Ёһээл 2:19 - Библи

¹⁹ Эзэн Өөрын арад түмэндэ хандан хэлэхэл: «Би таанарта орооһо таряа, шэнэ ургасын үзэмэй дараһан архи болон олива модоной тоһо эльгээхэ гэжэ байнаб. Таанадта хамаг юумэн элбэг болохо. Бусад үндэһэтэнэй доромжодо таанадые үгэхэгүйб.

Ёһээл 2:19 Referencias Cruzadas

Ерэмияа 31:12

Израилиин арад зон бусажа, Сионой хада ууланууд дээрэ баярлан шууялдаха, Минии үршөөһэн хэшэг болохо орооһо таряанда, шэнэ үзэмэй дараһан архида, оливын тоһондо, мал һүрэгэй түлдэ баярлаха. Сэсэглэжэ байгаа саадтал адли тэдэ боложо, дахин хэзээдэшье доройтохогүй.

Эзэкээл 34:29

Баян хэшэг үгэхыень газарые баадхахаб, тиихэдэм тэдэ үлэсхэлэн хооһон байдалһаа боложо туража үхэжэ байхаяа болихо. Үндэһэ яһатад таанадые шоо үзэхэеэ болихо.

Эзэкээл 36:15

Ондоо арадууд таанадые шоо үзэхэеэ, наадалхаяа болихо. Арад зондоо баян ургаса үршөөн байхат.

Эзэкээл 36:29

Бузарлагша зүйлһөө таанадые аршалхаб, баян ургаса үршөөхэдэм, үлэсхэлэн байдал оройдоошье үзэхэгүйт.

Эзэкээл 36:30

Элбэг-дэлбэг үрэ жэмэс модод үгэг, баян ургаса таряалангууд хэшээг гэжэ Би үршөөхэб. Үлэн хооһон байһандаа арадуудта шоо үзүүлхэгүйт бэшэ.

Эзэкээл 39:29

Израилиин улад зон руу Өөрын Һүлдэ шэнгээн оруулхаб, бэшэ буруу харахаяа болихоб. Энэ болбол Би, Эзэн Бурхан, айладхана мүн!

Һошээ 2:15

Тэрээндэ үзэмэй модоной сэсэрлигыень бусаахаб, найдуулгын тэмдэг болгон Һанаа Зобориин Нюрууе үгэхэб. Тиихэдэм тэрэ тэндэ эдир залуу наһандаал шэнги, Египедэй газар дайдаһаа гараһан үдэртөөл адли, дуу дуулан байхал.

Һошээ 2:21

Тэрэ үдэр Би газар дэлхэйдэ бороо эльгэхыень огторгойдо захирхаб.

Һошээ 2:22

Езрээлэй газарта таряа талха, үзэм, олива ургуулхаб.

Ёһээл 1:10

Таряалан хооһоржо, газар гашуудана. Тариһан таряан һалажа, үзэмэй дараһан архи шэргэбэ, олива модоной шэнэ тоһон хатаба.

Ёһээл 2:24

Таряа сохидог газарта орооһон обоо элбэг болохо, уһан үзэмэй торхо һабанууд шэнэ ургасын үзэмэй дараһан архяар билтарха.

Левит 26:5

Таряа ехээр хуряахат, үзэм жэмэс ехээр суглуулхат, өөрынгөө газар дээрэ ажана тэнюун, садхалан ажаһуухат.

Захарияа 8:12

«Үрэ таряан амархан ургана. Уһан үзэм жэмэслэжэ, газар үрэ ургамалаа дэлгээжэ, тэнгэри уһа шүүдэрээ буулгаха. Энэ бүхы зүйлые үлэһэн зондо эблүүлжэ үгэнэб.

Матвей 6:33

Түрүүшээр Бурханай хаан түрые, Бурханай үнэн зүбые бэдэрэгты, тиигээ һаатнай, бусад бүгэдэ юумэнүүд танда үгтэхэ.

Хуули дабталга 11:14

хабарай ба намарай үедэ, юрэдөө, хэрэгтэй сагтань Эзэн танай газарта бороо хура эльгээхэ. Тиихэдэнь таанад таряа талхатай, үзэмэй дараһан архитай, оливын тоһотой байхат.

Рүүт 1:6

Эзэн Өөрын арад түмэн тушаа анхаралаа табижа, һайн ургаса үршөөнэ гэжэ Наомии Моһаабта байхадаа дуулаба. Тиигээд тэрэ хоёр бэритэеэ хамта тэндэһээ гаража ябахаар зэһэбэ.