Ёһээл 3:7 - Библи

⁷ Харахат, танай худалдаһан газарһаа тэдэниие бодхоожо, таанадай толгой дээрэ харюуень бусааха гэжэ байнаб.

Ёһээл 3:7 Referencias Cruzadas

Эстээр 7:10

Иигэжэ Мордохайе алахаар бодхооһон үлгүүртэ Һамаан өөрөө үлгүүлэгдэбэ. Энээнэйл удаа одоол хаанай уур сухал номгороо бэлэй.

Исай 11:12

Дэлхэйн найман зүгөөр сүлэгдэн тараагдаһан Израилиин болон Иудын хан түрэнүүдэй улад зониие дахин суглуулан бусаажа байһан тухайгаа үндэһэ яһатанда гэршэлэн харуулхын тула Бурхан дохёо тэмдэг – туг үргэн байха.

Исай 49:12

Минии арад түмэн алас холоһоо, хойто, баруун зүгүүдһээ, урда зүгтэ байгша Египедэй Сиһээнэһээ ерэхэ.

Исай 66:6

Шагныт! Хотоһоо гаража байгаа ехэ шууяан, нангин үргөөһөө гаража байһан дуу шэмээ болбол дайсадаа хэһээжэ байһан Минии, Эзэнэй, дуу шуун гээшэл».

Ерэмияа 23:8

харин Израилиин арад зониие хойто зүгэй орон нютагһаа болон тараагша бүхы оронуудһаа асарһан Эзэнэй амиды мэндэ байһантайл адли баталгаатай гэжэ хэлэжэ байха саг дүтэлөө. Тиигээд тэдэ өөрынгөө газар дээрэ ажаһууха.

Ерэмияа 30:10

Минии зараса Яков, бү ай, Израилиин зон, бү һүрдэ. Баряанда байһан холын нютагһаатнай Би таанадые абархаб. Таанад гэртээ бусажа, амар амгалан ажаһуухат. Таанадые хэншье айлгахагүй.

Ерэмияа 30:16

Теэд мүнөө таанадые залгигша бүхэн өөрөө залгюулха, дайсадтнай өөһэдөө баряанда орохо, таниие тоногшод өөһэдөө тонуулха, танһаа олзо буляан абагшад өөһэдөө олзолуулагдаха!

Ерэмияа 31:8

Үзөөрэйгты, Би тэдэниие хойто зүгтэхи нютагһаа суглуулхаб. Һохор ба дохолон зон, хээлитэй ба үхибүү түрэхэ гэжэ үбдэжэ байһан эхэнэрнүүд тэдэнэй дунда байха. Үй түмэн зон һөөргөө бусаха.

Ерэмияа 32:37

Уур сухал дундаа тараан сасаһан орон нютагуудһаа Өөрын арад түмэниие Би суглуулха һанаатайб. Һөөргэнь энэ газар дайдада бусаажа, амар амгалан байлгахаб.

Эзэкээл 36:24

Арадуудай дундаһаа таанадые суглуулан, өөрынтнай газар руу асархаб.

Эзэкээл 38:8

Хэдэн жэлэй үнгэрөөд байхада һандарһан Израилиин газар дайда руу добтолон орохыетнай Би захирхаб. Удаан сагта тэрэ газар хооһон байгаа, харин мүнөө ажаһуугшадынь хариин оронһоо һөөргөө бусаа. Мүнөө Израилиин арад зон амгалан тайбан өөрын хада уулаар ажаһууна.

Ёһээл 3:4

Тиир, Сидоон ба Пилиштын тойрог Минии хубида юун бэ даа! Таанад үһөө абаха гэжэ байна гүт? Тэрэ үһөөетнай һөөргэнь тархи дээрэтнай буулгахаб.

Захарияа 9:13

Иудые Би Өөрын номо болгон татажа, Эпрааимые һурша болгохоб. Сионой хүбүүдые илдэ болгон далайжа, грек угсаатанда эсэргүү бодхооноб.

Матвей 7:2

Ушарынь хэлэбэл, бусадые яажа зэмэлнэбта, тиигэжэл Бурхан таанадые зэмэлхэ, ямар хэмжээгээр хэмжэнэбта, тиимэл хэмжээгээр танда хэмжэжэ үгэхэ.

Фессалоникиинхидтэ 2-дохи 1:6

Бурханай урда үнэн зүб юумэ бүтэхэнь болтогой: таанадые зобоожо байһан хүнүүд зобохо,

Яковай хандалга 2:13

Ушарынь хэлэбэл, үршөөл хайра үзүүлдэггүй хүниие Бурхан үршөөл хайрагүйгөөр шүүбэрилхэ; тиихэдэ үршөөл хайра зарга шүүбэриһээ дээгүүр үргэгдэхэ.

Гэршэлгэ 13:10

Барисада абтаха хубитай хүн барисада абтаха. Һэлмээр сабшуулжа үхэхэ хубитай хүн һэлмээр сабшуулжа үхэхэ. Бурханай табисуурта арад зон хатуу зоригтой, үнэн шударгы байха ёһотой гэжэ эдэ үгэнүүдһээ элирнэ бшуу!

Гэршэлгэ 16:6

Тэдэнэр Бурханай арадай, лүндэншэдэй улаан шуһа адхаруулаа, тиихэдэнь Та тэдэндэ шуһа уулгажа, тэдэнэй гэмые зүб амсуулаат!

Гэршэлгэ 19:2

Ушарынь хэлэбэл, Тэрэнэй шиидхэбэринүүд үнэн зүб юм! Бүхы газар дэлхэйнхидые зальхайруулһанайнь түлөө аргагүй забхай Янхан эмые Бурхан шүүбэрилэн гэмнээ! Зарасанарайнь шуһа адхаруулһанайнь түлөө Янхан эмые Бурхан хэһээгээ!

Ударидагшад 1:7

Адони-Бээзэг тэдээндэ иигэжэ хэлэбэ: – Би далан хаашуулай хүлэйнь болон гарайнь эрхы хургануудые таһар сабшаа һэм. Минии шэрээ доро мухарин унаһан тэдэ эрхы хургануудые тэдэнэр суглуулаа бэлэй. Мүнөө Эзэн эгээл тэрэ минии хэһэн үйлэ хэрэгээрни намайе хэһээбэ. Тэрэниие Иерусалимда асарба. Тэрэ тэндэ наһа бараа.

1 Хаан түрэнүүд 15:33

Самуил: – Шинии һэлмын эхэнэрнүүдые үхи хүүгэдгүй болгоһондол адли, эхэнэрнүүдэй дундаһаа шинии эхэ хүүгэдгүй болог лэ, – гэжэ дуугарба. Тиигээд Самуил Агаагые Эзэнэй урда Гилгаалда таһа сабшаа һэн.