Эхин 12:7 - Библи

⁷ Тэндэ Эзэн Абрамда үзэгдэжэ, иигэжэ айладхаба: – Би энэ газар дайдые шинии үри һадаһадта үгэхэб! Иигэжэ өөртэнь үзэгдэһэн Эзэниие хүндэлжэ байһанаа элирхэйлэн, мал үргэл болгон шатааха шулуун шэрээ Абрам тэндэ түхеэрбэ.

Бурятский Библия. Отдельные книги Ветхого Завета

⁷ Тэндэ Эзэн Абрамда үзэгдэжэ, иигэжэ айладхаба: — Би энэ газар дайдые шинии үри һадаһадта үгэхэб! Иигэжэ өөртэнь үзэгдэһэн Эзэниие хүндэлжэ байһанаа элирхэйлэн, мал үргэл болгон шатааха шулуун шэрээ Абрам тэндэ түхеэрбэ.

Эхин 12:7 Referencias Cruzadas

Эхин 12:8

Һүүлээрнь Абрам тэндэһээ урагшаа ябажа, Бэт-Ээл хотын зүүн талада оршодог хада уулатай газарта ерэжэ, майханаа татаба. Тэндэһээ баруун зүгтэ Бэт-Ээл, зүүн зүгтэ Һай хото оршодог байгаа. Абрам тэндэ үшөө нэгэ үргэлэй шулуун шэрээ түхеэрэн баряад, Эзэндэ зорюулжа мал хёрбоһолон үргөөд, Эзэниие хүндэлжэ байһан тухай үгэнүүдые хэлэбэ.

Эхин 13:15

Нюдэнэйш хараагай хүрэхэ бүхы энэ дайдые шамда болон шинии үри һадаһадта хэтын хэтэдэ эзэлхыетнай үгэхэб.

Эхин 13:17

Ши энэ байһан газараа орхёод, энэ Минии шамда гэжэ үгэһэн бүхы газар дайдаар нүүн яба!

Эхин 13:18

Иигээд Абрам майханаа хуряагаад, аян замда гаража, Хэброон хотын хажууда тогтон, тэндэхи Мамрээ гэдэг хүнэй сарса мододой дэргэдэ ерэбэ. Тэрэ Эзэндэ зорюулан, шулуугаар баһа нэгэ үргэлэй шэрээ барин бодхообо.

Эхин 13:4

Эзэндэ зорюулан, үргэлэй шэрээ шулуугаар бүтээгээ бэлэй. Абрам мүнөө тэндээ Эзэниие дахин хүндэлжэ, үреэл гуйба.

Эхин 15:18

Иигэжэ тэрэ үдэр Эзэн Абрамтай хэлсээ баталаад, айладхаба: – Египедэй хилэ дээрэхи голһоо эхилээд Евфрат мүрэн хүрэтэр нэмжыһэн энэ орон нютагые Би шинии уг удамда үгэнэб.

Эхин 17:1

Абрамай ерэн юһэтэй байхада, Эзэн тэрээндэ дахин үзэгдэжэ, иигэжэ айладхаба: – Би Түгэс Хүсэтэ Бурхамби. Минии үгөөр ябажа, зэмэгүй арюун ажаһуугаарай.

Эхин 17:3

Абрам газар мүргэн һүгэдэбэ. Бурхан тэрээндэ хандан, үгэеэ үргэлжэлүүлбэ:

Эхин 17:8

Нүүжэ амидаржа байгаа энэ Ханаһаан нютагые хэтэ мүнхэдөө эзэмшэхээр шамда болон үри һадаһадташ үгэхэб. Таанадай шүтэхэ Бурхан Бил болоноб!

Эхин 18:1

Үдын наранай халуунда, Мамрээгэй сарса мододой дэргэдэ, майханайнгаа үүдэндэ Абраһаамай һуужа һуухада тэрээндэ Эзэн дахин үзэгдэбэ.

Эхин 22:9

Бурханай заагша газар хүрөөд, Абраһаам тэндэ шулуугаар үргэлэй шэрээ барижа, дээрэнь түлеэ табяад, Исаак хүбүүгээ ооһороор хүлижэ, түлеэн дээрэ хэбтүүлбэ.

Эхин 24:7

Эзэн, юртэмсын Бурхан, намайе түрэһэн нютаг, түрэл гэрһээм хариин газар абаашахадаа, «Би шинии үри һадаһадта энэ орон нютагые үмсын эдлэлэй болгон үгэнэб» гэжэ тангариглаа юм. Эзэн Бурхан Огторгойн Эльгээмэлээ эльгээн, шинии аян зам заажа үгэхэ, зохёохо бэзэ. Тиихэдэнь ши тэндэһээ хүбүүндэмни һамга олохо бэзэш.

Эхин 26:25

Исаак тэрэ газарта үргэлэй шэрээ түхеэрээд, Эзэниие хүндэлэн, үргэл хэбэ. Тиигээд тэрэ гэр бүлэ, зарасанараа асараад, тэндэ шэнэ худаг малтуулаад, һуурижаба.

Эхин 26:3

Гэбэшье мүнөө нэгэ хэдыхэн саг эндээ бай. Би шамай хододоо анхаржа, үршөөн үреэжэ байхаб. Ажаһуугааша энэ бүхы орон газарыеш хойшонхи шинии үри һадаһадта үгэнэб. Урдань шинии эсэгэ Абраһаамые найдуулжа үргэһэн тангаригаа бэелүүлхэб.

Эхин 28:13

Эзэн гэшхүүрэй оройдо зогсоод, Яковта иигэжэ айладхажа байба: – Би Эзэн Бурхан мүнби! Шинии эсэгэнэр болохо Абраһаамай, Исаагай шүтэн зальбардаг Бурхамби. Энэ нэмжын байһан газарые Би шамда болон шинии уг удамда үгэнэб.

Эхин 28:4

Урдань Абраһаамда үгэһэн Бурханай үреэл шамда болон үри һадаһадташ оршожо, Абраһаамда үгэһэн энэ орон нютагые шинии эзэлэн байха болтогой!

Эхин 32:30

– Бурхантай нюураараа уулзаһан аад, амиды мэндэ үлэһэмни гайхалтай, – гэжэ Яков хэлээд, тэрэ газарые «Пэнүһээл», оршуулбал, «Бурханай нюур» гэжэ нэрлэбэ.

Эхин 33:20

Тэндээ тэрэ үргэлэй шэрээ түхеэржэ, «Израильшуудай шүтэдэг Эзэн Бурханай үргэлэй шэрээ» гэжэ нэрлээ һэн.

Эхин 35:12

Абраһаам болон Исаагта үмсэ болгон үгэхөөр найдуулһан тэрэ орон нютагые Би шамда үргэхэб. Тиигээд тэрэ газар шинии үхи хүүгэдээр үеһөө үедэ дамжан байдаг угай газар болохо.

Эхин 35:7

Тэндээ тэрэ үргэлэй шэрээ бүтээбэ. Тиигээд Яков энэ газараа «Эль-Бэт-Ээл», оршуулбал, «Бэт-Ээлэй Бурхан» гэжэ нэрлэбэ. Юундэб гэбэл, урдань Яковай Эсаав ахаһаа тэрьедэхэ үедэ эгээл тэндэ Бурхан Өөрыгөө Яковта элирхэйлээ бэлэй.

Эхин 50:24

Наһа барахынгаа урда тээ Иосиф аха дүүнэрээ дуудаад, иигэжэ хэлэбэ: – Минии мордохо саг дүтэлжэ байна. Гэбэшье Бурхан таанадта туһалха, энэ орон нютагһаа гаргажа, үбгэ эсэгэнэрнай болохо Абраһаамда, Исаагта, Яковта үгэхөөр тангариглаһан тэрэ орон нютаг руу абаашаха.

Эхин 8:20

Ной Эзэндэ үргэл үргэхэ шэрээ бүтээгөөд, янза бүриин сээргүй амитад болон шубуудһаа нэгэ нэгые шэлэжэ, амиинь таһалан, түгэс шатаалта үргэл болгон шатааба.

2 Хаан түрэнүүд 24:25

Иигээд Давид тэндэ Эзэндэ үргэлэй шэрээ барижа, түгэс шатаалта болон амгалан байдалай түлөө үргэлнүүдые үргэбэ. Иигэжэ Эзэн энэ уласай зальбархые соносон, тахал үбшэн Израильһаа татагдан һалаа һэн.

3 Хаан түрэнүүд 18:32

Эдэ шулуунуудаар Элияа Эзэндэ мүргэхэ үргэлэй шэрээ бодхоогоо һэн. Тиигээд үргэлэй шэрээгэй хажуугаар хоёр саата таряа багтамаар үргэнтэй ханааб малтаба.

1 Угай бэшэг 16:16

Энэ хадаа Абраһаамтай баталһан хэлсээниинь, Исаагта үгэһэн тангаригынь юм.

1 Угай бэшэг 16:18

«Таанадай уг залгамжалан дамжуулха зүйл болгон Ханаһаанай газар дайда үгэхэб» – гэжэ Тэрэ айладхаһан бэлэй.

2 Угай бэшэг 20:11

Харыт, Танай бидэндэ үгэһэн угай газар нютагһаа тэдэ бидэниие үлдэхэеэ ерэбэл!

2 Угай бэшэг 20:7

Бурхамнай, Өөрын арад түмэн Израилиин энэ газар уһан руу нүүжэ ерэхэдэ, Та эндэ урда сагһаа ажаһуугааша арадуудые үлдэн намнажа, энэ орон нютагые Өөрын нүхэр Абраһаамай үри һадаһадта хэтэ мүнхэдөө үгөө бэлэйт.

Эзраа 3:2

Ёцадаагай хүбүүн Иисүүс санаарта аха дүүнэртэеэ, мүн Шалтиээлэй хүбүүн Зэрубабээл аха дүүнэртэеэ хамһажа, Израилиин Бурханда түгэс шатаалта үргэл үргэхын тула Моисейн хуулида бэшэгдэһэнэй ёһоор үргэлэй шэрээ дархалбад.

Египедһээ гаралга 17:15

Моисей үргэлэй шэрээ бодхоожо, «Эзэн – минии туг» гэжэ нэрлэбэ.

Египедһээ гаралга 24:4

Моисей Эзэнэй бүхы үгэнүүдые бэшэжэ абаба. Үглөөдэрынь хадын хормойдо үргэлэй шэрээ түхеэржэ, Израилиин уг аймагуудай тоогоор арбан хоёр нангин шулуу зэргэлүүлэн табиба.

Египедһээ гаралга 32:13

Өөрын богоолнууд Абраһаам, Исаак ба Израильда юун тухай тангариг үгэһэнөө һаныт – тэдэнэй уг удамые тэнгэриин одо мүшэд шэнги олон болгохоб, тэдээндэ гэжэ найдуулһан газараа уг удамдань хэтын хэтэдэ эзэмшэн һуухыень үршөөхэб гэжэ Өөрыгөө гэршэ болгон тангариглаа бэлэйт!

Египедһээ гаралга 33:1

Эзэн Моисейдэ айладаба: – Египедһээ гаргаһан арад угсаатантайгаа эндэһээ ябагты. Хойто үеын удамдань үгэхэб гэжэ Абраһаамда, Исаагта ба Яковта тангариглаһан газар тээшэ ошогты.

Египедһээ гаралга 6:3

Абраһаамда, Исаак болон Яковта «Түгэс Хүсэтэ» гэһэн нэрээр үзэгдөө һэм, харин «Эзэн» гэһэн нэрэеэ мэдүүлээгүйб.

Египедһээ гаралга 6:4

Ханаһаан орондо тэдэ хэсэжэ ябагша һэн. Тэрэ орон нютагые өөһэдынь болгожо үгэхэ тухай тэдэнтэй хэлсээн баталаа бэлэйб.

Ерэмияа 3:18

Израиль Иудатай хамтаржа, хойто зүгтэ орон нютагта сүлэлгэдэ байһанаа хоюулаа ябан гаража, танай элинсэг хулинсагта угай зөөри болгон Минии үгэһэн орон нютагта бусаха.

Тоололго 26:53

– Үе дамжан залгамжалагдаха хубаариин газарнуудые эдэ нэрэнүүдэй тоогоор хубаарилха ёһотойт.

Тоололго 32:11

«Египедһээ эндэ ерэһэн таанадай хоринһоо дээшэ наһатайшуулай хэншье тэрэ газарыемни харахагүй. Энэ арадта газар үгэхэб гэжэ Би Абраһаамда, Исаагта, Яковта тангариглаа һэм. Теэд тэдэнэр Минии үгэ дуулаагүй.

Хэрэгүүд 7:5

Гэбэшье тэрэ нютагые, тэрэ нютагай хэһэгыешье эзэмдэжэ байхаарнь Бурхан Абраһаамда үгөөгүй. Гэхэтэй сасуу тэрэ газарые үгэхэб, удаань үри һадаһадайнь эзэмшэжэ байхыень үгэхэб гэжэ Бурхан найдуулаа. Абраһаамай үхибүүдгүй байха үедэ Бурхан тэрэниие тиигэжэ найдуулаа.

Римэйхиндэ 9:8

Ондоогоор хэлэбэл, юрын аргаар түрэһэн үхибүүд Бурханай үхибүүд бэшэ. Бурханай найдуулһанай ёһоор лэ түрэһэн үхибүүд бодото үри һадаһад гэжэ тоологдодог.

Галадуудта 3:16

Харин Абраһаамда, тэрэнэй үридэ Бурхан найдуулга үгөө. Үри хүүгэдтэш гэжэ хэлэгдээгүй, харин үридэшни гэжэ нэгэл хүн тухай хэлэгдээ, тиин тэрэ нэгэнь – Христоос гээшэ.

Галадуудта 4:28

Аха дүүнэрни, таанад баһа Исаагтал адли Бурханай найдуулһан ёһоор түрөөт.

Хуули дабталга 1:8

Харагты, энэ газар дайдые Би таанадта үгэнэб! Үбгэ эсэгэнэртэтнай – Абраһаамда, Исаагта, Яковта мүн үри хүүгэдтэнь үгэхэб гэжэ Минии, Эзэнэй, тангариглан найдуулһан газар руу ошожо, эзэмдэгты».

Хуули дабталга 30:20

Эзэн Бурхандаа дуратай байгты, Тэрэнэйнгээ үгэ дуулагты, Тэрээндээ үнэн сэхэ байгты. Тиигэбэлтнай, танай үбгэ эсэгэнэртэ – Абраһаам, Исаак, Яков гэгшэдтэ «үгэхэб» гэжэ тангариглан найдуулһан газар дайда дээрээ таанадта Тэрэ ута наһа үршөөхэл.

Хуули дабталга 34:4

Тиигээд Эзэн тэрээндэ хандан, иигэжэ айладаба: – Үри хүүгэдтэтнай энэ газар үгэхэб гэжэ Абраһаамда, Исаак болон Яковта «Минии тангариглан найдуулһан газар энэл даа». Шамда өөрынгөө нюдөөр энэ газар харахыешни зүбшөөгөөб, гэбэшье ши тиишээ орожо шадахагүйш.

Хуули дабталга 6:10

«Үгэхэб» гэжэ үбгэ эсэгэнэртэтнай – Абраһаамда, Исаагта, Яковта тангариглан найдуулһан газар дайда, танай баряагүй мантан ехэ, һайн хотонуудтай тэрэ газарые Эзэн Бурханай та бүгэдэндэ үгэхэдэнь,

Хуули дабталга 9:5

Тэдэнэй газар дайда үнэн сэхэ байһанайтнай түлөө бэшэ, сэбэр сэхээр ажаһууһанайтнай түлөө бэшэ таанадта хүртэхэ. Тэдэ арадуудай буруу ябадалтай һэн тула, мүн танай үбгэ эсэгэнэр болохо Абраһаам, Исаак, Яков гэгшэдтэ тангариглаһан үгэеэ дүүргэхын тула Эзэн Бурхантнай тэдэниие хажууһаатнай үлдэхэл.

Еврейнүүдтэ 11:13

Тэдэ булта этигэл һүзэгтэйгөөр наһа бараа. Тэдэнэр Бурханай найдуулһан юумэндэ хүртэнгүй үхэһэншье һаа, тэрэ найдуулгыень холоһоо хаража баясадаг, өөһэд тухайгаа бидэ газар дэлхэй дээрэ хариин хүнүүд, ерүүл хүнүүд гээшэбди гэжэ хэлэдэг бэлэй.

Еврейнүүдтэ 11:8

Бурханай үгэхэб гэжэ найдуулһан нютаг руу ошо гэжэ Бурханай уряалхада Абраһаам этигэл һүзэгөөрөө үгыень дуулаа. Хайшаашье ошохо байһанаа мэдэнгүй, тэрэ өөрынгөө орон нютагые орхижо ошоо.

Нүүнэй Иисүүс 1:6

Хатуу, зоригтой байгаарай; юундэб гэхэдэ, эсэгэнэртэнь үгэхэб гэжэ тангариглаһан газарым ши тэдээндэ эдлэхынь үгэхэш.

Нүүнэй Иисүүс 22:10

Ханаһаанай газарта байһан Иорданай оршон тойрондо ерээд, Рэүбээнэй хүбүүд, Гаадай хүбүүд, Мэнашшээгэй обогой хахад зон Иорданай дэргэдэ хараха янзада ехэ томо тахилай шэрээ барижа бодхоо.

Нүүнэй Иисүүс 8:30

Тиихэдэ Иисүүс Эбаал хада дээрэ Эзэндэ, Израилиин Бурханда үргэл эмхидхээ.

Ударидагшад 6:24

Гидоон тэндэ үргэлэй шэрээ бүтээгээд, тэрэнээ «Эзэн энхэ тайбан үршөөнэ» гэжэ нэрлэбэ. Абиээзэрэй уг удамуудай ажаһуудаг Опраа хотодо үргэлэй тэрэ шэрээ мүнөө болотор байдаг юм.

1 Хаан түрэнүүд 7:17

Удаань тэрэ Рамаада бусадаг һэн. Юуб гэхэдэ, гэрынь тэндэ бэлэй. Мүн лэ тэрэ Рамааһаа Израилиие зонхилдог байгаа. Самуил Эзэндэ үргэлэй шэрээ тэндэ баряа һэн.