Эхин 28:3 - Библи

³ Түгэс Хүсэтэ Бурхан шамайе үреэжэ, үнэр үдхэн гэр бүлэтэй боложо, шинии уг удамһаа агууехэ арад яһатан бии болохонь болтогой!

Бурятский Библия. Отдельные книги Ветхого Завета

³ Түгэс Хүсэтэ Бурхан шамайе үреэжэ, үнэр үдхэн гэр бүлэтэй боложо, шинии уг удамһаа агууехэ арад яһатан бии болохонь болтогой!

Эхин 28:3 Referencias Cruzadas

Эхин 1:28

Тиигээд Бурхан тэдэниие үреэн: – Уг удамтнай олошоржо, үнэр үдхэн болоод, газар дэлхэй дүүрэн тарагты, тэрэниие эзэлэгты. Далайн загаһадай, огторгойн шубуудай, газар дэлхэйн хамаг амитадай эзэд бологты.

Эхин 13:16

Шинии үри һадаһадые элһэн мэтэ олон болгохоб. Сүл губиин элһэ тоолохын аргагүй мэтэ шинии үри һадаһад тоогүй олон болохо.

Эхин 17:20

Ишмаһээл тушаа гуйжа байгаашашни һайн хэрэг. Би тэрээнииеш үреэхэб, тэрэнэй угые үнэржүүлхэб, тиигэжэ тэрээндэ олон үри һадаһадые заяахаб. Арбан хоёр удамарша Ишмаһээлһээ гараха: тэрэшни агууехэ арадай эхин удамай эсэгэ болохо.

Эхин 24:60

Рэбээккаае түрэлхидынь иигэжэ үреэбэ: – Басагамнай, үри хүүгэдээр үнэр үдхэн болоорой. Уг удамшни тооложо барашагүй олон боложо, дайсадаа даража, тоонто нютагыень эзэлхэнь болтогой!

Эхин 26:24

Тэрэ һүнинь Эзэн тэрээндэ үзэгдэжэ, иигэжэ айладхаба: – Би шинии эсэгэ Абраһаамай шүтэдэг Бурхан гээшэб. Юунһээшье бү ай. Намда үнэн сэхэ зараса Абраһаамда айладхаһанай ёһоор, Би хододоо шамай анхаржа, үреэл хайраяа элирхэйлжэ, үреэжэ, уг удамыеш олошоруулхаб.

Эхин 26:4

Би шинии үри һадаһадые огторгойн одод мэтэ олон болгоод, энэ хамаг газар дайда тэдээндэш үгэхэб. Шинии уг удамаар дамжан, бүхы дэлхэйн арад зон Минии үреэл хэшэгтэ хүртэхэ.

Эхин 27:33

Тиихэдэнь Исаак угаа ехээр сошожо, шэшэрэн хэлэбэ: – Тиигэбэл, хэн ангай мяхаар хоол хэжэ намда үгөө гээшэб? Шинии ерэхэһээ урда тээ би бултыень эдеэд, Эзэнэй нэрээр тэрэниие үреэгөө һэм. Үреэһэн үреэлөө би һөөргэнь бусаажа шадахагүйб. Тэрэл үреэлни хүсэндөө хододоо байхал.

Эхин 35:11

Бурхан тэрээндэ үшөө иигэжэ айладхал буулгаа: – Би Түгэс Хүсэтэ Бурхамби. Үри хүүгэдээр үнэр үдхэн боложо, тоо томшогүй олон уг удамтай байхаш болтогой! Шинии уг удамһаа нэгэ ехэ үндэһэ яһатан бии болоод, тэдэнһээ үдэн, хэдэн улас бии болохо. Шинии үри хүүгэдһөө хожомынь олон хаашуул түрэхэ.

Эхин 41:52

Хоёрдохи хүбүүнэйнгээ түрэхэдэ, Иосиф иигэжэ хэлэбэ: – Би Египет руу ерээд, зоболон үзэһэншье һаа, Эзэн Бурханай туһаламжаар үлзы һайхан үрэ дүн туйлааб. Тиигээд тэрэ хүбүүндээ «Эпрааим», оршуулбал, «Һайн үрэ дүн» гэжэ нэрэ үгэбэ.

Эхин 43:14

Түгэс Хүсэтэ Бурхан тэрэ хүнэй сэдьхэл зүрхые зөөлэрүүлжэ, нүгөө ахыетнай Бэньямиинтэй хамта бусааха шиидхэбэри гаргуулхань болтогой. Нам тухай хэлэбэл, бүхы хүүгэдээ алдаха гэһэн заяатай һаа, алдахал болоно бэзэб.

Эхин 48:3

Тиигээд Яков Иосиф хүбүүндээ иигэжэ хандаба: – Ханаһаан ороной Лүүз гэдэг газарта байхадамни, Түгэс Хүсэтэ Бурхан намда үзэгдэжэ, үреэгөө бэлэй.

Эхин 48:4

Үреэхэдөө, Тэрэ «Би шинии уг удамые үрэжэлтэй олон болгохоб, олон арадуудые шамһаа бии болгохоб, энэ газар нютагые хэтэ мүнхэдөө эзэмшэхээр үри һадаһадташ үгэхэб» гэһэн юм.

Эхин 49:25

Эсэгыншни хүндэлэн шүтэдэг Түгэс Хүсэтэ Бурхан шамда, шинии уг удамуудта хододоо туһалан, таряалангуудташни уһа элбэг бороо хура оруулан, газарайшни гүн оёорһоо сэбэр һайхан булагай уһа гаргажа байхань болтогой! Арюун ябадалтай, үйлэ хэрэг бүтэмжэтэй үй олон үри һадаһадтай боложо, мал һүрэгшни өө мөөгүй, элүүр энхэ үсхэн олошоржо байхань болтогой!

Эхин 9:1

Бурхан Нойе ба хүбүүдыень үреэбэ: – Үри хүүгэдээр үнэр үдхэн боложо, энэ дэлхэйе хүн амитадаар дүүргэгты.

Псалманууд 127:1

[Үгсэлгын дуун.] Эзэнһээ түбэгшөөдэг, Тэрэнэй харгы замаар ябааша хүн бүхэн юрөөлтэй.

Псалманууд 127:3

Һамганшни гэртэшни үрэ жэмэстэй уһан үзэмэй модон мэтэ, хүбүүдшни шэрээешни тойроһон чидун модондол адли.

Египедһээ гаралга 1:7

Израильшуудай тоо улам олошоржо, олон болоходоо шадалтай боложо, тэндэхи орон нютагые дүүргэбэ.

Египедһээ гаралга 6:3

Абраһаамда, Исаак болон Яковта «Түгэс Хүсэтэ» гэһэн нэрээр үзэгдөө һэм, харин «Эзэн» гэһэн нэрэеэ мэдүүлээгүйб.

Коринфынхидтэ 2-дохи 6:18

Би танай Эсэгэтнай болохоб, таанад Минии хүбүүд басагад болохот гэжэ түгэс хүсэтэй Эзэн хэлэнэ».

Гэршэлгэ 21:22

Хото соо Һүмэ би хараагүйб. Тэрэнэй Һүмэнь – Хамагые зонхилогшо Эзэн Бурхан Өөрөө, мүн Үргэлэй Хурьган мүн.

Рүүт 2:4

Тиигэһээр Бооһаз Бэтлэһээмһээ ерэжэ, таряа хадагшадта: – Эзэн таанартай хамта оршохонь болтогой! – гэхэдэ, тэдэ: – Эзэн таниие үреэхэнь болтогой! – гэжэ харюусаба.