Эхин 12:2 - Библи

² Би шамһаа үнэр үдхэн агууехэ арадые бии болгохоб, үреэхэб, шамайе нэрэ хүндэтэй хүн болгохоб, шамаар дамжан хожомой сагта олон зондо баяр баясхалан дахин ушарха.

Бурятский Библия. Отдельные книги Ветхого Завета

² Би шамһаа үнэр үдхэн агууехэ арадые бии болгохоб, үреэхэб, шамай нэрэ хүндэтэй хүн болгохоб, шамаар дамжан хожомой сагта олон зондо баяр баясхалан дахин ушарха.

Эхин 12:2 Referencias Cruzadas

Эхин 13:16

Шинии үри һадаһадые элһэн мэтэ олон болгохоб. Сүл губиин элһэ тоолохын аргагүй мэтэ шинии үри һадаһад тоогүй олон болохо.

Эхин 15:5

Эзэн Абрамые майханһаань гаргаад, иигэжэ айладхаба: – Огторгой өөдэ хара, одо мүшэдые тооло, харин тооложо шадаха гүш? Иимэ олон үри һадаһадтай болохош.

Эхин 17:20

Ишмаһээл тушаа гуйжа байгаашашни һайн хэрэг. Би тэрээнииеш үреэхэб, тэрэнэй угые үнэржүүлхэб, тиигэжэ тэрээндэ олон үри һадаһадые заяахаб. Арбан хоёр удамарша Ишмаһээлһээ гараха: тэрэшни агууехэ арадай эхин удамай эсэгэ болохо.

Эхин 18:18

Уг удамыень бодото дээрээ агууехэ, хүсэтэй арад болгожо, тэдэнээр дамжуулан, орон дэлхэйн бүхы арад зониие буян хэшэгтээ хүртөөхэб.

Эхин 18:19

Үгы, Би нюухагүйб. Абраһаамые Би шэлэн һунгахадаа, тэрэниие өөрынгөө үхибүүдтэ мүн хамаг үри һадаһадтаа Минии зааһан замаар ябаха, хододоо үнэн шударга сэдьхэл түхөөхэ тухай захижа, һургажа байхынь тула шэлээб. Тиимэ ябаа һаань, Би тэрээндэ найдуулһан хамагые бэелүүлхэб.

Эхин 19:29

Энэ тала дайдын хото һууринуудые үгы хэхэдээ, Бурхан Абраһаамые һанаандаа оруулжа, Лоодые абараа.

Эхин 24:1

Эзэн Абраһаамые бүхы үйлэ хэрэгтэнь үршөөн үреэн байба. Үндэр наһатай болоходоо, тэрэ

Эхин 24:35

Минии эзэниие Эзэнэй үреэһэн ушарһаа тэрэ угаа баян хүн боложо, һүрэг олон малтай, алта мүнгөөр элбэг, эрэ, эхэнэр зарасанараар олон, тэмээнүүдтэй, элжэгэнүүдтэй болоо.

Эхин 25:11

Абраһаамай мордоһоной һүүлээр Бурхан тэрэнэй хүбүүн Исаагые үреэбэ. Исаак Бээр-Лахай-Рой, ондоогоор хэлэбэл, «Намайе наһан соом хаража байдаг Эзэнэй булаг» гэдэг газар нютагта ажаһуугаа.

Эхин 26:3

Гэбэшье мүнөө нэгэ хэдыхэн саг эндээ бай. Би шамай хододоо анхаржа, үршөөн үреэжэ байхаб. Ажаһуугааша энэ бүхы орон газарыеш хойшонхи шинии үри һадаһадта үгэнэб. Урдань шинии эсэгэ Абраһаамые найдуулжа үргэһэн тангаригаа бэелүүлхэб.

Эхин 26:4

Би шинии үри һадаһадые огторгойн одод мэтэ олон болгоод, энэ хамаг газар дайда тэдээндэш үгэхэб. Шинии уг удамаар дамжан, бүхы дэлхэйн арад зон Минии үреэл хэшэгтэ хүртэхэ.

Эхин 27:29

Дэлхэйн олон арадууд шамда ажал хэхэнь, урдашни мүргэн һүгэдэхэнь болтогой! Тэрээнһээ гадна аха дүүгээ, түрэл саданаа ши захадан зонхилжо, үри һадаһадшни үеһөө үедэ тэдээндэ хүндэлүүлжэ байхань болтогой! Шамай хараагшадта өөһэдтэнь хараалынь шэнгэг, шамай үреэгшэд өөһэдөө үреэлдэ хүртэг!

Эхин 28:14

Шинии үри һадаһад газарай шорой мэтэ олон боложо, дүрбэн зүгөөр таран һуурижаха. Би шамаар болон уг удамааршни дамжуулан, дэлхэйн арад түмэниие үреэхэб.

Эхин 35:11

Бурхан тэрээндэ үшөө иигэжэ айладхал буулгаа: – Би Түгэс Хүсэтэ Бурхамби. Үри хүүгэдээр үнэр үдхэн боложо, тоо томшогүй олон уг удамтай байхаш болтогой! Шинии уг удамһаа нэгэ ехэ үндэһэ яһатан бии болоод, тэдэнһээ үдэн, хэдэн улас бии болохо. Шинии үри хүүгэдһөө хожомынь олон хаашуул түрэхэ.

Эхин 46:3

Бурхан тэрээндэ иигэжэ айладхаба: – Би болбол шинии үбгэ эсэгын хүндэлдэг Бурхамби. Египет ошохоһоо бү ай. Би тэндэ шинии уг удамһаа агууехэ арад зониие бии болгохоб.

2 Хаан түрэнүүд 7:9

Хаанашье ябахадаш Би шамтай байжа, хамаг дайсадыешни шинии хажууһаа усадхааб. Мүнөө дэлхэйн агууехэ зондол адли шамайе агууехэ болгон, нэрыешни алдаршуулхам.

3 Хаан түрэнүүд 1:47

Тэрээгээр хэрэг дүүрээгүй, түшэмэлнүүд эзэн хаан Давидые бараалхан, «Бурхантнай Соломооной нэрые танай нэрэһээ үлүү алдаршуулан, хан шэрээень бүри дээгүүр үргэхэнь болтогой!» гэжэ хэлээ. Хаан унтари дээрээ мүргэн дохижо,

Иоов 35:8

Гэмтэ ябадалаараа өөртэйгөө адли бусад хүнүүдыел хохирооно бэзэт. Һайн үйлэ хэбэл, хүнүүдтэ туһатай. Харин юртэмсын Эзэндэ энэ бүхэн хамаагүй.

Египедһээ гаралга 1:7

Израильшуудай тоо улам олошоржо, олон болоходоо шадалтай боложо, тэндэхи орон нютагые дүүргэбэ.

Египедһээ гаралга 32:10

Уур хилэнсэгээ дээрэнь адхажа, тэдэниие һүнөөхэм, бү һаад хэ, харин шамайе агууехэ арадай эхи табиһан элинсэгынь болгохоб!

Исай 51:2

Элинсэг эсэгэ Абраһаам, таанадые түрэһэн эхэ Саррые һанаандаа оруулагты. Би Абраһаамай ори ганса, үхи хүүгэдгүй байхадань үреэжэ, үхи хүүгэдые үршөөгөө бэлэйб. Иигэжэ уг удамынь угаа үнэржүүлээ һэм.

Эзэкээл 34:26

Минии нангин хада уулые тойрон ажаһуухат. Хэрэгтэй сагтатнай хура бороо эльгээжэ, таанадые үршөөн үреэн байхаб.

Михей 7:20

Эртэ урда сагта манай элинсэг хулинсагта тангариглан найдуулһанаа бэелүүлжэ, Яковай болон Абраһаамай үри һадаһадта – Өөрын арад зондо Та үнэн сэхэеэ, үршөөл хайраяа бэлэглэхэт.

Захарияа 8:13

Арадуудай дунда Иудын удам, Израилиин уг удам хараал боложо байһые Би үреэл болгожо, таанарые абархаб. Бү айгты, шандааһаяа шангадхан хүсэ шадалаа элсүүлэгты».

Тоололго 14:12

Би тэдэниие үхэлэй ташуураар сохихоб, хумхиин тооһон болгохоб. Эдээнһээ олон, эдээнһээ хүсэтэй арадые шинии удамһаа бии болгохоб.

Тоололго 22:12

Бурхан Балаһаамда: – Ши тэдээнтэй бү яба. Ши тэрэ арадые бү тарнида. Ушар юуб гэхэдэ, тэдэнэр Минии үреэлдэ хүртэнхэй, – гэжэ айладаба.

Тоололго 23:20

Тэрэ арадые үреэ гэжэ Эзэн намда захираа. Эзэн тэдэниие үреэжэ эхилээ. Тэрэнэй үреэлыень би хубилгажа шадахагүйб.

Римэйхиндэ 4:11

Абраһаам һүзэгэйнгөө түлөө үшөө отолуулхынгаа урда тээ үнэн сэдьхэлтэнэй тоодо ороод, тэрэнээ баталан отолуулаа. Тиигэжэл Абраһаам отолуулаагүй аад, Бурханда һүзэглэһэнэйнгөө ашаар үнэн сэдьхэлтэн гэжэ тоологдоһон бүхы һүзэглэгшэдэй эсэгэнь болоо.

Галадуудта 3:14

Иисүүс Христоосоор дамжан найдуулагдаһан Арюун Һүлдые этигэлээрээ тогтоожо абахынь тула Абраһаамай үршөөл хайра мүнөө бүхы арадуудта үгтөө.

Галадуудта 3:7

Абраһаамдал адли Бурханда һүзэглэдэг зон Абраһаамай үри һадаһад гэжэ таанар мэдэжэ байгты.

Хуули дабталга 26:5

Ши Эзэн Бурханайнгаа урда байжа, иигэжэ хэлэхэш: «Үбгэ эсэгэмни нүүдэл байдалтай араам яһанай хүн байгаа. Тэрэ Египет руу ошожо, түбхинөө бэлэй. Ошоходоо, тэрэ нэгэ хэды хүнһөө бүридэһэн гэр бүлэтэй һэн, теэд тэндэ ехээр үдэжэ, агууехэ, хүсэтэй, олон тоото арад тэрээнһээ мүндэлөө.