Ёһээл 2:11 - Библи

¹¹ Эзэн Өөрын сэрэгэй урда дуугаа үгэхэ. Юундэб гэхэдэ, тэрэнэй сэрэг ехэ олон, захирал бэелүүлэгшэнь аргагүй хүсэтэй бэлэй. Эзэнэй үдэр һүр ехэтэй ба аймшагтай. Хэн тэрэ үдэрые тэсэжэ шадахаб?

Ёһээл 2:11 Referencias Cruzadas

Псалманууд 18:14

Һанаашалһан нүгэлнүүдһээм намайе зайлуулыт, богоолыетнай тэдэ бү зонхилог. Тиигэбэл, би гэмгүй боложо, агууехэ нүгэлһөө сүлөө болохоб.

Псалманууд 46:6

Эзэн Бурхан хашхарха дуунай дунда, бүреэгэй абяан доро дээшээ залараа!

Псалманууд 68:18

Өөрын богоолһоо буруу бү харыт, Юуб гэбэл, би зоболондо абтаад байнаб. Түргөөр намда харюусыт!

Исай 13:4

Хада уулануудаар олон зоной хүл үймөөн мэтэ ехэ шууяан дуулдана. Энэ болбол хан түрэнүүд хүнхинэнэ, үндэһэ яһатад хамта сугларна: Түмэн Сэрэгтэ Эзэн сэрэгээ дайнда дуудана!

Исай 42:13

Эзэн сэрэгшэ мэтэ урагшаа гаража, дай үүдхэхээр бэлэн байхал. Байлдаанай дуу шангаар хашхаран, дайсадтаа хүсэ шадалаа элирхэйлхэ.

Исай 7:18

Тэрэ сагай тохёолдоходо, Нилэй эгээл холо углуу тохойһоо аляаһад мэтэ ниидэн ерэхыень Египедэй сэрэгтэ, зүгы мэтэ бөөгнэрэн ерэхыень Ассириин сэрэгтэ Эзэн эшхэрэн, дохёо тэмдэг үгэхэ.

Ерэмияа 25:30

Ерэмияа, ши Минии айладхал бултыень тэдэ зондо дуулга. Тэдээндэ иигэжэ хэлэ: Эзэн огторгойһоо архиржа, нангин үргөөһөө аянгатаха, Өөрын зоной урдаһаа хэрхирхэ. Үзэмэй жэмэс дэбһэжэ байһан хүндэл адли Тэрэ дэлхэйн бүхы улад зоной урдаһаа хашхарха.

Ерэмияа 30:7

Оёо! Тэрэ угаа муу үдэр дүтэлжэ байна. Тэрээндэ адли үдэр үзэгдөөгүй. Энэ болбол Минии улад зоной зоболонгой үе саг, теэд тэдэ амиды мэндэ гарасалдаха.

Ерэмияа 50:34

Харин тэдэнэй Абарагша хүсэтэй, Түмэн Сэрэгтэ Эзэн гэжэ нэрэ хүндэтэй. Тэрэ хэрэгыень хаража үзэхэ, тиигээд амар амгалан байдал газар дэлхэйдэ асарха, гэбэшье Вавилооной улад зониие хүлгөөхэ.

Эзэкээл 22:14

Таанадай урдаһаа тулахадам, зоригтнай мохожо, гараа үргэхэ хүсэ шадалгүй болоод байхат. Би, Эзэн, айладхаа бол заабол бэелүүлхэб!

Ёһээл 1:15

Тэрэ үдэр гасалантай! Эзэнэй үдэр ойрохон байна. Тэрэ үдэр Түгэс Хүсэтэһөө хэһээлтэ ерэхэ.

Ёһээл 1:6

Тоолошогүй олон, ехэ хүсэтэй үндэһэтэн Минии орон нютаг эзэлэн абаба. Шүдэнүүдынь арсаланай һоёо шүдэнүүд мэтэ, үргэниинь эмэ арсаланайхида адли.

Ёһээл 2:1

Сиондо бүреэгээ үлеэжэ, Минии нангин уулада түгшүүрил зарлагты. Эзэнэй үдэр ерэжэ байһан тула хамаг зон шэшэрэгты. Үнэхөөр тэрэ үдэр дүтэлөө.

Ёһээл 2:2

Тэрэ бүрхэг харанхы үдэр уулын оройгоор үүрэй туяагай сасарһан мэтэ амаргүй олон ба агуу хүсэтэй арад түмэн таража байна. Тэрээнтэй тэнсэхэ юумэн урданшье байгаагүй, хойшодоошье олон үедэ байхагүй.

Ёһээл 2:25

Минии эльгээһэн сэрэг – таршаа шумуулай, үтэ хорхойн болон төөлүүрэй эдижэ дууһаһан зоболонто жэлнүүдэй түлөө ашаар харюулхаб.

Ёһээл 2:31

Эзэнэй агууехэ алдарта үдэрэй ерэхын урда тээ наран балартаха, һара шуһан улаан болохо.

Ёһээл 3:14

Шиидхэлэй хүндыдэ зон бөөгнэржэ байна. Ушарынь хадаа Эзэн шиидхэлэй хүндыдэ ойрохон байна.

Ёһээл 3:16

Эзэн Сионһоо нэерэн, Иерусалимһаа дуугаа шангадхаха. Газар тэнгэри шэшэрхэ. Гэбэшье Эзэн арад түмэнэйгөө хорохо газар, Израилиин хүбүүдэй бата тулга болохо.

Амоос 1:2

Амоос иигэжэ хэлээ: Сион хадаһаа Эзэн арсаландал архирха, Иерусалимһаа хоолойнь ханхинан нижаганаха. Хонидой бэлшээринүүд хуурай болон гашуудаха, Кармээл хадын орой шарлан-харлан хатаха.

Амоос 5:18

Эзэниие бараалхаха үдэр тухай һанаашархагшад азагүй! Таанарта юундэ Эзэнэй үдэр хэрэгтэйб? Тэрэ туяа гэрэл бэшэ, харанхы бшуу.

Амоос 5:20

Эзэнэй үдэр тон тиимэ, тэрэ гэрэл туяа бэшэ, харанхы, шэб харанхы мүн!

Авдии 1:15

Ушарынь хадаа Эзэнэй үдэр бүхы үндэһэ яһатанда ойртожо байна: «Шинии үйлэдэһэн үйлэ шам дээрэ үйлэдэгдэхэ. Шинии хэһэн хэрэг тархи дээрэш бууха.

Наум 1:6

Тэрэнэй зэбүүрхэн байхада хэн амиды мэндэ байжа шадахаб? Шатан дүрэлзэжэ байгаа уурыень хэн тэсэхэб? Уур хилэнгынь гал мэтэ дэлгэржэ, хада ууланууд урдань нуран унанал.

Малаахи 3:2

«Гэбэшье Тэрэнэй ерэхэ үдэр хэн тэсэжэ гарахаб? Тэрэнэй үзэгдэхэдэ хэн зогсожо шадахаб? Тэрэ арюудхагша гал мэтэ, сэбэрлэгшэ сабан шэнги юм.

Тоололго 24:23

Тиигээд Балаһаам саашань һургаал үгүүлэлээ үргэлжэлүүлэн, иигэжэ хэлэбэ: – Ай, таанадтай Эзэнэй тулалдахада, таанадай хэн амиды үлэхэб даа?!

Фессалоникиинхидтэ 1-дэхи 4:16

Айладхаһан абяанай гарахада, Бурханай ахалагша Эльгээмэлэй дуу дуулдахада, Бурханай бүреэгэй дуугархада, Эзэн Өөрөө тэнгэриһээ доошоо бууха. Эдэ бүхэнэй болохын урда тээ Христоосто һүзэгтэйгөөр наһа бараһан зон амидырха.

Гэршэлгэ 18:8

Тиимэһээ али бүхы гай аюулнууд: үхэл хосорол, гай гашуудал, үлэсхэлэн зоболон тэрэ эмэдэ гэнтэ буужа ерэхэ даа! Тэрэниие галда шатааха, ушарынь гэбэл, тэрэниие шүүбэрилхэ Эзэн Бурхан угаа хүсэтэй юм.

Гэршэлгэ 6:17

Эдэ Хоёрой айхабтар ехэ уур сухалай үдэр хүрэжэ ерэбэ, тиин тэрэ ехэ уур сухалыень хэн тэсэжэ шадахаб?