Эхин 4:10 - Библи

¹⁰ – Ямар юумэ хэбэ гээшэбши? – гэбэ Эзэн. – Дүүгэйшни ами шуһан нам руу газарһаа хашхаржа байна!

Бурятский Библия. Отдельные книги Ветхого Завета

¹⁰ — Ямар юумэ хэбэ гээшэбши? — гэбэ Эзэн. — Дүүгэйшни ами шуһан нам руу газарһаа хашхаржа байна!

Эхин 4:10 Referencias Cruzadas

Эхин 18:20

Тиигээд Эзэн иигэжэ айладхаба: – Содом болон Гоморро хотонуудай зоной муухай үйлэ хэрэгүүд хэмһээ хэтэрээ: нүгэл шэбэлынь тэсэшэгүй хүндэ болобо.

Эхин 3:13

– Юундэ ши тиигэбэш? – гэжэ Эзэн Бурхан эхэнэрһээ асууба. – Минии ухаае могой төөрюулээ, үгэдэнь орожо эдеэлби даа, – гэжэ тэрэ эхэнэр харюусаба.

Эхин 9:5

Харин хүнэй ами наһа таһалдуулһанай түлөө Би шуһа адхагшые – арьяатаншье байг, аха дүүгээ хорооһон хүншье байг, хатуугаар хэһээхэб.

4 Хаан түрэнүүд 9:26

«Би үсэгэлдэр Набоодой ба тэрэнэй хүбүүдэй шуһа харааб! Би шамда үһөө нэхэбэриин түлбэри түлэхэб!» Эзэнэй хэлэһэн айладхал бэелүүлжэ, тэрэнэй үхэһэн бэе абаад, эндэ хая, – гэжэ захирба.

2 Угай бэшэг 28:9

Тэрэ Самарида Одээд гэжэ Эзэнэй лүндэншэ байдаг һэн. Тэрэ Самари руу бусажа байгааша Израилиин сэрэгэй урда гаража, иигэжэ хэлэбэ: – Үбгэ эсэгэнэрэйтнай Эзэн Бурхан Иудын улад зондо уурлажа, таанадта тэдэниие диилүүлбэ. Теэд таанадай угаа хэрзэгы муухайгаар тэдэниие хюдаһан тушаа Тэрэ дуулаа.

Иоов 16:18

Минии арюун шуһые газар шорой нюуха ёһогүй. Үнэн шударга бэшэ байдалда эсрэг би бодожо байнам. Минии дуу хоолой хэншье таглаха ёһогүй.

Иоов 24:12

Хотодо усалда ороһон, үхэхэ туйлдаа хүрэгшэдэй ёолоон, туһа эриһэн мүргэл Эзэнэй анхаралда абтанашьегүй.

Псалманууд 50:21

Тиигээд Та зүб шударга болохын тула үргэл – түгэс шатаалта үргэл, бүтэн шатаалта үргэл – хүсэн абахат. Тиихэдэ үргэлэй шэрээ дээрэтнай залуу буханууд үргэгдэхэ.

Псалманууд 72:14

Үдэр бүри шархатуулжа, үглөө бүри зобожо байгаа гээшэ гүб?

Псалманууд 9:12

Сиондо оршодог Эзэндэ магтаал дуулагты, хэһэн үйлэ хэрэгүүдынь зоной дунда тунхаглагты.

Псалманууд 9:13

Шуһа урдахуулагшадһаа үһөөгөө Тэрэ абадаг, һанажа байдаг, зобогшодой ёолоон хашхараае мартадаггүй.

Египедһээ гаралга 3:7

– Би Минии арадай Египедтэ зобожо байхыень харааб, харуулшадай харшалхада туһа эрижэ байхыень дуулааб; Би тэрэнэй зобоһыень мэдээб.

Исай 5:7

Израилиин арад – Түмэн Сэрэгтэ Эзэнэй үзэмэй жэмэсэй сэсэрлиг гээшэл; Иудын хан түрын улад зон – Тэрэнэй дуратай үзэмэй модоной эшэнүүд. Үнэн зүбөөр хэрэгүүд эрхилэгдэхэ гээд Тэрэнэй хүлеэһэниинь тэдэ алууршад болоо. Үнэн шударгые хүлеэһэниинь гомдол, оог бархираан гансал гарана.

Тоололго 35:33

Газараа таанад бү бузарлагты. Юуб гэхэдэ, зоной шуһа урдахуулха гээшэ газар бузарладаг. Газар арюудхаха гэбэл, хүнэй шуһа урдахуулһан нэгэнэй өөрынь шуһа урдахуулхаһаа ондоо арга байхагүй.

Хэрэгүүд 5:3

Пётр: – Анания, таряалан газараа худалдаад, олоһон олзынгоо хубиие юундэ нюужа, Арюун Һүлдэдэ худалаар хэлээбши? Иихэдээ яатараа сатана шинии зүрхые эзэлээ юм?

Хэрэгүүд 5:9

– Эзэнэй Һүлдые та хоёр яагаад туршаха гэбэт? Нүхэрыешни хүдөөлүүлһэн хүнүүд үүдэндэ дүтэлнэ, тэдэ шамайешье абажа гаргаха, – гэжэ Пётр тэрэ эхэнэртэ хэлэбэ.

Хуули дабталга 21:1

Эзэн Бурханайтнай үгэжэ байһан газар дайдада алуулһан хүн олдобол, теэд хэн тэрэниие хороогооб гэжэ мэдэхын аргагүй байгаа һаань,

Еврейнүүдтэ 11:4

Һүзэг этигэлээрээ Аабэл Хаяанһаа үлүү һайн үргэл Бурханда асараа. Бурхан Өөрөө тэрэнэй үргэлые һайшаажа, һүзэг этигэлээрнь Аабэлые үнэн сэдьхэлтэн гэжэ һайшаагаа. Аабэлэй үхэһэншье һаа, этигэл һүзэгынь мүнөө хүрэтэр маанадые һургана.

Еврейнүүдтэ 12:24

Таанад Аабэлэй сасаһан шуһанда орходоо бүри һайн юумэнүүдые үгэхөөр найдуулан Шэнэ Хэлсээе баталһан Иисүүсэй сасагдаһан шуһанда ерээт.

Яковай хандалга 5:4

Таряалан дээрэтнай ажаллаһан хүдэлмэришэдтэ хүлһыень түлэхэеэ таанад арсабат, харин мүнөө тэдэнэй түлэгдөөгүй салингынь таанадые зэмэлэн хашхарна. Һүр жабхаланта Эзэн ургасыетнай хадаһан хүдэлмэришэдэй гэгэхые дуулаа.

Нүүнэй Иисүүс 7:19

Тиигээд Иисүүс Ахаанда хэлээ: – Хүбүүмни! Эзэндэ, Израилиин Бурханда алдар соло үгэ, Тэрээнэй урда сэхэеэ хэлэ, намһаа нюунгүй юу хэһэнээ намда соносхо.

1 Хаан түрэнүүд 13:11

Харин Самуил: – Ши юу хээбши? – гэжэ асууба. Саул: – Улад зоной намайе орхижо, таража эхилһые, танайшье хэлэһэн хугасаадаа ерээгүйе, пилиштүүдэй Михмаашта сугларжа байһые би хараа һэм.