Ёһээл 2:32 - Библи

³² Эзэнэй нэрэ дуудаһан хүн бүхэн абарагдаха. Ушарынь хадаа Сион хада дээрэ, Иерусалим хотодо абаралга бууха гэжэ Эзэн хэлэнэ. Абарагдагшадай дунда Эзэнэй дуудаһан бусадшье зон байха.

Ёһээл 2:32 Referencias Cruzadas

Эхин 4:26

Шээт хожом хүбүүтэй болоод, тэрээндээ Эноош гэжэ нэрэ үгэбэ. Тэрэ сагһаа эхилэн, зон Эзэнэй нэрэ солынь дуудадаг болоо бэлэй.

Псалманууд 50:15

Гэм буруутай зондо Танай харгы зам заахаб, нүгэлтэйшүүл Тан руу эрьехэл.

Исай 10:22

Далайн элһэндэл адли тоогүй олон зоной Израильда мүнөө байгаашье һаань, оройдоол үсөөхэниинь лэ һөөргөө бусаха. Усадхалга хамагай зүб шүүлгээр тодорхойлогдонхой.

Исай 11:11

Тэрэ үдэр Эзэн хоёрдохёо гараа һунгажа, Өөрын арад түмэнэй үлдөөсые бусааха, Ассириһээ, Египедһээ, Патроосһоо, Күүшһээ, Элаамһаа, Шинаарһаа, Хамаадһаа болон далайн аралнуудһаа асарха.

Исай 11:16

Израилиин зоной Египедэй орон нютагһаа гараһандал адли Ассиридэ амиды мэндэ үлэһэн Тэрэнэй арад түмэндэ һөөргөө бусаха ехэ зам харгы нээгдэхэ.

Исай 4:2

Тэрэ үдэр Эзэнэй мүшэр гоё һайханаар, алдар солоор толоронхой бии болохо, газарай хэшэг Израилиин амиды мэндэ үлэгшэдтэ бахархал, гоо һайханиинь болохол.

Исай 46:13

Би һайн юумэ һаяар хэхэб, тэрэ саг ойртоо. Абарал буулгаха сагни удааржа байхагүй. Би Сиониие абархаб, Израильда нэрэ хүндэ олгуулхаб».

Ерэмияа 31:7

Эзэн иигэжэ тунхаглана: Яковта баяртай шангаар дуу дуулагты, үндэһэ яһатадай эгээл ехыень угтагты. Тунхаглан, иимэ магтаал үргэгты: «Эзэн Өөрынгөө арад түмэниие абараа, үлэһэн бүхы зоноо абараа!»

Ерэмияа 33:3

– Намайе дуудыш, тиихэдэш шамда харюусахаб. Шинии мэдэхэгүй агууехэ, гайхамшаг зүйлнүүдые харуулхаб.

Амоос 9:8

Би, Эзэн Бурхан, Өөрын харасаа энэ нүгэлтэ хан түрэ руу шэглүүлбэб! Газарай хүрьһэнһөө энэ хан түрые үгы хэхэб, гэбэшье Яковай гэр бүлэ усадхахагүйб.

Авдии 1:17

Гэбэшье Сион уулада зондо абарал ерэжэ, тэрэ уула арюун болохо. Яковай удам өөрын зөөри эзэмшэхэ.

Авдии 1:21

Илагшад Сион уула ерэжэ, Эсаавай уулын зониие шүүбэрилхэ, хан түрэ Эзэнэй болохо.

Михей 5:3

Зай, тэрэ удамаршын түрэтэр Эзэн Израилиие орхёод байха. Харин түрэхэдэнь, сүлэлгэдэ байгааша аха дүүнэрынь Израилиин улад зондоо бусаха.

Захарияа 13:9

Үлэгшэ эдэ зон Минии туршалгада оролсохо. Мүнгэ хайлуулдаг гал дундуур тэдэниие гарган туршахаб. Алта тунгаадаг шэнги тэдэниие тунгаажа сэбэрлэхэб. Тиихэдэ тэдэ Намайе дуудаха. Би харюудань «Энэ Минии арад түмэн», – гэжэ айладхахаб. «Эзэн болбол манай Бурхан», – гэжэ тэдэ хэлэхэ.

Иоанн 10:16

Энэ хорёо соохи хонидһоо гадна, мүн ондоошье хонид Намда бии. Тэдэниие Би баһа иишэнь асарха ёһотойб. Тэдэ хонид Минии үгэ дуулаха, тиихэдээ нэгэл һүрэг хонид байха, нэгэл хонишон байха!

Иоанн 4:22

Хэндэ һүзэглэн мүргэдэгөө таанад мэдэнэгүйт, харин бидэ хэндэ һүзэглэн мүргэжэ байдагаа мэдэнэбди: юртэмсэ дэлхэйн абаралга еврейнүүдһээ ерэхэ.

Хэрэгүүд 15:17

Тиихэдэ Минии хүнүүд болохоор дуудуулһан бусад яһатан болон ондоошье улад зон Эзэниие бэдэрхэ. Эртэ урда сагһаа энээн тухай дуулгаһан Эзэн иигэжэ хэлэнэ».

Хэрэгүүд 2:39

Танда, танай хүүгэдтэ болон Эзэнэй, манай Бурханай Өөртөө уряалһан, холууршье байһан хүн бүхэндэ Бурхан найдуулга үгөө, – гэжэ Пётр тэдээндэ харюусаба.

Римэйхиндэ 11:26

Тиигэжэ Израилиин бүхы арад зон абарагдаха. «Сион хадаһаа Абарагша ерэхэ, Яковай үри һадаһадһаа нүгэл шэбэлые зайсуулха.

Римэйхиндэ 11:5

Мүнөөнэйшье сагта тон тиимэ: Бурханай үршөөл хайраар шэлэгдэжэ абтаһан хүнүүд үшөөл бии.

Римэйхиндэ 11:7

Зай, юун болоноб? Израилиин арад зон бэдэрһэн юумэеэ олоогүй. Зүгөөр үсөөхэн лэ Бурханай шэлэжэ абаһан хүнүүд бэдэрээшэеэ олоо, харин бусад зониинь Бурханай уряалые анхараагүй.

Римэйхиндэ 9:24

Бидэ гансал еврейнүүдэй дундаһаа бэшэ, харин бусадшье арадуудай дундаһаа шэлэгдэжэ абтаһан хүнүүд гээшэбди.

Римэйхиндэ 9:27

«Эзэн зарга шүүбэреэ газар дэлхэй дээрэ шуумгайгаар ябуулха. Тиимэһээ Израилиин арад зоной далайн элһэндэл адли тоогүй олон байгаашье һаань, тэдэнэй үсөөниинь абарагдаха», – гэжэ Израилиин арад тухай Исай лүндэншэн айладхаа.

Еврейнүүдтэ 12:22

Таанад Сион хадада, амиды Бурханай хотодо, тэнгэриин Иерусалимда, үй түмэн Эльгээмэлнүүдэй баярай суглаанда ерээт.