Ёһээл 2:20 - Библи

²⁰ Хойто зүгһөө ерэһэн угсаатаниие таанадһаа холодуулхаб. Тэдэниие сүл хооһон дайда руу ябуулхаб. Заримашуулынь Дабһата далай тээшэ, нүгөөдүүлынь Дундада далай руу талииха. Эдэ зон ехэ хоро хүргөө, тииһэнэйнгээ түлөө харюусаха. Үхэһэн хүнүүдтэл тэдэ үжэжэ, үмхэй муухай үнэр гутажа захалха».

Ёһээл 2:20 Referencias Cruzadas

4 Хаан түрэнүүд 8:13

Хазаһээл тэрээндэ: – Иимэ муухай хэрэг үйлэдэхэ аалби? Би танай зараса, амин хайрата нохой ха юмбиб… – Эзэн минии зүүдэндэ бии болоо, – гэжэ Элишаа хэлэжэ эхилбэ. – «Шамайе Араамай хаан болгохо» гэжэ Тэрэ намда хэлээ.

Псалманууд 126:3

Харагты, үри хүүхэд болбол Эзэнэй хайрладаг бэлэг, умайн үрэ жэмэс хадаа шагналынь юм.

Египедһээ гаралга 10:19

Эзэнэй баруун зүгһөө шанга һалхи табихадань, таршаа шумуул Хулһата далай тээшэ хиидэжэ һалаба. Египедэй газарта нэгэшье таршаа шумуул үлэбэгүй.

Египедһээ гаралга 8:14

Үхэһэн бахануудые суглуулжа обоолходонь, хаа-хаанагүй үмхэйн үнэр танар гутаба.

Исай 34:3

Алуулһан бэенүүдынь хүдөөлүүлэгдэнгүй, үмхэй үнэр гаргажа хэбтэхэ. Тэдэнэй шуһанда хада ууланууд нэбтэрэн нэбшэн байха.

Эзэкээл 47:18

Зүүн хилэ Хаураан болон Дамааскын хоорондохи хилэһээ эхилээд, Галаад болон Израилиин газарнуудые илган гарагша Иордан голоор зурыха. Тиигээд Тамаар хотын хажууда, Дабһата далай хүрөөд, зүүн хилэ түгэсэхэ.

Амоос 4:10

Египедтэ үйлэдэһэндэл адляар Би таанад руу гай гамшиг эльгээгээб. Залуу зонииетнай Би һэлмээр сабшан усадхааб. Дайсад моридыетнай абаашаа. Үхэһэн сэрэгшэдэйтнай һэенүүдһээ үмхэй муухай үнэр танар хотон хүреэнүүдээртнай таража, таанад тэрээгээр амилан байгаат. Теэд таанар Нам руу эрьеэгүйт. Энэ болбол Би, Эзэн, тунхаглана мүн!

Захарияа 14:8

Тэрэ үдэр амидаралта уһан Иерусалимһаа урдан гаража, хахад уһаниинь зүүн зүгэй далайда, хахад уһаниинь баруун зүгэй тэнгис далай тээшэ урдаха. Урасхалынь үбэл, зун таһалгаряагүй урдаха.

Малаахи 3:11

«Ургасыетнай хорхой шумуул эдихээ болихо, үзэмэй модон жэмэсээ унагаахагүй» гэжэ Түмэн Сэрэгтэ Эзэн айладажа байна.

Хуули дабталга 11:24

Гэшхэһэн газар бүхэнтнай танай болохо – урда зүгэй элһэн сүл губиһаа хойто зүгэй Ливаан хүрэтэр, зүүн зүгэй Евфрат мүрэнһөө баруун зүгэй аяар Дундада далай хүрэтэр танай хилэнүүд нэмжыхэ.