Эхин 32:10 - Библи

¹⁰ Танай богоол би хамаг үршөөл хайраһаатнай, хэшэгһээтнай хүртэхэ эрхэтэй гээшэ гүб? Түрэл нютагһаа гаража, Иордан гол гаталхадаа, би гартаа гансахан тулгууртай ябаа бэлэйб. Мүнөө бусажа ябахадаа, хоёр бүлэг болгон хубаарилһан олон зонтой, үй түмэн адуу малтай ябанаб.

Бурятский Библия. Отдельные книги Ветхого Завета

¹⁰ Тиигээд Яков Эзэн Бурханда мүргэн зальбарба: — Үбгэ эсэгэ Абраһаамай, минии эсэгэ Исаагай Эзэн Бурхан! «Түрэһэн нютагаа, түрэл сададаа ши буса. Тэндэ шамда һайн һайханиие Би үгэхэб» гэжэ Та намда айладаа бэлэйлта.

Эхин 32:10 Referencias Cruzadas

Эхин 18:27

Абраһаам саашань үргэлжэлүүлбэ: – Эзэн Бурхамни! Би болбол Танай урда үнэһэн, шандаруу гээшэлби, гэбэшье зүрхэлжэ, Таниие иигэжэ гуйнаб.

Эхин 24:12

Тиихэдэнь Абраһаамай зараса иигэжэ Эзэниие гуйба: – Эзэн Бурхан, минии эзэн Абраһаамай Бурхан! Абраһаам эзэндэмни үршөөл хайраяа үзүүлжэ, зориһон хэрэгыемни мүнөөдэр бүтэмжэтэй болгыт!

Эхин 24:27

иигэжэ хэлэбэ: – Эзэн Бурхан, минии эзэн Абраһаамай Бурхан, Өөрын үршөөл хайра, үнэн шударгаа эзэнһээмни холодуулаагүй байһандатнай баясан магтанаб! Та намайе эзэнэймни түрэл саданарта сэхэ асараат!

Эхин 28:13

Эзэн гэшхүүрэй оройдо зогсоод, Яковта иигэжэ айладхажа байба: – Би Эзэн Бурхан мүнби! Шинии эсэгэнэр болохо Абраһаамай, Исаагай шүтэн зальбардаг Бурхамби. Энэ нэмжын байһан газарые Би шамда болон шинии уг удамда үгэнэб.

Эхин 28:15

Хаанашье ябаа һааш, Би шамтай суг ябажа, аршалхаб. Энэ орон нютаг руу дахин асархаб. Айладхаһанаа бэелүүлтэрээ Би шамайе орхихогүйб.

Эхин 30:43

Иигэжэ Яков угаа ехээр баяжажа, олон хони, ямаатай, тэмээнүүдтэй, элжэгэнүүдтэй болоо һэн. Мүн тэрэ олон тоото эрэ, эмэ зарасатай болоо бэлэй.

Эхин 31:3

Эзэн тэрээндэ иигэжэ айладхаба: – Ши үбгэ эсэгынгээ, түрэл гаралайнгаа нютаг буса. Би хододоо шамтай байлсахаб.

Эхин 32:5

Мүнөө намда буха, элжэгэ, хонин һүрэг, эрэ, эмэ зарасануудшье бии. Танай һанаанда тааруу болохын тула энэ мэдээ элшэдээр эльгэнэб.

Эхин 32:7

Яков айхабтар ехээр айба. Тиигээд тэрэ өөрынгөө зониие, адуу малаа, тэмээнүүдээ хоёр бүлэг болгон хубаажа,

2 Хаан түрэнүүд 17:24

Давид Маханааим хото руу ерэбэ. Энэ үедэ Абшалоом болон тэрээнтэй байгаа израильшууд бултадаа Иордан голые гаталаа.

2 Хаан түрэнүүд 7:18

Давид хаан ошожо, Эзэнэй урда һуун, иигэжэ зальбарба: – Эзэн Бурхамни! Би хэн аад, баһа минии гэр бүлэ юун аад, Та намайе иитэрээ үргөө гээшэбта?

Иоов 17:9

Үнэн шударга зон замһаа хадуурхагүй, гэмгүй хүнүүд хүсэ нэмэхэ.

Иоов 8:7

Тиин урдынхиһаа үлүү өөдэргэ болоно бэзэш.

Псалманууд 16:2

Зарга хэрэгыем шиидхэхэт, хэн зүб бэ гэжэ нюдэнтнай хаража байна.

Псалманууд 61:7

Гансал Тэрэ хабсагайм, абарални, хорохо газарни! Би ганхахагүйб.

Псалманууд 8:5

Хүн гээшэ юун бэ, Яагаад тэрэниие Та һананабта? Хүнэй хүбүүн юун бэ, Яагаад Та тэрэниие анхарнабта?

Псалманууд 84:7

Танай өөһэдтэйнь байһанда арад түмэнэйнгөө баясахын тула маанадые дахин һэргээхэгүй юм гүт?!

Псалманууд 85:10

Юуб гэбэл, Та агууехэт, гайхамшагта хэрэгүүдые бүтээдэгта. Та гансаараал Бурхан мүн.

Һургаал 4:18

Харин үнэн шударга хүнүүдэй зам хадаа үүрэй толон мэтэ үдэрэй ерэхэдэ улам һаруул болодог.

Исай 6:5

Тиихэдэнь би иигэжэ хэлэбэб: – Ай даа! Һалахамнил! Хэлэһэн үгэ бүхэмни нүгэл шэбэлтэй, нүгэл шэбэл дуугардаг зоной дунда ажаһуунаб. Тиимэ аад, Түмэн Сэрэгтэ Эзэн Хааниие хараалби.

Исай 63:7

Би Эзэнэй энэрэл хайрые дурсанаб. Маанадта бэлэг болгон хэһэн бүхы үйлэ хэрэгүүдэйнь түлөө Тэрээндэ баяр баясхалан хүргэнэб. Израилиин улад зониие Тэрэ угаа ехээр үреэн үршөөгөө, энэрэл хайраяа, бэлэг үреэлөө олоор бэлэглээ.

Михей 7:20

Эртэ урда сагта манай элинсэг хулинсагта тангариглан найдуулһанаа бэелүүлжэ, Яковай болон Абраһаамай үри һадаһадта – Өөрын арад зондо Та үнэн сэхэеэ, үршөөл хайраяа бэлэглэхэт.

Лука 17:10

Тэрээн шэнги таанадшье Бурханай заабари дүүргээд: «Бидэ миил барлагууд гээшэбди, хэхэл ёһотой юумэеэ хээбди», – гэжэ хэлэхэ ёһотойт!

Лука 5:8

Иимэ олзотой болоһон Симон Пётр Иисүүсэй урда үбдэглэн һэхэрэн һүгэдэжэ: – Эзэн аа, намайе орхижо ошогты! Би нүгэлтэй хүнби, – гэжэ хэлэбэ.

Коринфынхидтэ 2-дохи 12:11

Би өөрыгөө тэнэг болгооб, зүгөөр тиигэһэмни таанадай зэмэ юм. Таанад нам тухай һайн үгэнүүдые хэлэхэ ёһотой байгаат. Би хэншье бэшэшье һаа, тэдэ «дээдын элшэнэрһээ» юугээрээшье дутанагүйб.

Хуули дабталга 8:18

Баян болохо шадал таанадта гансал Эзэн Бурхантнай үршөөнэ гээд мартангүй һанажа ябагты. Үбгэ эсэгэнэртэйтнай баталһан хэлсээгээ Тэрэ мүнөөшье бэелүүлнэ.

Пётрой 1-дэхи хандалга 5:5

Залуушуул, таанад баһал бүлгэмэй хүтэлэгшэдэй үгөөр байгты. Бэе бэедээ булта номгон даруугаар хандагты. «Бурхан омог зантай зониие буруушаадаг, харин даруу номгон зондо үршөөлтэйгөөр хандадаг», – гэжэ Нангин Бэшэг соо хэлэгдэнэ.