Ёһээл 2:23 - Библи

²³ Сионой хүбүүд, хүхюутэй байгты, танай Бурхан, Эзэн бороо үршөөбэ. Урдынхидаал адли хабаршье намаршье хура бороо асаржал байха.

Ёһээл 2:23 Referencias Cruzadas

3 Хаан түрэнүүд 8:36

Та огторгойн уудамһаа Израилиин арад түмэниие, Өөрын зарасанарые дуулажа, нүгэлыень хүлисыт, ябаха арюун харгы замыень заажа үгыт, тиигээд үе дамжан эзэлхэ гэжэ Танай үгэһэн газар дайдадань бороо хура эльгээгыт!

Иоов 33:23

Харин мянган Эльгээмэлнүүдэй дундаһаа үмэглэгшэ нэгэниинь тэрэ хүниие хайрлажа,

Иоов 37:13

Бурханай шиидхэбэреэр нэгэ газарта хайра, нүгөөдэ тээ хэһээлтэ буужа байдаг.

Псалманууд 104:34

Тэрэ айладхаба, таршаа шумуул ерэбэ, тоо томшогүй олон таршаа шумуул бии болобо.

Псалманууд 147:8

Тэрэ Яковта үгэеэ, хуули ба тогтоолнуудаа Израильда тунхагладаг.

Псалманууд 149:2

Израиль өөрын Бүтээгшын урда баясан байг, Сионой хүбүүд өөһэдын Хаанай урда хүхилдэн байг лэ.

Псалманууд 28:7

Эзэнэй дуу хоолой гал сахин гаргадаг.

Псалманууд 32:11

Эзэнэй шиидхэбэри хэтэ мүнхэдөө хубилхагүй, тогтоолынь үеын үедэ байхал.

Псалманууд 84:6

Та маанадта хэтэдээ уурлан байха юм гүт, үеһөө үедэ уур хилэнтнай дамжаха юм аал?!

Һургаал 16:15

Хаанай сэлмэг харасада амидарал бии. Тэрэнэй эбигээл анхарал хабарай бороо мэтэ.

Исай 30:21

Харгы замһаа баруун, зүүн зүгүүд руу хадууран байбал, таанад ара тээһээ Тэрэнэй иимэ абяа дуулахат: «Харгы – тэндэ. Тэрээгүүр ябагты!»

Исай 30:23

Орооһо тариха бүхэндэтнай Эзэн бороо хура эльгэжэ, баян ургаса үршөөхэ. Малтнай һайн бэлшээритэй байха.

Исай 41:16

Таанад тэдэниие һагшажа, һалхин хиидүүлжэ, шуурган тарааха. Тиихэдэнь Минии танай Бурхан байһанда баясажа, Израилиин арюун Бурхан болохо Намайе магтан байхат.

Исай 61:10

Эзэнэй үйлэ хэрэгүүдтэ Иерусалим баясана. Түрэ хуримай хубсаһа үмдэһэн, хадамлагдажа байһан басаганда адлил тэрэ! Бурхан Иерусалимые абаралай болон зүб шударгын хубсаһаар хубсалуулаа.

Ерэмияа 3:3

Тиимэһээл аадар бороо һаатажа, хабарай бороошье ороогүйл. Энээнэйшье удаа ши эшэхэ-гайхахаяа мэдэрээгүйш – нюуршни янхан эхэнэрэй шарайдал адли.

Ерэмияа 5:24

Намһаа айн түбэгшөөхэ тухай бододогшьегүйт. Харин Би намартаа, хабартаа бороо саг соонь эльгээдэгби, жэл бүри таанадта ургасын хаһа үршөөнэб.

Гашуудал 4:2

Шэжэр алтантай адляар үнэлэгдэхэ Сионой эрхим хүбүүд шабарша дарханай бүтээл болохо шабар амһарта мэтэ болобо.

Эзэкээл 34:26

Минии нангин хада уулые тойрон ажаһуухат. Хэрэгтэй сагтатнай хура бороо эльгээжэ, таанадые үршөөн үреэн байхаб.

Һошээ 6:3

Зай, иигээд Эзэниие мэдэхэеэ эрмэлзэдэг болоё. Тэрэнэй залархань үүрэй толон мэтэ яг сагтаа, газар дайдые уһалдаг бороо мэтэ Тэрэ заларжа, маанадые һэргээхэл».

Левит 26:4

Би таанадта саг соонь бороо оруулхаб, газар һайн ургаса үгэхэ, жэмэстэ модод һайнаар жэмэсээ үгэхэ.

Амоос 4:7

Үшөө гэбэл, ургаса хуряаха үе саг болотор гурбан һарын үлөөд байхада Би таанарһаа бороо татаад байгааб. Нэгэ хото руу бороо ябуулжа, нүгөө хото руунь бороо ябуулангүй байгааб. Нэгэ газарта бороо орожо байхада, нүгөө газарта бороо оронгүй, хатаа бэлэй.

Захарияа 10:1

Хабартаа Эзэнһээ бороо гуйгты. Эзэнэй хайраар аадарай үүлэн бии боложо, бороо орохо. Хүн бүхэнэй таряалан дээрэ таряан ургаха.

Захарияа 10:7

Эпрааим хүсэрхэг эрэ боложо, үзэмэй дараһан архи ууһан мэтэ баясаха. Хүүгэдынь энээниие харахадаа хүхижэ, тэдэнэй зүрхэ сэдьхэлые Эзэн баярлан хөөрүүлхэ.

Захарияа 9:13

Иудые Би Өөрын номо болгон татажа, Эпрааимые һурша болгохоб. Сионой хүбүүдые илдэ болгон далайжа, грек угсаатанда эсэргүү бодхооноб.

Захарияа 9:9

Сионой басаган, баярлыш! Иерусалим үхин, илалтын баяр тэмдэглыш! Харыш, номгон даруу шинии хаан эмэ элжэгэ зайдаланхай, тэрэнэй унага – даагыень зайдаланхай, шамда заларжа ерэнэ.

Хэрэгүүд 14:17

Тэрэ үедэ Бурхан дэмбэрэлтэ хэрэгүүдые бүтээн, Өөр тухайгаа гэршэлжэ, тэнгэриһээ хура бороо, үрэжэлтэ сагай уларил хайрлажа, эдеэ хоолоор хангажа, зүрхэ сэдьхэлыетнай баяр баясхалангаар дүүргэдэг байгаа.

Хуули дабталга 11:14

хабарай ба намарай үедэ, юрэдөө, хэрэгтэй сагтань Эзэн танай газарта бороо хура эльгээхэ. Тиихэдэнь таанад таряа талхатай, үзэмэй дараһан архитай, оливын тоһотой байхат.

Хуули дабталга 28:12

Эзэн огторгойн баян һан таанадта нээжэ, хэрэгтэй сагта танай газарта бороо хура эльгээжэ байха, хэһэн хэрэгыетнай бултыень юрөөхэ. Тиихэдэнь олон арад яһатанда урьһаар үгэжэ байхат, харин урьһаар абаха ядуу саг өөһэдтэтнай тохёолдохогүй.

Хуули дабталга 32:2

Багахан дуһалнуудай зүлгэ ногоон дээрэ унаһандал, зөөлэн ногоон дээрэ аадарай адхарһандал, һургаални бороо мэтэ адхарха, үгэнүүдни шүүдэр мэтэ унаха.

Филиппынхидтэ 3:1

Аха дүүнэрни, Эзэнтэй нэгэдэһэндээ баяр жаргалтай байгты гэжэ түгэсхэлдөө хэлэхэ байнаб. Урда бэшэһэн юумээ дахин дабтахадамни намда хүндэ бэшэ, харин таанадта аша туһатай юм.

Филиппынхидтэ 3:3

Тэдэнэр бэшэ, харин бидэнэр жэнхэни «отолуулга» хэһэн зон гээшэбди, юуб гэбэл, бидэ Бурханай Һүлдын ашаар Бурханда мүргэжэ, Иисүүс Христоостой нэгэдэһэндээ бахархан баясанабди. Бидэ бэеын эрхэтэнэй отолуулха ёһололдо найданагүйбди.

Филиппынхидтэ 4:4

Эзэнтэй нэгэдэһэндээ ходо баясажа байгты. Баясагты гэжэ би дахин хэлэнэб.