Эхин 15:9 - Библи

⁹ Тиихэдэнь Эзэн Бурхан иигэжэ захирба: – Ши Намда гунжан үнеэ, шүдэлэн эмэ ямаа, шүлгэ хуса гаргажа, мүн баһа эрэ, эмэ хоёр гулабхаа үргэл болго.

Бурятский Библия. Отдельные книги Ветхого Завета

⁹ Тиихэдэнь Эзэн Бурхан иигэжэ захирба: — Ши намда гунжан үнеэ, шүдэлэн эмэ ямаа, шүдэлэн хуса гаргажа, мүн баһа эрэ, эмэ хоёр гулабхаа үргэл болго.

Эхин 15:9 Referencias Cruzadas

Эхин 15:10

Абрам эдэ амитадые асараад, үнеэ, эмэ ямаа, хусын ами таһалжа, хоёр хуби болгон таһа сабшаба, гулабхаануудыел бүтэн орхибо. Тиигээд тэрэ хахад хубинуудые, гулабхаануудые урда урдаһаань харуулан табижа, Эзэниие хүлеэжэ эхилбэ.

Эхин 15:8

– Агууехэ Эзэмни! Теэд энэ газар минии болохо гээд би яажа мэдэхэбиб, үгэеэ бэелүүлхээ баталжа үгыт! – гэжэ Абрам гуйба.

Эхин 22:13

Абраһаам толгойгоо үргэхэдөө, һөөг бургааһанда эбэрээрээ тээгэлдэһэн хуса гэнтэ обёорбо. Тэрээндэ ошоод, хусые хүбүүнэйнгээ орондо түгэс шатаалта үргэл болгон тэрэ үргэбэ.

Псалманууд 50:5

Юуб гэбэл, би алдуутайгаа мэдэнэм, нүгэлни ходо урдам байна.

Дуунай дуун 2:12

Хүдөө талада сэсэг дэлгэржэ, хээрын шубууд дуулан жэргэжэ, сагаан тагтаа бусажа ерээд, бүгэдын гургаха саг болоо.

Исай 15:5

Моһааб тушаа зүрхэ сэдьхэлни уйлана. Моһаабай зон Цооһар болон Эглаат-Шэлишияа руу гүйлдэнэ. Лүхиит руу үгсэхэдөө, уйлалдан гарана, гай тухайгаа шангаар бархиралдан, Хоронааһим руу ошоно.

Левит 1:10

Хэрбээ хони ямаагаар түгэс шатаалта үргэл хэхэ гэбэл, зэмдэг дутагдалгүй хуса гү, али тэхэ асараг.

Левит 1:14

Хэрбээ шубуу шонхорһоо Эзэндэ түгэс шатаалта үргэл хэхэ гэбэл, түүтэй шубуу гү, али залуу тагтаа шубуу асараг.

Левит 1:3

Эбэртэ бодо малһаа түгэс шатаалта үргэл хэхээ һанаа бол, ямаршье дутагдалгүй буха шэлэн абаад, Эзэндэ һайшаагдахынь тула майхан һүмын үүдэндэ асараг.

Левит 12:6

Арюудхалгын хоног хүсөөгөөд, тэрэ эхэнэр хүбүүнэйнгээ гү, али басаганайнгаа түлөө хурьга түгэс шатаалта үргэл болгон, залуу тагтаа шубуу гү, али түүтэй шубуу нүгэл сагааруулгын үргэл болгон, майхан һүмын үүдэндэ санаартада асаржа үгэхэ ёһотой.

Левит 12:8

Хэрбээ нарайлһан эхэнэр хурьга асарха шадалгүй байгаа һаа, хоёр залуу тагтаа шубуу гү, али хоёр түүтэй шубуу, нэгыень түгэс шатаалта үргэл болгон, нүгөөдыень нүгэл сагааруулгын үргэл болгон асараг. Санаартын арюудхалга хэхэдэнь, тэрэ үдэрһөө хойшо нарайлһан эхэнэр арюун сэбэр гэжэ тоологдохо.

Левит 14:22

Баһа тиигээд өөрынгөө шадалаараа хоёр түүтэй шубуу гү, али хоёр залуу тагтаа шубуу: нэгыень нүгэл сагааруулгын үргэл болгон, нүгөөдыень түгэс шатаалта үргэл болгон асараг.

Левит 14:30

Тэрэ арюудхагдагша хүнэй шадалаараа хүргэһэнһөөнь нэгэ түүтэй шубуу гү, али нэгэ тагтаа шубуу асарха ёһотой.

Левит 3:1

Хэрбээ амгалан байдалай түлөө үргэл үргэхөө һанабал, эрэ гү, али эмэ эбэртэ бодо малһаа зэмдэг дутагдалгүйень шэлээд, Эзэнэй урда асараад,

Левит 3:6

Хэрбээ амгалан байдалай түлөө Эзэндэ жэжэ малһаа үргэл үргөө һаа, зэмдэг дутагдалгүй эрэ гү, али эмэ мал асараг.

Левит 9:2

Тэрэ Аһароондо хэлэбэ: – Өөрын малһаа зэмдэггүй нэгэ буруу нүгэл сагааруулгын үргэл болгон, зэмдэггүй нэгэ эрэ түлгэ түгэс шатаалта үргэл болгон абаад, Эзэндэ үргэл үйлэдэ.

Левит 9:4

Эзэнэй урда амгалан байдалай түлөө үргэл хэхын тула нэгэ хашараг, нэгэ эрэ түлгэ, тиигээд оливын тоһотой холигдоһон талхан үргэлые асарагты. Юундэб гэхэдэ, мүнөөдэр танда Эзэн үзэгдэхэ!