Ёһээл 3:13 - Библи

¹³ Хадуурнуудаа гаргагты, таряан эдеэшээ. Үзэмэй архиин шахуурганууд дүүрэнхэй, ерээд гэшхэгты. Тэдэнэй муу ябадалынь олиггүй ехэ ушарһаа торхонууд саглажа байна».

Ёһээл 3:13 Referencias Cruzadas

Эхин 13:13

Содомой улад муу аяг зантай зон байгаа, Эзэниие оройдоошье ойндоо оруулдаггүй, хүндэлдэггүй һэн.

Эхин 15:16

Дүрбэн үеын уг удамшни хариин нютагта ажаһууһанай удаа иишээ бусажа ерэхэ. Тэдэнэй эндэ ерэтэр эмоор обог зон энэ газар нютаг эзэлэн ажаһууха. Эдэ зоной доройтоһон ушарһаа Би тэрэ үедэ шинии уг удамай тала хаража, эмоор обогой зониие эндэһээ үлдэхэб. Харин эмоор обогойхидой тиимэ ёро муутай болотор Би мүнөө хүлеэгөөд, һүүлдэнь хэһээлтэ амсуулхаб.

Эхин 18:20

Тиигээд Эзэн иигэжэ айладхаба: – Содом болон Гоморро хотонуудай зоной муухай үйлэ хэрэгүүд хэмһээ хэтэрээ: нүгэл шэбэлынь тэсэшэгүй хүндэ болобо.

Исай 17:5

Израиль орооһо таряанай хуряагдаһан хооһон хубхай талмайдал, таряа хадаһанай удаа Рэпаиимэй хүнды ямар хооһон болоод байдаг бэ – тон тиимэ болоод байхал.

Исай 63:3

Эзэн иигэжэ харюусана: «Би шахуурга соо гансаараа хүдэлөөб, арадуудһаа хэншье Намда туһалаагүй. Би уур сухал дундаа тэдэниие гэшхэхэдээ, шуһаарнь бүхы хубсаһаа муухайдааб.

Ерэмияа 51:33

Халта болоод дайсан тэдэниие хороохо, Вавилооной басаган тээрмэдэ үйрүүлэгдэжэ байһан орооһондол, гэшхэн буталха. Энэ болбол Би, Түмэн Сэрэгтэ Эзэн, Израилиин Бурхан, айладхана мүн!

Гашуудал 1:15

Минии бүхы хүсэтэйшүүлые Эзэн доошонь унагаагаа, залуу хүбүүдым хюдахын тула дайсадые һайндэртэ мэтэ уряа. Иерусалим тортоггүй сэбэрхэн залуу басаган мэтэ бэлэйл, теэд тэрэниие даран шахадаг түхеэрэлгэдэ жэмэс дарадагтал Эзэн няса гэшхэбэ!

Һошээ 6:11

Иудын арад зон, танайшье хюдуулха саг ерэхэ. Израилиин арад түмэнөө баряанһаа Би бусаахаб.

Матвей 13:39

Буртаг үбһэ тариһан дайсан гээшэнь альбан шолмос гээшэ. Хадалан – хамаг юумэнэй эсэсынь, тиин таряа хадагшад – Бурханай Эльгээмэлнүүд гээшэ.

Марк 4:29

Тиин ургасын эдеэшэхэдэ хуряалгын саг боложо, үнөөхи хүн хадуураа баряад хадахаяа гарадаг юм.

Хуули дабталга 16:9

Ургаса хадажа эхилһэн сагһаа хойшо долоо дахин долоон хоногые тоолоорой.

Гэршэлгэ 14:14

Иимэ юумэ харааб: сагаан үүлэн, тэрэнэй дээрэнь Хүн түрэлхитэнэй Хүбүүндэ адлирхуу хүн һууна. Толгой дээрэнь алтан титим, гартаа хурса хадуур баринхай.

Гэршэлгэ 19:15

Арадуудые илан дарахын тула амандаа хурса һэлмэтэй; Тэрэнь бүхы арадуудые түмэр таягаараа ударидан зонхилжо байха. Тэрэ Хамагые зонхилогшо Бурханай ехэ уур сухалай томо тогоон соо үзэмэй жэмэсые низа тэһэ дэбһэнэ.