Эхин 19:9 - Библи

⁹ – Тонило! – гэжэ тэдэ һүхирэлдэбэд. – Хэн аад, маанадые захирха болообши? Бидэ шамтай энээнһээ дороор аашалхабди! Тэдэнэр Лоодые түлхин, гэрэйнь үүдэ эбдэхээр дугташалдаба.

Бурятский Библия. Отдельные книги Ветхого Завета

⁹ — Тонило! — гэжэ тэдэ һүхирэлдэбэд. — Хэн аад, маанадые захирха болообши? Бидэ шамтай энээнһээ дороор аашалхабди! Тэдэнэр Лоодые түлхин, гэрэйнь үүдэ эбдэхээр дугташалдаба.

Эхин 19:9 Referencias Cruzadas

Эхин 11:6

иимэ зарлиг буулгаба: – Харыт, эдэ зон иишэ-тиишээ зөөжэ ябахын орондо нэгэ газарта обооржо, нэгэ хэлэтэй нэгэ арад болохоёо һэдэнэл. Иигэжэ суг хамта барилга эхилбэл, саашадаа тэдэ юушье хэжэ магад.

Эхин 13:12

Абрам Ханаһаанда нютагжаба, харин Лоот Иордан голой нюруу дамжан нүүһээр Содом хотын шадар ерэжэ байрлаба.

Египедһээ гаралга 2:14

– Хэн шамайе манай дээрэ ноён болгоо юм, зарга шиидхэгшээр табяа юм? Египедэй тэрэ хүниие алаһандаал адли намайе алахаяа һанаа гүш? – гэжэ тэрэ хүн урдаһаань һөөргэдэбэ. Тэрэ үйлэ хэрэгни мэдэгдээ гэжэ Моисей ойлгоходоо, айхын ехээр айба.

Һургаал 14:16

Сэсэн хүн болгоомжотой, мууһаа зайлахые оролдодог. Тэнэг хүн дээрэлхүү ба өөрыгөө һүрхэйб гэжэ тоолодог.

Һургаал 17:12

Мунхагтаа дашуурһан тэнэгтэй ушаранхаар гүлгэдөө төөриһэн баабгайтай уулзаһан дээрэ.

Һургаал 27:3

Шулуун хүндэ, элһэн хүнгэн бэшээр татаха, харин тэнэгэй ааша эдэ хоёрһоо бүришье хүндэ.

Экклезиаст 10:13

Тэрэнэй яряанай эхилэл тэнэг, түгэсхэлынь балмад.

Экклезиаст 9:3

Нарата түбиин бүхы амитанда нэгэ хуби байхань муу гээшэл даа. Хүнэй зосоохи хоро шарада, галзуу тэнэгтэ баригданхай байгаад, эсэстэнь үхэгшэдтэй ниилэдэг.

Исай 65:5

Удаань тэдэ иигэжэ бусадта хэлэнэ: «Зогсогты, маанадта бү дүтэлэгты. Бидэ таанадта орходоо арюун гээшэбди». Би тэдэниие тэсэхэгүй байнаб, уур хилэмни хэзээдэшье унтархагүй түймэр мэтэ.

Ерэмияа 3:3

Тиимэһээл аадар бороо һаатажа, хабарай бороошье ороогүйл. Энээнэйшье удаа ши эшэхэ-гайхахаяа мэдэрээгүйш – нюуршни янхан эхэнэрэй шарайдал адли.

Ерэмияа 6:15

Тэдэ өөһэдынгөө үйлэдэһэн бузар муу муухайһаа эшэнэ гү? Үгы, огто эшэнэгүй. Улайхаяашье тэдэ мэдэхэгүй ха. Тиимэһээ бултандал адли тэдэ хэһээгдэхэ. Улад зониие шүүбэрилхэеэ ерэхэдээ, Би тэдэниие газар руу шабхадан унагаахаб! Энэ болбол Би, Эзэн, айладхана мүн!

Ерэмияа 8:12

Арад зомни, өөһэдынгөө үйлэдэһэн жэгшүүритэй юумэнһээ таанад эшэнэ гээшэ гүт? Үгы! Таанад оройдоошье эшэнэгүйт. Яажа улайдагыешье мэдэхэгүй байнат. Тиимэһээ бусад арадтай адли унан һалахат. Шүүбэрилхэ сагтам таанад һалгаагдахат! Энэ болбол Би, Эзэн, тунхаглана мүн!

Эзэкээл 16:49

Содом дүүшни басагадтаяа хамта дээрэлхүү зантай, элбэг дэлбэг эдеэ хоолтой, амгалан тайбан байдалтай байһан аад, ядуу байдалтай, үгытэйшүүлдэ туһалдаггүй һэн.

Матвей 7:6

Нангин юумэ нохойдо бү хаягты, тэдэ эрьеэд лэ өөртэтнай добтолхол. Субад эрдэни гахайн урда бү сасагты, тэдэ тэрэнииетнай миин лэ хүлөөрөө гэшхэхэл.

1 Хаан түрэнүүд 17:44

Тиигээд Давидта: – Ерэ наашаа, би шинии бэе огторгойн шубуу шонхорто, хээрын ан арьяатанда үгэхэб, – гэжэ занаба.

1 Хаан түрэнүүд 2:16

– Өөхэнь хайлаг, тиигээд һанаһанаа хэдыешье абахадатнай болохо, – гэжэ хэн нэгэнэй хэлээ һаань, тэрэ: – Үгы, мүнөөл үгэ, үгы һаашни, хүсөөрөө абахаб, – гэдэг байгаа.

1 Хаан түрэнүүд 25:17

Тиимэһээ одоо та юу хэхэеэ бодожо хаража мэдэгты. Юуб гэхэдэ, манай эзэниие болон бүхы гэр бүлыень гай зоболонгой дайрахань дамжаггүй. Эзэн болбол өөдэгүй зантай һэн тула хэншье тэрээнтэй хөөрэлдэжэ шадахагүй, – гэбэ.