Ёһээл 2:1 - Библи

¹ Сиондо бүреэгээ үлеэжэ, Минии нангин уулада түгшүүрил зарлагты. Эзэнэй үдэр ерэжэ байһан тула хамаг зон шэшэрэгты. Үнэхөөр тэрэ үдэр дүтэлөө.

Ёһээл 2:1 Referencias Cruzadas

1 Угай бэшэг 15:28

Бүхы израильшууд шаг шууяа татан, эбэр бүреэ дуугарган, бүреэнүүдэй, хэнгэрэгэй хүгжэм доро, хуур, арфа дээрэ наадан, Эзэнэй хэлсээнэй ханза тэлэн абаашаха замдань дууряан ябаба.

Псалманууд 87:1

[Дуулал. Коорахай уг удамай псалма. Дуунай бүлэгэй хүтэлбэрилэгшэдэ: үлеэдэг хүгжэмтэ зэмсэгэй дууряалга доро, зоболон тушаа хүгжэм. Эзраахай Һэмаанай ирагуу үгэнүүд.]

Египедһээ гаралга 10:14

Египедэй бүхы газар дайдада таршаа шумуул добтолон оробо. Урдань хэзээдэшье үзэгдөөгүй, саашадаашье хэзээшье үзэгдэхэгүй олон таршаа шумуул газар дайдые бүрхөөбэ.

Исай 13:6

Сурхирса уйлыт! Эзэнэй үдэр дүтэлөө! Түгэс Хүсэтэһөө усадхал ерэжэ байна!

Исай 13:9

Аймшагтай уур хилэнгээр бадарһан Эзэнэй хилэнсэгтэ үдэр дүтэлжэ байна. Газар хооһон, ханха зайдан болгохо. Нүгэлтэй зонииень усадхаха!

Исай 2:12

Энэ хадаа бардам ба дээрэлхүү, биб гэһэн хүн бүхэниие панхаруутуулха үдэр – Түмэн Сэрэгтэ Эзэнэй үдэр!

Исай 66:2

Эдэ бүгэдые Би Өөрөө бүтээгээ һэм. Даруу зантай, Намһаа айдаг, үгыем дууладаг зоной талые харахаб.

Исай 66:5

Эзэнһээ айдаг, үгыень дууладаг зон, Тэрэнэй иимэ үгэ шагнагты: «Намда этигэдэг байһандатнай танай арад зоной заримашуул таанадые үзэн ядажа, харшална. Эзэн Өөрынгөө хүсэ шадал харуулаг лэ, таанадые манай хараһаар байтар абараг лэ, баярлахыетнай харахабди гэжэ тэдэ хэлэнэ. Тэдэ эшхэбтэр байдалда орохо!

Ерэмияа 16:10

Шинии эдэ бүхы үгэнүүдые энэ арад түмэндэ дуулгахадаш, тэдэ шамда «Ямар ушарһаа Эзэн маанадта иимэ агууехэ гай тодхор тохоо гээшэб? Бидэ ямар гэм зэмэтэйбибди? Өөһэдын Эзэн Бурханай урда ямар нүгэлтэйбибди?» – гэлдэхэ.

Ерэмияа 16:7

Эхэ, эсэгэеэ, дүтын хүнөө алдаад байгша хүнэй һанаа тэгшэлхын, һамааруулхын тула хэншье тэрээндэ эдеэ хоол дурадхажа, хундага барижа бахагүй.

Ерэмияа 4:5

Иудын улад зондо соносхогты, Иерусалимда дуулгагты, бүхы нютагуудаар бүреэ үлеэн, шангаар хашхаран, иигэжэ хэлэгты: «Сугларагты! Бүхэлэгдэһэн хотонууд руу гүйжэ хороёл!»

Ерэмияа 5:22

Би – Эзэмби. Юундэ Намһаа айнагүйбта? Минии урда юундэ шэшэрнэгүйбта? Би элһэ тэнгис далайда хилэ болгон табяаб. Хэтэ мүнхын тэрэ хизаарые далай гаталхагүй. Долгидынь хэды мушхарбашье, тэрэниие дабажа шадахагүй. Тэдэ хэды шааябашье, хүндэлэн гаража шадахагүй.

Эзэкээл 12:23

Намайе, Эзэн Бурханиие, иигэжэ айладхана гээд тэдээндэ хэлэ: тэрэ зүйр үгые үгы хэхэб, Израиль соо тэрэ бэшэ дуулдахагүй. Тэрэнэй орондо тэдэ иимэ үгэнүүдые дабтадаг болог лэ – «саг ерэжэ, уридшалан хэлээшэ юумэн бэелүүлэгдэжэ эхилбэ!»

Эзэкээл 21:12

Хүнэй үри Эзэкээл, шангаар орилон бархиран бай, тэрэ һэлмэ Минии арад түмэн руу, Израилиин удамаршад руу далайгаатай. Тэдэ үхэхэл! Толгойгоо шаан шаналыш.

Эзэкээл 30:3

Хилэнсэгтэ үдэр дүтэлөө, Эзэнэй хэһээлтэ амасуулха үдэр! Үндэһэ яһатадай хосорхо бүрэнхы саг дүтэлбэ.

Эзэкээл 33:3

Дайсанай ерэжэ байһые обёорходоо, тэрэ бүреэгээр үлеэжэ, улад зониие һэргылхэ ёһотой.

Эзэкээл 33:6

Харин тэрэ харуулшан дайсанай дүтэлжэ байһые хараашье һаа, улад зониие һэргылэн бүреэгээр үлеэбэгүй гэел даа. Дайсанай ерэжэ, нүгэлтэй зонииень алахада, тэдэнэй хосорһондо харуулшан лэ зэмэтэй гээд Би тоолохоб.

Эзэкээл 7:10

Хилэнсэгтэ үдэр ерэхэнь! Хүсэрхэлгэ дэлгэрхэнь! Бардамлаха саг мандахань!

Эзэкээл 7:12

Тэрэ саг ерэхэнь! Худалдажа абааша, худалдаашашье дэмы оролдолго гаргана, юуб гэхэдэ, Бурханай уур хилэн хүн бүхэн дээрэ бууха.

Даниил 6:26

Минии зарлиг иимэ: хан түрымни алишье газар нютагай улад зон Даниилай Бурханһаа айн-шэшэрэн байг лэ. Тэрэ болбол амиды мэндэ, диилдэхэгүй Бурхан мүн, хааншалалгань хэтэ мүнхэ, зонхилолгонь заха хизааргүй.

Даниил 9:16

Эзэмнай! Та зүбта, гэбэшье уур сухалаа, хилэнгээ Иерусалим хотоһоо, нангин хада уулаһаа зайлуулыт. Манай болон үбгэ эсэгэнэрэймнай гэм зэмэй түлөө Иерусалим ба Танай арад түмэн тойроод байгааша арадуудта баһуулна.

Даниил 9:20

Иигэжэ би дуугаржа, мүргэн зальбаржа, өөрын болон арад түмэн Израилиингаа нүгэл наманшалжа, Бурханайнгаа нангин хада уула тушаа гуйлта Эзэн Бурхандаа үргэжэ байбаб.

Һошээ 5:8

Гибаада үхэр бүреэгээр үлеэжэ, һэргылһэн дохёо үгэгты! Рамаада бүреэ дуугаргагты! Бэньямиинэй зон, Бэт-Аавэндэ добтолгын тэмдэг үгэгты!

Һошээ 8:1

Аюулай дохёо үгэгты! Минии арад түмэн Намтай баталһан хэлсээгээ эбдээ, һургаалыем тообогүй. Тиимэһээ Минии газар буланда дайсад бүргэд мэтэ добтолон шуумайха.

Ёһээл 1:15

Тэрэ үдэр гасалантай! Эзэнэй үдэр ойрохон байна. Тэрэ үдэр Түгэс Хүсэтэһөө хэһээлтэ ерэхэ.

Ёһээл 2:11

Эзэн Өөрын сэрэгэй урда дуугаа үгэхэ. Юундэб гэхэдэ, тэрэнэй сэрэг ехэ олон, захирал бэелүүлэгшэнь аргагүй хүсэтэй бэлэй. Эзэнэй үдэр һүр ехэтэй ба аймшагтай. Хэн тэрэ үдэрые тэсэжэ шадахаб?

Ёһээл 2:15

Сиондо бүреэ үлеэгты. Масаг барилгын суглаа зарлагты.

Ёһээл 2:31

Эзэнэй агууехэ алдарта үдэрэй ерэхын урда тээ наран балартаха, һара шуһан улаан болохо.

Ёһээл 3:14

Шиидхэлэй хүндыдэ зон бөөгнэржэ байна. Ушарынь хадаа Эзэн шиидхэлэй хүндыдэ ойрохон байна.

Ёһээл 3:17

«Тиихэдэ таанад Намайе Өөрын нангин уулада оршодог таанадай Бурхан, Эзэн мүн гэжэ мэдэхэ болохот. Иерусалим арюун боложо, хойто үедэ хари хүнүүд тэрэниие дайран үнгэрхэеэ болихо.

Амоос 3:6

Хото соо бүреэ үлеэхэдэ, зон шэшэрэлдэхэгүй юм гү?! Хото соо гай тодхор тохёолдобол, тэрэниие Эзэн хэһэн бэшэ юм гү?!

Амоос 5:18

Эзэниие бараалхаха үдэр тухай һанаашархагшад азагүй! Таанарта юундэ Эзэнэй үдэр хэрэгтэйб? Тэрэ туяа гэрэл бэшэ, харанхы бшуу.

Амоос 8:2

Тэрэ: – Юу харанаш, Амоос? – гэжэ асууба. – Эдеэшэһэн жэмэс араг соо байна, – гэжэ харюусабаб. – Минии арад түмэн Израилиин хэһээлтэ амасаха сагынь тулаа! Би бэшэ тэдэниие хүлисэхэгүйб, – гэжэ Эзэн намда айладаа бэлэй.

Авдии 1:15

Ушарынь хадаа Эзэнэй үдэр бүхы үндэһэ яһатанда ойртожо байна: «Шинии үйлэдэһэн үйлэ шам дээрэ үйлэдэгдэхэ. Шинии хэһэн хэрэг тархи дээрэш бууха.

Цэпаанияа 1:14

Эзэнэй агууехэ үдэр ойртоо! Ойртоод, угаа хурдан ерэжэ байна. Эзэнэй үдэрэй абяан лэ! Баатар сэрэгшэшье тэндэ сурхирса уйлахал!

Цэпаанияа 1:16

Энэ хадаа бүхэлэгдэһэн хотонуудта болон үндэр самхагуудта добтолон орогшо сэрэгэй үхэр бүреэгэй дуугарһан болон шанга хашхараанай үдэр болохо юм.

Цэпаанияа 1:7

Эзэнэй зарга шүүбэриин үдэр дүтэлөө, тиимэһээ Эзэн Бурханай хажууда абяа аниргүй байгты! Өөрын арад түмэнөөр тахил хэхэеэ Эзэн бэлдээд байна, Иудые һандарган дээрмэшэлхээр ямар дайсадые урихаб гэжэ Тэрэ тодорхойлоо.

Цэпаанияа 3:11

Тэрэ үе сагай ерэхэдэ, таанар, Минии арад түмэн, урдаһаам буһалгаалан хэрэг ябуулхагүйт, эшхэбтэр юумэ хэхэгүйт. Үгы һаатнай, Би таанарай дундаһаа бардам, дээрэлхүү зантай зониие зайлуулхаб, Минии арюун нангин хада уула дээрэ таанар бардамлан ябахаа болихот.

Захарияа 14:1

Эзэнэй үдэр дүтэлжэ байна. Таанарһаа буляан абтаһан олзо хото соотнай хубаагдаха.

Захарияа 8:3

Түмэн Сэрэгтэ Эзэн иигэжэ айладана: «Би Сион руу эрьежэ, Иерусалимай дунда оршохом. Тиигээд Иерусалимые Үнэнэй Хото гээд нэрлэхэ, Түмэн Сэрэгтэ Эзэнэй хадые Нангин хада уула гэжэ дуудадаг болохо».

Малаахи 4:1

«Харагты, хэрэг шүүлгын үдэр ерэхэнь гээшэ, тэрэ халааһан зууха шэнги халуун байха. Омог бардам хүнүүд хуу хэһээгдэхэ, муу үйлэ хэгшэд һолоомон шэнги шатаха. Тэдэнһээ мүшэршье, үндэһэншье үлэхэгүй», – гэжэ Түмэн Сэрэгтэ Эзэн айладажа байна.

Тоололго 10:2

– Ши өөртөө хоёр мүнгэн бүреэ хэбтэ шудхан хүүлэ. Тэдэш улад зоноо ерүүлхэдэшни, хотон хүреэнүүдээ хуряажа, аянда гарахадашни туһалха.

Тоололго 10:3

Хоёр бүреэгээрээ утаар татан үлеэхэдэшни, майхан һүмын үүдэндэ ниитэ бүхы уладшни сугларха.

Коринфынхидтэ 1-дэхи 14:8

Дохёо үгэдэг бүреэгэй тодо бэшэ абяануудые гаргадаг байбалнь, хэн тулалдаанда бэлдэхэ байгааб?

Филиппынхидтэ 2:12

Инаг хайрата нүхэдни, таанадтайгаа суг байхадамни, үгыемни ходо дууладаг һэнта. Теэд мүнөө хажуудатнай үгы байхадамни, бүришье һайнаар үгыемни дуулажа байха ёһотойт. Гүйсэд абарагдахын тула һүрдэн һүгэдэн ажаллажа байгты.

Фессалоникиинхидтэ 1-дэхи 5:2

Эзэн ерэхэдээ, һүниндөө гэтэжэ ороһон хулгайшандал хүлеэгөөгүй байхада ерэхэ гэжэ таанад өөһэдөө яһала һайн мэдэнэт.

Яковай хандалга 5:8

Таанадшье тэдэ таряашанда адли ехэ тэсэбэритэй байгты, зоригоо бү алдагты. Эзэнэй заларжа ерэхэ үдэр ойртоод байна.

Пётрой 1-дэхи хандалга 4:7

Бүхы юумэнэй эсэс ойртожо байна. Тиимэһээ һэргэлэн байгты, бэеэ баригты, тиигэбэл зальбарха аргатай байхат.

Гэршэлгэ 6:17

Эдэ Хоёрой айхабтар ехэ уур сухалай үдэр хүрэжэ ерэбэ, тиин тэрэ ехэ уур сухалыень хэн тэсэжэ шадахаб?