Эхин 4:4 - Библи

⁴ Харин Аабэл хонин һүрэгэйнгөө түрүүшын түлэй хамагай тарганииень шэлээд, Эзэндэ үргэбэ. Аабэлэй үргэл Эзэндэ һайшаагдаба,

Бурятский Библия. Отдельные книги Ветхого Завета

⁴ Харин Авель хонин һүрэгэйнгөө түрүүшын түлэй хамагай тарганииень шэлээд, Эзэндэ үргэбэ. Авельэй үргэл Эзэндэ һайшаагдаба,

Эхин 4:4 Referencias Cruzadas

Эхин 15:17

Наранай орожо, бүтүү харанхы болоходо, гэнтэ дүрэлзөөд ехэ гал аһаба. Галһаа үдхэн утаан бөөгнэрэн гаража, дүлэн сасаржа байба. Тэрэ гал дүлэн амитадай хахадлан сабшагдаһан бэеын хубинуудай хоорондуур гаража үнгэрбэ.

Эхин 4:3

Хожомынь нэгэ үдэр Хаяан Эзэндэ талархалаа элирхэйлхэ гэжэ газарайнгаа ургасаһаа үргэбэ.

3 Хаан түрэнүүд 18:24

Баалай лүндэншэд өөрынгөө бурханда зальбараг, би Өөрын Эзэн Бурхандаа зальбархаб. Галаар харюу үгэгшэ Бурхан үнэхөөрөө Бурхан мүн, – гэбэ. Бүхы арад зон: – Болохо, – гэлдэбэ.

3 Хаан түрэнүүд 18:38

Эзэн гал дүлэ эльгэжэ, түгэс шатаалта үргэл, түлеэн, шулуунууд шатаба. Иигэжэ газарай шорой галдагдажа, ханааб соо байгааша уһан үгы болотороо хаташаба.

1 Угай бэшэг 21:26

Иигээд Давид тэндэ Эзэндэ үргэлэй шэрээ барижа, түгэс шатаалта болон амгалан байдалай түлөө үргэлнүүдые үргэбэ. Тэрэ Эзэндэ зальбарба, Эзэн энэ гуйлтыень дуулаад, түгэс шатаалта үргэлэй шэрээдэ огторгойһоо гал эльгээбэ.

2 Угай бэшэг 7:1

Соломооной зальбаран мүргэжэ дүүргэхэдэ, огторгойһоо гал дүлэн зуралзаад, түгэс шатаалта үргэлые болон бусад үргэлнүүдые бултыень шатаан үрэбхижэрхибэ. Эзэнэй алдар соло Һүмые дүүргэбэ.

Псалманууд 20:3

Зүрхэнэйнь хүсэлэнгүүдые Та гүйсэд бэелүүлээт, гуйлтаһаань татагалзаагүйт. [Хүгжэм]

Египедһээ гаралга 13:12

анха түрэһэн ууган хүбүүдээ Тэрээндэ зорюулан үгэхэ ёһотойш. Малай түрүүшын эрэ түл баһал Тэрэнэй болохо.

Һургаал 3:9

Эд зөөриһөө ба бүхы бүтээгдэһэнэй дээжэһээ Эзэндэ үргэн хүндэлэ.

Экклезиаст 4:4

Элдэб ажал ба амжалтануудынь хүнүүдэй дунда атаархал түрүүлдэг. Энэ дэмы хэрэг, һалхи намнагшатай адли.

Левит 9:24

Гэнтэ Эзэнһээ гал ялабхин бадараад, үргэлэй шэрээ дээрэ байгша түгэс шатаалта үргэл ба өөхэ шатаажархиба, энээнииень арад зон хараад, баярлаһандаа хашхаралдан, уруугаа харан унаба.

Тоололго 16:15

Моисей аргагүй ехээр уурлажа, Эзэндэ иигэжэ хэлэбэ: – Эдэнэй нэгэндэшье би муу юумэ хээгүйб. Эдилгэ болгожо нэгэшье элжэгэ абаагүйб. Эзэн, тэдээнһээ үргэл бэлэг бү абыт!

Тоололго 16:35

Эзэнһээ ялбама гал гаража, уталга асарһан 250 хүниие шатаан галдаба.

Тоололго 18:12

Оливын тоһоной эгээл һайниие, уһан үзэмэй эгээл һайниие, ургаса таряанай эгээл шэные – Эзэндэ тэдэнэй үргэдэг тэдэ бүхы үргэлнүүдыень эдихэ, уухыншни тула шамда үгэнэб.

Тоололго 18:17

Гэбэшье түрүүшын түл болохо тугал, хурьган, эшэгэнэй түлөө түлбэри түлэхэ ёһогүйш. Юуб гэхэдэ, тэдэш сээргүй нангин амитад юм. Тэдэнэй шуһые үргэлэй шэрээдэ сүршэ, өөхыень шатаа, аятай һайхан хэншүү үнэрынь Эзэндэ һайшаагдаха.

Еврейнүүдтэ 11:4

Һүзэг этигэлээрээ Аабэл Хаяанһаа үлүү һайн үргэл Бурханда асараа. Бурхан Өөрөө тэрэнэй үргэлые һайшаажа, һүзэг этигэлээрнь Аабэлые үнэн сэдьхэлтэн гэжэ һайшаагаа. Аабэлэй үхэһэншье һаа, этигэл һүзэгынь мүнөө хүрэтэр маанадые һургана.

Еврейнүүдтэ 9:22

Үнэндөө Хуулиин ёһоор бүхы юумэн шуһаар лэ арюудхагдадаг, тиимэһээ шуһа адхаруулангүй нүгэл сагааруулжа болоогүй һэн.

Гэршэлгэ 13:8

Үргэлэй Хурьганай тэмдэглэдэг амидаралай ном соо нэрэнүүдэйнь бэшэгдээгүй бүхы газар дайдын зон тэрэ арьяатанда һүгэдэн мүргэхэ. Үргэлэй Хурьган тахил болгогдон Бурханда үргэгдэхэ гэжэ газар дэлхэйн бүтээгдэхэһээ түрүүн хараалагдаа.

Ударидагшад 6:21

Эзэнэй Эльгээмэлэй гартаа баригша һүлдэ тулгуурайнгаа үзүүрээр мяханда болон шаангида хүрэхэдэнь, тэрэ шулуунһаа гал гараад, Гидооной асарһан мяхые болон шаангиие тэрэ гал үрэбхиһэн юумэдэл үгы хэжэрхибэ. Эзэнэй Эльгээмэлшье тэрэ дары үгы болошобо.

1 Хаан түрэнүүд 15:22

Самуил: – Эзэнэй үгэ дуулахань Эзэндэ түгэс шатаалта үргэл, мүн үргэлнүүдые хэжэ баярлуулхаһаа дээрэ бэшэ гү? Ойлго, үгэ дуулаха гээшэ үргэл үргэхэһөө дээрэ. Айладхаһаарнь байха гээшэ хусын өөхэнһөө үлүү.