Эхин 22:1 - Библи

¹ Энэ болоһон ушарай удаа Бурхан Абраһаамые туршахаяа шиидэжэ дуудахадань, Абраһаам: – Би энэ байнаб! – гэбэ.

Бурятский Библия. Отдельные книги Ветхого Завета

¹ Энэ болоһон ушарай удаа Бурхан Абраһаамые туршахаяа шиидэжэ дуудахадань, Абраһаам: — Би энэ байнаб! — гэбэ.

Эхин 22:1 Referencias Cruzadas

Эхин 15:1

Энэ болоһон үйлэ хэрэгүүдэй удаа нэгэ хэды сагай үнгэрөөд байхада Абрамда үзэгдэл үзэгдэжэ, тэрэ Эзэнэй иимэ айладхал дуулаба: – Абрам, юунһээшье бү ай! Би шамайе хододоо хаража хамгаалжа, угаа ехэ һайн һайханиие үршөөхэб.

Эхин 21:11

Абраһаам Ишмаһээл хүбүүнтэеэ хахасаха дурагүй байһан тула иимэ үгэнүүдые шагнахадаа, сэдьхэлынь үбдэжэ байба.

Эхин 22:11

Эзэнэй Эльгээмэл огторгойһоо ооголбо: – Абраһаам! Абраһаам! – Биб! – гэжэ тэрэ харюусаба.

Эхин 22:7

Ябажа ябахадаа Исаагай: – Аба-аа! – гэжэ ооголходо, Абраһаам: – Зай, хүбүүмни, юуб? – гэбэ. – Хэтэ сахюуршье, түлеэншье манда бии, зүгөөр түгэс шатаалта үргэлэй хурьган хаанаб? – гэжэ хүбүүниинь асууба.

Эхин 37:13

Тиигээд Израиль Иосифтоо хэлэбэ: – Аханаршни Шэхээмэй хажуугаар малаа адуулжа байна хаш. Би шамайе тиишэнь эльгээхэм. – Зай, – гэжэ Иосиф зүбшөөбэ.

Эхин 46:2

Нэгэ һүни Бурхан Израильда үзэгдэл харуулан, ооголбо: – Яков, Яков! – Би эндэ байнаб, – гэжэ тэрэ харюусаба.

2 Хаан түрэнүүд 24:1

Эзэн дахин Израильда уурлан хилэнтэжэ, Давидые арад зоной урдаһаа идхан баадхаба: – Ябаад, Израилиин болон Иудын улад зоной тоо бүридхэгты.

2 Угай бэшэг 32:31

Гансал Вавилооной хаашуулай элшэнэрэй тэрээндэ ерэжэ, газар дээрэ болохо хэрэгүүд тушаа ямар дүлгэ тэмдэгүүд бии гээшэб гэжэ асуун байхада, Бурхан Хэзэкияада туһалбагүй, юуб гэхэдэ, ухаан бодолдонь юун байна хаб гэжэ шалгахаяа һанаа бшуу.

Псалманууд 11:5

Тэдэ «Ярихадаа бэрхэбди, хэлэмнай – манай зэр зэбсэг, хэншье маанадта захиржа шадахагүй» гэнэ.

Египедһээ гаралга 16:4

Эзэн Моисейдэ айладаба: – Би таанадта бороогой ороһон шэнгеэр огторгойһоо талха оруулхаб. Үдэр бүри зон гаража, үдэрэйнгөө эдихэ хоол суглуулдаг байха. Минии тогтооһон эрилтэ байха, тэрэниие сахина гү гэжэ Би Өөрөө хинахаб.

Египедһээ гаралга 3:4

Моисейн ерэжэ ябахыень хаража байһан Эзэн Бурхан һөөг сооһоо тэрээндэ хандажа дуудаба: – Моисей! Моисей! – Би шагнанаб, – гэжэ Моисей харюусаба.

Һургаал 17:3

Галай дүлөөр мүнгэ алта хайлуулан сэбэрлэдэг. Эзэн хүнүүдэй сэдьхэл туршадаг.

Исай 6:8

– Би хэниие ябуулхабиб? Хэн Манай даабари дүүргэхэб? – гэһэн Эзэнэй дуу соносоод, би хэлэбэб: – Би ошохоб, намайе ябуулагты!

Коринфынхидтэ 1-дэхи 10:13

Таанадай дабаһан ямаршье туршалганууд юрэ хүнүүдтэ тулгардаг бэрхэшээлнүүд юм. Гэхэтэй сасуу Бурхан амалһан юумэеэ дүүргэжэ, даахын аргагүй туршалгануудые таанадта тулгаруулхагүй, тиигээд туршахадаа, тэсэжэ гараха хүсэ шадал таанадта үгэхэ.

Хуули дабталга 13:3

Тэрэ лүндэншые гү, али зүүдэндээ юумэ харадаг хүниие бү шагнагты; юуб гэхэдэ, Эзэн Бурхантнай Намда бүхы зүрхэ сэдьхэлһээ дуратай гээшэ гүт гэжэ мэдэхын тула таанадые туршажа байна гээшэл.

Хуули дабталга 8:16

Таанадые даран номгоруулхын, туршахын тула, һүүлдэнь һайе хэхэеэ Тэрэ таанадта бэрхэшээлнүүдые ушаруулһан байна. Таанадай мүн үбгэ эсэгэнэрэйтнайшье хараа-үзөөгүй сагаан будагаар элһэн сүл губида таанадые Тэрэ холлуулаа.

Хуули дабталга 8:2

Дүшэн жэлэй туршада элһэн сүл губяар таанадые Эзэнэй хүтэлөөд ябаһан бүхы аян зам бү мартагты. Досоогоо юу сэдьхэжэ байһыетнай, захяа заабарииень сахиха гүт, али үгы гүт гэжэ мэдэхын тула, таанадые номгоруулхын тула Тэрэ туршажа байгаа.

Еврейнүүдтэ 11:17

Бурханай Абраһаамые туршахадань, этигэл һүзэгөөрөө тэрэ Исаак хүбүүгээ тахил болгон үргөө. Бурхан Абраһаамда найдуулга үгөө, тиимэһээ Абраһаам ганса хүбүүгээ тахил болгон үргэхэдэ бэлэн байгаа.

Яковай хандалга 2:21

Манай үбгэ эсэгэ Абраһаам Исаак хүбүүгээ үргэлэй газарта тахил болгон үргэжэ, тэрэ хэрэгээрээ үнэн сэдьхэлтэй байһанаа баталаа бэшэ гү?

Пётрой 1-дэхи хандалга 1:7

Юундэб гэхэдэ, тэдэ зоболонгууд танай һүзэг бодото гү гэжэ туршана, батална гээшэ. Галда шатажа үгы болодог алтаншье галаар туршагдадаг, зүгөөр танай һүзэг алтанһаа үлүү үнэтэй, тиимэһээл тэрэнэйтнай үнэн байһыень заабол туршаха, баталха хэрэгтэй. Тиигээд лэ таанад Иисүүс Христоосой заларан ерэхэ Үдэр магтаалда, алдар солодо, нэрэ түрэдэ хүртэхэт.

Ударидагшад 2:22

Израильшуудые туршахын тула Би эдэниие хэрэглэхэмни. Эдэ израильшууд үбгэ эсэгэнэр мэтээр Эзэнэй заагша замаар ошохо үгыень Би туршан хаража үзэхэб.

1 Хаан түрэнүүд 3:4

Эзэн Самуилые дуудаба. – Би эндэ байнаб, – гэжэ тэрэ харюусаба.