ами аминдаа арадууд болоһон гэхэ. Үерэй удаа тэдээнһээл бүхы дэлхэйн арад түмэн эхи абаһан түүхэтэй.

Эхин 2:3

Бурхан долоодохи үдэрые үреэжэ, тусхай нангин үдэр гээд тодорхойлбо, юундэб гэхэдэ, энэ үдэр хэжэ байһан ажалһаа Тэрэ амараа: бүтээлгэ байгуулгын хэрэг түгэсөө.

Эхин 24:60

Рэбээккаае түрэлхидынь иигэжэ үреэбэ: – Басагамнай, үри хүүгэдээр үнэр үдхэн болоорой. Уг удамшни тооложо барашагүй олон боложо, дайсадаа даража, тоонто нютагыень эзэлхэнь болтогой!

Эхин 35:11

Бурхан тэрээндэ үшөө иигэжэ айладхал буулгаа: – Би Түгэс Хүсэтэ Бурхамби. Үри хүүгэдээр үнэр үдхэн боложо, тоо томшогүй олон уг удамтай байхаш болтогой! Шинии уг удамһаа нэгэ ехэ үндэһэ яһатан бии болоод, тэдэнһээ үдэн, хэдэн улас бии болохо. Шинии үри хүүгэдһөө хожомынь олон хаашуул түрэхэ.

Эхин 8:17

Мүн хамаг амитадые – гэрэй, зэрлигшье амитадые, мүлхин амидарагшадые, жэгүүртэниие сүлөөдэ таби. Иигэжэ тэдэ үдэжэ, хаа-хаанагүй таран олошорог.

Эхин 9:19

Нойн эдэ гурбан хүбүүдһээ түби дэлхэйн хүн түрэлтэн үнэржэһэн юм.

Эхин 9:2

Газар дайдын бүхы ан амитад, тэнгэриин жэгүүртэд, далайн загаһад хүн таанадһаа айжа һүрдэжэ байг: эдэнэр булта танай захирал мэдэлдэ үгтэнэ.

Эхин 9:7

Олошорон, үнэржэн ябагты, түби дэлхэйе эзэмдэн ажаһуухатнай болтогой!

Псалманууд 112:1

Эзэниие магтагты! Эзэндэ магтаал үргэгты! Эзэнэй зарасанар, магтагты, Эзэнэй нэрэ магтагты.

Исай 51:2

Элинсэг эсэгэ Абраһаам, таанадые түрэһэн эхэ Саррые һанаандаа оруулагты. Би Абраһаамай ори ганса, үхи хүүгэдгүй байхадань үреэжэ, үхи хүүгэдые үршөөгөө бэлэйб. Иигэжэ уг удамынь угаа үнэржүүлээ һэм.