Эхин 20:5 - Библи

⁵ Тэрэ хүн өөрөө намда энэ эхэнэрые дүү басагамни гэжэ хэлээ юм. Эхэнэр өөрөө мүн лэ тиигэжэ хэлээ! Бэе болон сэдьхэлээрээ би ямаршье муу үйлэ хээгүйлби.

Бурятский Библия. Отдельные книги Ветхого Завета

⁵ Тэрэ хүн өөрөө намда энэ эхэнэрые дүү басагамни гэжэ хэлээ юм. Эхэнэр өөрөө мүн лэ тиигэжэ хэлээ! Бэе болон сэдьхэлээрээ би ямаршье муу үйлэ хээгүйлби.

Эхин 20:5 Referencias Cruzadas

Эхин 12:13

Ши өөрыгөө минии дүү гээшэб гэжэ хэлээрэй, тиихэдэш намда һайнаар хандаха, ши минии ами наһа абархаш.

Эхин 20:13

Зүгөөр эсэгынгээ гэрһээ гаража, аянда гара гэжэ Бурханай эльгээхэдэ, би һамгандаа иигэжэ хэлээ һэм: «Хаанашье ябаа һаа, ерэһэн газартаа намайе ахамни гэжэ байхыеш гуйнаб. Тэрэ хадаа шинии намда үзүүлһэн энэрэл хайра болохо».

Эхин 20:16

Саррада тэрэ хэлэбэ: – Таниие ордондоо асаруулһан гэм зэмээ сагааруулхын тула би ахадатнай эндэ байһан олон зоной нюдэн дээрэ мянган шээкэл сагаан мүнгэ үгэнэб.

3 Хаан түрэнүүд 9:4

Давид эсэгэдээл адли Минии захяа заабаринуудые бултыень үнэнхэ зүрхөөрөө сахин, ёһо гуримуудым, тогтоолнуудым дүүргэжэ ябаа һааш,

4 Хаан түрэнүүд 20:3

– Эзэмни! Танай урда үнэн сэхээр, ямаршье гэм зэмэ хэнгүй ажаһууһыемни, Танда таарамжатай үйлэ хэрэгүүдые бүтээдэг байһыемни һаныт даа, – гээд, һугшаран уйлашаба.

1 Угай бэшэг 29:17

Минии Бурхан мэдэнэб, Та үнэн зүрхэнһөө дурланат, сэдьхэлһээ туршанат; би сэбэр сэдьхэлһээ эдэ бүхые үргэнэб, минии хараһаар Танай арад Тандаа баясан, үргэл үргөөл.

Псалманууд 24:4

Гараха замаа намда мэдүүлыт, Эзэн! Өөрын харгынуудые намда заажа үгыт. ה Һээ

Псалманууд 26:6

Тиихэдэнь тойроод байгаа дайсад дээгүүр би үргэмжэлэгдэн, майхан соонь баясан, үргэл болон магтаал үргэхэб, Эзэндэ магтаалнуудые дуулахаб.

Псалманууд 7:8

Арадууд Таниие тойрон сугларха, тэдээн дээгүүр, үндэртэ, хан шэрээдээ заларыт!

Псалманууд 7:9

Та арадуудые шүүхэт. Эзэн, миниишье зарга хэрэгые шиидхыт: би гэмгүйб, зүб гээшэб.

Псалманууд 73:13

Өөрын хүсэ шадалаар Та далайе хубаагаат, уһан дотор могойнуудай тархи бута сохёот.

Һургаал 11:3

Сэхэ сэбэр хүнүүдые үнэн шударга байдал хүтэлдэг, хара һанаатай зониие хуурмаг байдалынь һүнөөдэг.

Һургаал 20:7

Үнэн шударга хүн гэм зэмэгүй ябадаг. Тиимэ хүнэй үри хүүгэд үреэлдэ хүртэнэ.

Даниил 6:22

Бурхамни тэнгэриин Эльгээмэлээ эльгэжэ, Тэрэ арсалануудай ама таглаал! Тэдэ намайе яагаашьегүй! Юуб гэхэдэ, би Бурханай урда нүгэлтэй бэшэб, үндэр түрэлтэ хаан, танайшье урда ямаршье гэм зэмэ хээгүйб.

Коринфынхидтэ 2-дохи 1:12

Энэ дэлхэйдэ байхадаа, илангаяа таанадтай харилсахадаа, бидэ Бурханһаа үгтэһэн үнэн сэхэ, арюун сэбэр ажамидаралтай байгаабди, һэшхэл бодолнайшье тэрэниие батална, тиимэһээл бидэ ехэл бахархадагбди. Бидэ хүнэй сэсэн ухаагаар бэшэ, харин Бурханай үршөөлөөр тиигэжэ ажамидараабди.

Фессалоникиинхидтэ 1-дэхи 2:10

Та һүзэглэгшэдтэ бидэ арюун һайханаар, үнэн сэхээр хандадаг һэмди. Бидэниие зэмэлхээр юумэн үгы. Таанад өөһэдөөшье, Бурханшье тэрэниие гэршэлхэ.

Тимофейдэ 1-дэхи 1:13

Урдань би Тэрэниие доромжолжо, хашан мүрдэжэ, гомдохоожо байгааб. Гэхэдээ һүзэггүй ябахадаа би тиимэ юумэ хээб. Юу хэжэ байһанаа ойлгоногүй байһандамни, Бурхан намайе хүлисөө.

Нүүнэй Иисүүс 22:22

– Бурхануудай Бурхан болохо Эзэн, бурхануудай Бурхан, Тэрэ мэдэнэ, Израильшье мэдэнэ! Хэрбээ манай буһалгаатажа, Эзэнһээ хазагайраа һаа, энэ үдэр Эзэн маниие хайралхагүй!