Ёһээл 2:12 - Библи

¹² Эзэн айладхажа байна. «Мүнөө нүгэлтэ таанадай уйлаха саг ерээ. Масаг барижа, уйлажа, гашуудажа, бүхы зүрхэ сэдьхэлээрээ Нам тээшэ эрьегты.

Ёһээл 2:12 Referencias Cruzadas

2 Хаан түрэнүүд 24:10

Арад түмэниие тоолоһоной удаа Давид шаналжа, Эзэндэ иигэжэ зальбарба: – Би энэ юумэ хэжэ, ехэ нүгэл үйлэдэбэб. Эзэн, Өөрынгөө зарасын нүгэлые хүлисыт гэжэ мүнөө гуйнаб. Би ухаагүй юумэ хээб.

2 Угай бэшэг 30:6

Иигэжэ хаанай болон түшэмэлнүүдэйнь бэшэгүүдые абанхай элшэд Израилиин болон Иудын газар дайдаар ябажа, хаанай захяа заабаряар иигэжэ хэлэн байба: – Израилиин арад зон, Абраһаамай, Исаагай болон Израилиин Эзэн Бурханда эрьегты! Ассириин сэрэгэй һүүлээр амиды мэндэ үлөөшэ танай зондо Тэрэ тиихэдэ эрьехэл.

2 Угай бэшэг 6:27

Та огторгойн уудамһаа Израилиин арад түмэниие, Өөрын зарасанарые дуулажа, нүгэлыень хүлисыт, ябаха арюун харгы замыень заажа үгыт, тиигээд үе дамжан эзэлхэ гэжэ Танай үгэһэн газар дайдадань бороо хура эльгээгыт!

Эстээр 4:16

– Та мүнөө ниислэл хото Сүүзэдэ байгааша иудейнүүдые бултыень суглуулаад, минии түлөө гурбан хоног юушье эдин уунгүй масаглажа, Эзэн Бурханһаа туһаламжа гуйгты! Тэрэ үедэ бишье зараса эхэнэрнүүдтэеэ хамта мүн лэ эдеэ хоол барингүй байхаб. Энээнэй һүүлээр хэды буруушье юумэ хэжэ байгаашье һаа, би хааниие бараалхан орохоб. Үхэхэ ёһотой һаа, үхүүжэб!

Египедһээ гаралга 33:5

Эзэн Моисейдэ зарлиг болобо: – Израилиин зондо иигэжэ хэлэ: «Таанар үсэд зон байнат, суг ошоо һаа, агшан зуура таанадые усадхажа магадгүйб! Шэмэглэл зүүдхэлнүүдээ бэеһээ тайлагты. Юу хэхэеэ хаража үзэхэб».

Исай 22:12

Түмэн Сэрэгтэ Эзэн Бурханай та бүгэдые таар нэмэрэн, үһэеэ хюһан, гашуудан уйлахые дуудаһаншье һаань,

Исай 58:4

Масаг барихадаа таанад хүсэтэй боложо, хэрэлдэжэ, наншалданат. Иигэжэ масаг баринабди гэжэ байхадатнай Би таанадай гуйлтануудые дуулаха ааламби?

Ерэмияа 3:22

Эзэнһээ буруу хараһан таанад, бусажа ерэгты. Тэрэ таанадые эмшэлжэ, үнэн сэхэ болгохо. Таанад хэлээ бэлэйт: – Харагты, Эзэндэ бидэ эрьехэмнай. Тэрэ манай Бурхан.

Ерэмияа 36:7

Эдэ зон Эзэндэ зальбаржа, муу замһаа эрьежэ магад. Эзэн эдээндэ угаа ехээр уурлан хилгэнтэхэ тухайгаа айладхаа һэм шуу.

Ерэмияа 4:1

Эзэн тунхаглажа байна: – Израиль, хэрбээ ши бусаха гэбэл, Нам руу бусажа ерэ. Хэрбээ ши шүтөөнүүдые Намһаа зайлуулжа, татагасангүй байгаа һаа,

Ерэмияа 4:2

үнэнхэ зүрхэнһөө, зүбөөр, шударгыгаар Минии нэрээр тангариглаха эрхэдэ хүртэхэш. Тиихэдэ бүхы үндэһэн арадууд Минии нэрээр бэе бэеэ үреэдэг болохо, Намайе магтажа байха.

Эзэкээл 33:11

Би амиды мэндэ Эзэн Бурхамби, нүгэлтэй зоной хосорхые хүсэнэ бэшэб, муу ябадалаа орхижо, амиды мэндэ байхыень хүсэнэб. Израилиин улад зон амиды мэндэ байхаяа хүсэбэл, нүгэл хэхэеэ болёод, Нам руу эрьехэ ёһотой.

Даниил 9:3

Тиигээд масаг барин, таар үмдэжэ, үнэһэ шорой дээрээ адхан, Эзэн Бурханда үнэнхэ зүрхэнһөө зальбаран мүргэжэ, өөрынгөө нүгэл мэдэрэн, иигэжэ гуйгааб: – Агууехэ, һүрөөтэ Эзэн! Танда дуратай, ёһо гуримуудыетнай сахидаг зонтой хэлсээгээ хододоо сахин байнат.

Һошээ 12:6

Тиимэһээ ши Бурхандаа буса. Үнэн сэхэ, шударга бай, Бурхандаа хододоо найда!

Һошээ 12:7

Эзэн иигэжэ айладана: «Ханаһаанай зондол адли, Израилиин арад худал шэгнүүрээр зониие мэхэлхэ дуратай байна.

Һошээ 14:1

Минии урдаһаа буһалгаалһанайнгаа түлөө Самари усадхагдаха. Улад зониинь һэлмээр сабшагдаха, нарай нялхануудынь тэһэ хаюулагдаха, хээлитэй эхэнэрнүүдынь хаха зүһэгдэхэ.

Һошээ 6:1

Арад зон зоболон гасаландаа ядажа, иигэжэ хэлэжэ эхилхэ: «Эзэндээ бусая! Тэрэ бидэниие дайраа, тиигээ хадаа аргалжа шадаха; Тэрэ маанадые шархатуулаа, тиигэбэл, шархануудыемнай эдэгээхэ.

Ёһээл 1:13

Санаартан, гашуудалай хубсаһа нэмэрэн уйлагты. Үргэлэй шэрээдэ үйлэ бүтээгшэд орилогты. Гашуудалай таар хубсаһа үмдөөд, һүниие үнгэргэгты. Ушарынь хадаа Бурханай үргөөдэ эдеэн үргэл, үргэлэй үзэмэй дараһан архи үгы болоо.

Захарияа 7:3

Тэдэ Түмэн Сэрэгтэ Эзэнэй үргөөгэй санаартан болон лүндэншэдһээ асууба: «Бидэ Һүмын һандарһан ушараар олон жэлдэ гашуудаһан заншалаараа табадахи һарада гашуудан уйлаха гүбди?»

Захарияа 7:5

– Энэ орон нютагай бүхы арад түмэндэ ба санаартанда хэлэ: «Таанар иигэжэ далан жэлэй туршада табадахи, долоодохи һарануудта масаг барин гашуудахадаа, үнэхөөрөө Минии түлөө масаглана гээшэ гүт?

Малаахи 1:9

«Тэрэниие бидэндэ нигүүлэсхы сэдьхэлээр хандуулхын тулада таанар санаартад Бурханда зальбарагты. Таанадай иимэрхүү үргэлтэй байхада Тэрэ хүлеэн абаха гү?» – иигэжэ Түмэн Сэрэгтэ Эзэн айладана.

Хэрэгүүд 26:20

түрүүн Дамааскынхидтэ, һүүлдэнь Иерусалимай зондо, удаань бүхы Иудейн орон нютагайхинда, һүүлэй һүүлдэ бусад яһатанда нүгэл хэхэеэ болигты, тэрэнээ бодото хэрэгүүдээрээ баталжа, Бурханда хандагты гэжэ уряалааб.

Ударидагшад 2:4

Эзэнэй Эльгээмэлэй эдэ үгэнүүдые дамжуулхадань, тэндэ байһан израильшууд оог хуугай табилдан бархиралдаба.

Ударидагшад 20:26

Тиихэдэнь израильшуудай бүхы сэрэг Бэт-Ээл хото ошобо. Тэдэнэр тэндэ үдэшэ болотор масаглажа, һүмын тахилай шэрээгэй урда уйлалдаад, Эзэндэ түгэс шатаалта болон амгалан байдалай түлөө үргэлнүүдые үргэбэд.

1 Хаан түрэнүүд 7:3

Самуил Израилиин бүхы арад зондо иигэжэ хэлэбэ: – Хэрбээ таанад бүхы ухаан бодолоороо Эзэндэ эрьен хандажа байгаа һаа, өөһэд хоорондоһоо хариин бурхадай болон Аштаартуудай дүрсэнүүдые зайлуулагты, үнэнхэ зүрхэнһөө бэеэ Эзэндэ зорюулагты, гансал Тэрээндэ мүргэгты. Тиихэдэ Эзэн таанадые пилиштүүдэй һабарһаа абарха.

1 Хаан түрэнүүд 7:6

Тэдэ Мицпаада сугларжа, уһа удхан, Эзэнэй урда сасан, тэрэ үдэр масаглан: – Бидэ Эзэнэй урда нүгэл хээбди, – гэбэ. Самуил Мицпаада Израилиин зониие ударидан байгаа.