Ёһээл 3:8 - Библи

⁸ Би таанадай хүбүүд басагадые Иудын арадта худалдахаб, тэдэ дам саашань холын сэбаа угсаатанда худалдаха». Эзэн энээниие айладхаа.

Ёһээл 3:8 Referencias Cruzadas

Иоов 1:15

Гэнтэ шэбаа угсаатан добтолон ерэжэ, малыешни буляажа, ажалшадыеш һэлмэдэжэ алабал. Гансаараа би амиды гаралсажа, шамда дуулгахаяа яаран ерэбэб, – гэбэ.

Псалманууд 72:10

Иимэ зоной хойноһоо арад түмэмни дагана, дүүрэн адхан уһыень уунал!

Исай 60:14

Шамайе дарлагшадай үри һадаһад ерэжэ, бултадаа доро дохин зогсохо. Шамайе хэзээ нэгэтэ үзэн ядагшад хүлэйшни ула хүрэтэр бохиин һүгэдэхэ. Тэдэ шамайе «Эзэнэй хото, Израилиин арюун Бурханай Сион хото гэжэ нэрлэхэ.

Ерэмияа 30:16

Теэд мүнөө таанадые залгигша бүхэн өөрөө залгюулха, дайсадтнай өөһэдөө баряанда орохо, таниие тоногшод өөһэдөө тонуулха, танһаа олзо буляан абагшад өөһэдөө олзолуулагдаха!

Ерэмияа 6:20

Шэбааһаа асардаг гүгэл, алас холо нютагһаа санзай ууюулганууд Намда юуштэб? Тэдэнэй түгэс шатаалта үргэлнүүд Намда хэрэггүй, үргэлнүүдынь Намда зохисгүй.

Эзэкээл 23:42

Тэдэнэй гэртэ элһэн сүл губиин архиншад олоороо үймэржэ, шууяжа байгша һэн. Эдэ зон эгэшэнэрэй гарта бугаагуудые, толгойдонь үзэсхэлэн һайхан титимүүдые үмдэхүүлдэг байгаа.

Эзэкээл 38:13

Шэбаа болон Дэдаанай, мүн тиихэдэ Таршиишэй наймаашад шинии тала бариха. Израильһаа сэрэгэйтнай дээрмэшэлһэн алта мүнгэ, мал, эд зөөриин хуби тэдэ абахаяа һанаха.

Хуули дабталга 32:30

Нэгэ хүн мянган зониие намнажа шадаха гү, хоёр хүн үй түмэниие үлдэжэ бираха гү? Тэдэ мянган зоной Хабсагайн өөһэдыень орхёо гээшэ һаа, Эзэнэй тэдээнһээ арсаа гээшэ һаань, иимэ юумэн ушархал.

Ударидагшад 2:14

Эзэн израильшуудта сухалдаад, тэдээндэ добтологты, тэдэнэй эд зөөрииень тоногты гэжэ оршон тойрон ажаһуудаг арадуудта зарлиглаба.

Ударидагшад 4:2

Тиихэдэнь Эзэн израильшуудые засаглан бариха хүсэ шадал Ханаһаанай хаан Ябиинда үршөөбэ. Ябиин тэрэ үе сагта Хацоор хотодо засаг барижа байгаа. Хароошэт-Хагойиимдэ ажаһуудаг Сисэраа болбол тэрэ хаанай сэрэгэй ноён байһан юм.

Ударидагшад 4:9

Дэбоораа тэрээндэ иигэжэ хэлэбэ: – Би шамтай ошолдохоб. Теэд байлдаанай энэ аян зам шамайе алдаршуулхагүй. Гэбэшье Эзэн Сисэраае эхэнэрэй гарта үгэнэ. Дэбоораа Бараактай суг хамта Кээдэш хото ошобо.