Эхин 24:3 - Библи

³ Исаак хүбүүндэмни һамга оложо үгэхэб гэжэ огторгой газар хоёрые бүтээһэн Эзэн Бурханай нэрээр тангаригла. Тиихэдэ минии мүнөө ажаһуужа байгша орон нютагай, энэ ханаһаан обог зоной басага бэшэ,

Бурятский Библия. Отдельные книги Ветхого Завета

³ Исаак хүбүүндэмни һамга оложо үгэхэб гэжэ огторгой газар хоёрые бүтээһэн Эзэн Бурханай нэрээр тангаригла. Тиихэдэ минии мүнөө ажаһуужа байгша орон нютагай, энэ ханаһаан обог зоной басага бэшэ,

Эхин 24:3 Referencias Cruzadas

Эхин 14:19

иигэжэ үреэбэ: – Огторгой дэлхэй хоёрые бүтээһэн Дээдэ Бурхан таниие үреэхэнь болтогой!

Эхин 14:22

Гэбэшье Абрам иигэжэ харюусаба: – Һэтэрхэй зүүшье, түгдэрхэй тэбэнэшье танай зөөриһөө абахагүйб гэжэ огторгой газар хоёрые бүтээгшэ Дээдэ Эзэн Бурханай урда тангаригланаб. «Би Абрамые баян болгооб» гэжэ хожом танай хэлэжэ байхагүйн тула иигэнэб.

Эхин 21:23

Намайе, минии үхибүүдые, ашанарыемни мэхэлхэгүйб гэжэ Бурханай нэрээр тангариглагты! Би танда хэды һайн байгаабииб, эгээл тиимээр намдашье, танда нютаг болоһон орон дайдадашье һайнаар хандахаб гэжэ тангариглагты!

Эхин 24:7

Эзэн, юртэмсын Бурхан, намайе түрэһэн нютаг, түрэл гэрһээм хариин газар абаашахадаа, «Би шинии үри һадаһадта энэ орон нютагые үмсын эдлэлэй болгон үгэнэб» гэжэ тангариглаа юм. Эзэн Бурхан Огторгойн Эльгээмэлээ эльгээн, шинии аян зам заажа үгэхэ, зохёохо бэзэ. Тиихэдэнь ши тэндэһээ хүбүүндэмни һамга олохо бэзэш.

Эхин 27:46

Удаань Рэбээккаа Исаагта иигэжэ хэлэбэ: – Эсаавай хээт яһатан хоёр һамгадһаа боложо, би зобоноб. Яковаймнай баһа хээт яһанай һамга абабалнь, амиды байһанһаа үхэһэмни дээрэ.

Эхин 28:1

Тиихэдэнь Исаак Яковые дуудажа, үреэгөөд, иигэжэ захин хэлэбэ: – Энэ Ханаһаан орон нютагай басагаар һамга хэжэ болохогүй.

Эхин 28:8

Ханаһаанай уг гарбалтай бэринүүдэй эсэгынь һанаанда таараагүйе Эсаав ойлгоод, түрэл гаралайнгаа дундаһаа үшөө нэгэ һамга абахаар шиидэбэ.

Эхин 34:9

Таанар маанадтай худа ураг болыт гэхэ байнаб, танай басагад манай бэри болохо, манай басагад танай хүбүүдэй һамгад болохо.

Эхин 38:2

Тэндэ байхадаа Иуда Ханаһаан яһатан Шуһаа гэдэг нэгэ хүнэй басага хаража, һамга абаба.

Эхин 47:31

– Тиигэбэл, тангаригла! – гэбэ Израиль. Иосиф тангариг үргэбэ. Израиль таягаа тулажа байгаад Бурханда мүргэбэ.

Эхин 50:25

Тиигээд Иосиф аха дүүнэрһээ тангариг абаба: – Бурханай таанадта туһалан эндэһээ гаргажа, тэрэ орон нютаг руу зөөлгэхэдэнь, минии яһые эндэһээ тиишэнь абаашаад хүдөөлүүлхэт.

Эхин 6:2

хүн түрэлтэнэй басагадай сэбэр һайханиие Огторгойн хүбүүд анхаржа, дуратай басагадые шэлэн, һамга абадаг болобо.

Эхин 6:4

Бурханай хүбүүдэй хүн түрэлтэнэй басагадтай ханилхада, тэдэнь түрэжэ, түрэһэн хүүгэдынь абарга мантан бэетэйнүүд байгаа. Тэдэ эртэ урдын нэрэ солотой баатарнууд болоно.

4 Хаан түрэнүүд 19:15

Тиигээд тэрэ Эзэндэ зальбарба: – Херүүбүүд дээрэ заларагша, Түмэн Сэрэгтэ Израилиин Эзэн Бурхан! Та ори гансаараа газар дээрэхи бүхы хан түрэнүүдэй Бурхан болонот! Та огторгой, газарые бүтээгээт!

2 Угай бэшэг 2:12

Огторгой болон газар бүтээгшэ, Давид хаанда сэсэн мэргэн, ухаатай хүбүү үршөөгшэ Израилиин Эзэн Бурхан үреэл буянтай! Тэрэ хүбүүниинь Эзэндэ Һүмэ болон хаанта ордон өөртөө бариха эрдэм ухаатай.

Эзраа 5:11

Тэдэ манда иигэжэ харюусаба: «Бидэ тэнгэри болон газар бүтээһэн Эзэнэй богоолнууд һэн тула энэ Һүмэ һэргээн бодхоожо байнабди. Олон жэлэй урда тээ Израилиин агууехэ хаан энэ Һүмые барижа, арюудхаа юм.

Нэхэмьяа 13:25

Би эдэ хүнүүдые хараажа, хараал шэнгээжэ эхилээд, харин нэгэ хэдыень сохёод, үһыень зулгаабаб. Би тэдэнэртэ Бурханай урда тангариг абхуулаад, иигэжэ хэлэбэб: – Өөһэдынгөө басагадые тэдэнэй хүбүүдэй һамган болгуулхагүй, тэдэнэй басагадаар бэри хэхэгүй, өөһэдтөөшье абахагүйбди гээд тангариглагты!

Нэхэмьяа 9:6

Та – Эзэн, Та – гансат! Та огторгой, огторгойн огторгойнуудые, одо мүшэдые, газар, дээрэнь байгааша хамагые, далайнуудые бүтээгээд, досоонь байгааша бүхы юумэ байгуулаат. Тэдээндэ бултандань ами үгөөт. Огторгойн сэрэг Танда доро дохин мүргэнэл!

Египедһээ гаралга 20:7

Эзэн Бурханайнгаа нэрые дэмы бү дурда. Тэрэнэй нэрэ дэмы нэрлэдэг хэнииешье Эзэн хэһээлтэгүй орхихогүй.

Египедһээ гаралга 22:11

Нэгэ хүнэй нүгөөдэдэ элжэгэ, сар, хони гү, али ондоо мал харууһанда үгэхэдэнь, гэмэ боложо, тэрэнь үхэхэ, гэмтэхэ гү, али дайсанда намнуулан абаашаха ушарта гэршэлэгшын үгы байбал,

Египедһээ гаралга 23:13

Айладаһан бүгэдыем сахиха ёһотойт. Ондоо бурхадай нэрэ бү дурдагты, хэлэ амандатнайш тэдэ бү орог.

Египедһээ гаралга 34:16

Тэдэнэй басагадые хүбүүдтээ һамган болгожо абабалтнай, танай хүбүүдые забхай ябадалда оруулха.

Исай 45:23

Би Өөрөөрөө шахаа тангариг үргөөб! Минии аманһаа үнэн зүб үгэ гараа, тэрэниие һөөргэнь абажа, һэлгэжэ байхагүйб! Яһатан бүхэн урдамни мүргэхэ, ямаршье хэлэтэй хүн Намда этигэхэ тухайгаа тангариглаха.

Исай 48:1

Яковай үринэр, Израилиин нэрээр ябагшад, Иудын үриһээ гарагшад, энээниие соносыта! Эзэнэй нэрээр тангаригладагшье һаа, Израилиин Бурханай нэрэ дуудадагшье һаа, досоогоо Тэрээндэ үнэн сэхэ бэшэт, зүб шударга бэшэт.

Исай 65:16

Дэлхэй дээрэ байгшадай хэн нэгэн юрөөл тушаа гуйбал, бодото Бурханһаа юрөөл гуйха. Шахаа тангариг үргэхэеэ һанаһан хэн нэгэн үнэнхэ Бурханай урда тангариглаха. Урданай зоболонгууд мартагдаха.

Ерэмияа 10:11

Таанад, улад зон, үндэһэ яһатанда иигэжэ хэлыт: «Огторгой болон газарые бүтээгээгүй бурхад үгы хэгдэжэ, хүрьһэтэ дэлхэй дээрэһээ халиха».

Ерэмияа 12:16

Хэрбээ тэдэ Минии арад зоной шажан мүргэл даган абажа, Баалай урда Минии зониие тангариглажа һургаһандал, Минии нэрээр «Бурхан үзэг!» гэжэ тангариглажа байгаа һаа, тэдэ Минии арад зоной нэгэ хуби болохо.

Ерэмияа 29:6

Һамга абажа, үхи хүүгэдтэй бологты, хүбүүдээ һамга абхуулагты, басагадаа хадамда үгэгты, иигэжэ тэдэшье үринэртэй болог. Тэндэ үнэржэгты, бү үсөөрэгты!

Ерэмияа 4:2

үнэнхэ зүрхэнһөө, зүбөөр, шударгыгаар Минии нэрээр тангариглаха эрхэдэ хүртэхэш. Тиихэдэ бүхы үндэһэн арадууд Минии нэрээр бэе бэеэ үреэдэг болохо, Намайе магтажа байха.

Левит 19:12

Намайе урдаа баряад, тангариг бү хэлэгты. Бурханайнгаа нэрэ бү гутаагты. Би Эзэн гээшэб.

Цэпаанияа 1:5

Гэрэй хушалта дээрэһээ огторгойн одо мүшэдтэ зальбарагшадые, Минии нэрээр тангариг үргэжэ байтараа Милхоом бурхандаа эрьежэ, тэрэнэй нэрээр тангариглажа байгшадые,

Тоололго 5:21

энэ онсо тусгаар уһа уухадаа, ши Эзэнэй харааһан муу хараалда хүртэжэ, хуурмаг хээлитэй болохош. Харин шинии түрэл арад хараалда хүртэһэн шамайе харахадаа, шамһаа булта буруу хараха».

Коринфынхидтэ 1-дэхи 7:39

Хадамтай эхэнэр нүхэрэйнгөө элүүр мэндэ байха сагта нүхэртэйгөө холбоотой. Харин нүхэрэйнь нүгшэбэл, тэрэ эхэнэр сүлөөтэй боложо, дуратай хүндөө дахин хадамда гараха эрхэтэй, гэхэтэй сасуу тэрэ хүниинь заабол Христоосто һүзэглэдэг хүн байха ёһотой.

Хуули дабталга 10:20

Эзэн Бурханаа хүндэлэгты, Тэрээндэ һүгэдэгты, Тэрээндэ хододоо үнэн сэхэ байгты. Гансал Тэрэнэйнгээ нэрээр тангариглагты.

Хуули дабталга 6:13

Эзэн Бурханаа хүндэлэгты, гансал Тэрээндэ алба хэгты, гансал Тэрэнэй нэрээр тангариглагты.

Еврейнүүдтэ 6:16

Бидэ тангариглахадаа, өөһэдһөө дээгүүр юумээр тангаригладагбди, тиин тангариг ямаршье арсалдаа заргалдаае үгы хэдэг.

Нүүнэй Иисүүс 2:12

Тиигээд Эзэнэй нэрээр намда тангариглагты: минии танда һайниие хэһэн ёһоор минии эсэгын гэртэ һайниие хэхээ хэлэгты. Намда найдамтай тэмдэг үгэгты,

Ударидагшад 14:3

Эсэгэ болон эхэнь тэрээнһээ иигэжэ һураба: – Манай бүхы арадай, мүн аха дүүнэрэй дундаһаа һамга абаха басаган шамда олдоногүй юм гү? Бэлгынгээ үзүүрыень отолуулдаггүй пилиштүүдэй басагые юундэ һамга абахаяа һанабаш? Самсоон эсэгэдээ иигэжэ харюусаба: – Тэрэ намда һайшаагдаа. Тэрэниие намда һамга хэхыемни асарагты!

1 Хаан түрэнүүд 20:17

Ёнатаан Давидта дуратай байһан тула тэрэниие дахин тангариглуулба. Юуб гэхэдэ, тэрэ өөртөө мэтэ Давидта угаа дуратай байгаа.

1 Хаан түрэнүүд 30:15

Давид тэрээндэ: – Дээрмэшэдэй бүлэг руу газаршалан абаашажа шадаха гүш? – гэхэдэнь, тэрэ: – Намайе алахагүй, эзэнэймни гарта үгэхэгүй тухай Бурханаар намда тангариглагты. Тиигэбэл, би таниие тэрэ дээрмэшэдэй бүлэг руу абаашахаб, – гэжэ харюусаба.