Эхин 12:3 - Библи

³ Хэн шамайе үреэнэб – тэрэниие Би үреэхэб! Хэн шамайе хараанаб – тэрээндэ хараал хүртөөхэб! Шамаар дамжуулан Би орон дэлхэйн бүхы арад зониие буян хэшэгтээ хүртөөхэб!

Бурятский Библия. Отдельные книги Ветхого Завета

³ Хэн шамайе үреэнэб — тэрэниие Би үреэхэб! Хэн шамайе хараанаб — тэрээндэ хараал хүртөөхэб! Шамаар дамжуулан Би орон дэлхэйн бүхы арад зониие аза жаргалтай болгохоб!

Эхин 12:3 Referencias Cruzadas

Эхин 18:18

Уг удамыень бодото дээрээ агууехэ, хүсэтэй арад болгожо, тэдэнээр дамжуулан, орон дэлхэйн бүхы арад зониие буян хэшэгтээ хүртөөхэб.

Эхин 18:19

Үгы, Би нюухагүйб. Абраһаамые Би шэлэн һунгахадаа, тэрэниие өөрынгөө үхибүүдтэ мүн хамаг үри һадаһадтаа Минии зааһан замаар ябаха, хододоо үнэн шударга сэдьхэл түхөөхэ тухай захижа, һургажа байхынь тула шэлээб. Тиимэ ябаа һаань, Би тэрээндэ найдуулһан хамагые бэелүүлхэб.

Эхин 22:18

Минии үгые дуулаһанайш түлөө шинии уг удамаар дамжан, бүхы дэлхэйн арад зон Минии үреэл хайрада хүртэхэ».

Эхин 24:35

Минии эзэниие Эзэнэй үреэһэн ушарһаа тэрэ угаа баян хүн боложо, һүрэг олон малтай, алта мүнгөөр элбэг, эрэ, эхэнэр зарасанараар олон, тэмээнүүдтэй, элжэгэнүүдтэй болоо.

Эхин 25:11

Абраһаамай мордоһоной һүүлээр Бурхан тэрэнэй хүбүүн Исаагые үреэбэ. Исаак Бээр-Лахай-Рой, ондоогоор хэлэбэл, «Намайе наһан соом хаража байдаг Эзэнэй булаг» гэдэг газар нютагта ажаһуугаа.

Эхин 26:29

Манай орон нютагта амидаржа байхадатнай хэншье таанадые дайраагүй, амар амгалан орон нютагһаа табяа бэлэйлди. Тэрээнһээ хойшо Эзэн таниие үреэгөө. Маанадай урдаһаа добтолхогүйетнай хэлсээгээр батадхабал, һайн бэлэй, – гэжэ тэдэ харюусаба.

Эхин 26:4

Би шинии үри һадаһадые огторгойн одод мэтэ олон болгоод, энэ хамаг газар дайда тэдээндэш үгэхэб. Шинии уг удамаар дамжан, бүхы дэлхэйн арад зон Минии үреэл хэшэгтэ хүртэхэ.

Эхин 27:29

Дэлхэйн олон арадууд шамда ажал хэхэнь, урдашни мүргэн һүгэдэхэнь болтогой! Тэрээнһээ гадна аха дүүгээ, түрэл саданаа ши захадан зонхилжо, үри һадаһадшни үеһөө үедэ тэдээндэ хүндэлүүлжэ байхань болтогой! Шамай хараагшадта өөһэдтэнь хараалынь шэнгэг, шамай үреэгшэд өөһэдөө үреэлдэ хүртэг!

Эхин 28:14

Шинии үри һадаһад газарай шорой мэтэ олон боложо, дүрбэн зүгөөр таран һуурижаха. Би шамаар болон уг удамааршни дамжуулан, дэлхэйн арад түмэниие үреэхэб.

Эхин 30:27

– Һайн хүн боложо, намайе шагна! – гэжэ Лаваан хэлэбэ. – Эзэнэй үршөөл үреэлтэй байһаншни маанадташье хүртэлсөө.

Эхин 30:30

Ерэхэдэм мал һүрэгтнай хэды үсөөн һэм, харин мүнөө хэды шэнээн олон болоо гээшэб! Минии ерэһэндэ Эзэн таниие иигэжэ үреэн үршөөгөө! Харин би өөрын зөөри зөөшэтэй болохын тула өөртөө хэзээ хүдэлхэ, ажаллаха хүмбиб?!

Эхин 39:5

Тэрэ гэһэнһээ хойшо Эзэнэй Иосифые үреэжэ эхилхэдэ, Потипаарай эд зөөри, мал һүрэгынь, таряалангуудынь, юрэдөө, бүхы юумэниинь дэлгэржэ, олошоржо эхилбэ.

Псалманууд 72:17

Энэ Бурханай нангин газарта минии оротор үргэлжэлөө. Тиихэдэл тэдэнэй эсэс болохые ойлгоо бэлэйб.

Египедһээ гаралга 23:22

Тэрэнэй үгыень дуулажа, Минии айладаһан бүгэдые дүүргэбэлтнай, Би танай дайсанда дайсан, танда муу һанагшада муу һанагша болохоб.

Тоололго 24:9

Израиль сахариглан хэбтэһэн арсалан мэтэ номгон! Тэрэ залуу арсалан мэтэл! Тэрэниие хэнэйшье һэрюулээгүй һаа, дээрэ! Тэрэниие үреэгшэ нэгэн үреэлдэ хүртэхэ, тэрэниие хараагша нэгэн хараалда хүртэхэл!

Матвей 25:40

Тиихэдэнь хаан: «Эгээлэй юрын Минии дахагшадай нэгэндэнь тиимэ һайн юумэ хэхэдээ, таанад Намдашье һайниие хээ гээшэт», – гэжэ харюусаха.

Матвей 25:45

Тиихэдэнь хаан тэдэндэ: «Тон эгээлэй юрын хүнүүдэймни нэгэндэньшье тиимэ туһа хүргэхэеэ арсахадаа, таанар Намдашье туһалхаяа арсаба гээшэт», – гэжэ харюусаха.

Лука 24:27

Тиигээд Моисейһээ эхилээд, бүхы лүндэншэдэй Өөр тухайнь Нангин Бэшэг соо хэлэһэн зүйлнүүдые тэдэ хоёрто тайлбарилжа үгэбэ.

Римэйхиндэ 4:11

Абраһаам һүзэгэйнгөө түлөө үшөө отолуулхынгаа урда тээ үнэн сэдьхэлтэнэй тоодо ороод, тэрэнээ баталан отолуулаа. Тиигэжэл Абраһаам отолуулаагүй аад, Бурханда һүзэглэһэнэйнгөө ашаар үнэн сэдьхэлтэн гэжэ тоологдоһон бүхы һүзэглэгшэдэй эсэгэнь болоо.

Коринфынхидтэ 1-дэхи 1:30

Юуб гэбэл, Бурхан лэ таанадые Христоос Иисүүстэй нэгэдүүлээ, Христоосые манай сэсэн ухаан болгоо. Христоосой ашаар бидэ үнэн сэдьхэлтэнгүүд, Бурханай нангин хүнүүд, сүлөөтэй хүнүүд болообди.

Галадуудта 3:16

Харин Абраһаамда, тэрэнэй үридэ Бурхан найдуулга үгөө. Үри хүүгэдтэш гэжэ хэлэгдээгүй, харин үридэшни гэжэ нэгэл хүн тухай хэлэгдээ, тиин тэрэ нэгэнь – Христоос гээшэ.

Галадуудта 3:28

Тиимэһээ мүнөө еврейнүүд, бусад арадуудшье илгаагүй, барлагууд, сүлөөтэйшүүлшье илгаагүй, эрэшүүл, эхэнэрнүүдшье илгаагүй. Таанад булта мүнөө нэгэн адли боложо, Иисүүс Христоостой нэгэдэбэт.

Галадуудта 3:8

Арадуудые этигэлээрнь Бурхан аршалан сүлөөлхэ гэжэ Нангин Бэшэг соо үни гэһээр тунхаглагдаа. Тэндэ Абраһаамда: «Бурхан шамаар дамжуулан, бүхы арадуудые абарха», – гэжэ хэлэгдээ.

Эфесэйхиндэ 1:3

Манай Эзэн Иисүүс Христоосой Эсэгэ болохо Бурханда магтаал соло дуудаял! Маанадай Христоостой нэгэдэһэн ушарһаа дээдын тэнгэриһээ оюун ухаанда хабаатай буян хэшэг Тэрэ маанадта хайрлаа.

Колоссынхидтэ 3:11

Эсэстээ грегүүдэй болон иудейнүүдэй хоорондо, отолуулһан болон отолуулаагүй хүнүүдэй хоорондо, хариин болон зэрлиг зоной хоорондо, барлагуудай болон сүлөөтэй хүнүүдэй хоорондо ямаршье илгаа үгы юм, гансал Христоос бии, тиин бүхы юумэн Христоос, бүхы юумэн соо Христоос байха.

Гэршэлгэ 7:9

Тэрэнэй удаа харахадамни, тооложо барагдашагүй олон зон урдамни үзэгдэбэ. Тэдэ зоной дунда бүхы үндэһэ яһатан, арадууд, угсаатан, янза бүриин хэлэтэй хүнүүд ерээд байгаа һэн. Тэдэ зон хаан шэрээгэй урда, Үргэлэй Хурьганай урда зогсобо. Тэдэнэр сагаан хубсаһа үмдэнхэй, гартаа пальма модоной мүшэрнүүдые баринхай.