Эхин 27:1 - Библи

¹ Үбгэрхэдөө һохор болоһон Исаак нэгэтэ ууган хүбүүгээ дуудан: – Хүбүүмни! – гэхэдэнь, – Юун бэ, аба? – гэжэ Эсаав асууба.

Бурятский Библия. Отдельные книги Ветхого Завета

¹ Үбгэрхэдөө һохор болоһон Исаак нэгэтэ ууган хүбүүгээ дуудан: — Хүбүүмни! — гэхэдэнь, — Юун бэ, аба? — гэжэ Эсаав асууба.

Эхин 27:1 Referencias Cruzadas

Эхин 25:33

– Түрүүн тангаригла! Тэрэ эрхэеэ намда тушааһан тухайгаа! Тиихэдэш шүлэ үгэхэб, – гэжэ Яковай хэлэхэдэ, Эсаав тангариглажа, ууган хүбүүнэй эсэгын эд зөөри залгамжалха эрхэеэ иигэжэ эдеэ хоолоор андалдаба.

Эхин 48:10

Үбгэ наһан боложо, Израилиин хараа муудаад, мүртэй һайнаар харадаггүй һэн. Иосиф хүбүүдээ дүтэлүүлбэ, Израиль ашанараа тэбэреэд таалаба.

3 Хаан түрэнүүд 14:4

Еробоһаамай һамган тон тиимээр хэбэ, Шилоо руу ошоод, Ахияагай гэртэ ерэбэ. Үндэр наһатай болоһон Ахияагай нюдэд харахаяа болинхой байгаа.

Экклезиаст 12:3

Орон гэрээ хамгаалдаг байһан эрэлхэг шадалшни бууража, үсөөхэн шүдэншни үльтирүүлхэ шадалгүй болохо, сонхо руу шагаадаг нюдэдшни юумэ онигохоёо болихо.

Иоанн 9:3

– Энэ хүн өөрөөшье, эхэ эсэгэньшье нүгэл хээгүй, – гэжэ Иисүүс харюусаба. Тиин үргэлжэлүүлэн: – Тэрээнэй аргалуулһан ябадалаар Бурханай хаба хүсэ элирхэйлэгдэхын тула тэрэ һохор байгаа.

Хуули дабталга 34:7

Моисей нүгшэхэдөө зуун хори наһатай байгаа. Тэрэнэй бэе шанга зандаа, нюдэнэйнь хараса балартаагүй бэлэй.

1 Хаан түрэнүүд 3:2

Элиин нюдэдынь муудажа эхилһэн, һайнаар хаража шадахагүй болоһон байгаа. Нэгэтэ тэрэнэй өөрын таһалга соо хэбтэжэ,