Египедһээ гаралга 3:2 - Библи

² Тэндэ аһажа байһан үүргэнын һөөг сооһоо Эзэнэй Эльгээмэл тэрээндэ үзэгдэбэ. Гайхал ехэ, үүргэнын һөөг бургааһан гал дүлөөр соробхилжо байһан аад, шатажа дууһаха хэбэргүй байба.

Египедһээ гаралга 3:2 Referencias Cruzadas

Эхин 21:17

Ишмаһээлэй бархиржа эхилхэдэ, Бурхан дуулаба, тиигээд Эльгээмэл огторгойһоо Һагаарые ооголбо: – Юун болооб, Һагаар? Бурхан хүбүүнэйшни бархирхые соносоо, зоболонгыень хараа, тиимэһээ бү ай!

Эхин 22:11

Эзэнэй Эльгээмэл огторгойһоо ооголбо: – Абраһаам! Абраһаам! – Биб! – гэжэ тэрэ харюусаба.

Эхин 48:16

Намайе ёро муухай хүсэнһөө хамгаалжа байһан Эльгээмэл эдэ хоёр хүбүүдые үреэхэнь болтогой! Минии нэрые эдэ хоёр хүбүүд залгамжалан абажа, үбгэ эсэгэнэр болохо Абраһаамай, Исаагай нэрэнүүдые уламжалан абажа ябахань болтогой! Эдэ хүбүүдэй үри һадаһадынь үй түмэн болохонь болтогой!

Египедһээ гаралга 19:18

Эзэнэй гал мэтээр буухада, Синай хада пеэшэн шэнги утаа гараад, доһолжо эхилбэ.

Египедһээ гаралга 23:20

Харагтыл даа, Би танай урда Эльгээмэлээ эльгээхэм. Тэрэ таанадые замдатнай һахижа, Минии бэлдэһэн газарта абаашаха.

Египедһээ гаралга 24:17

Уулын оройдо соробхилһон гал мэтэ Эзэнэй һүр соло Израилиин зондо үзэгдөө бэлэй.

Египедһээ гаралга 3:16

Ошо, Израилиин аха захатаниие суглуула. Тэдээндэ иигэжэ дуулга: таанадай эсэгэнэрэй, Абраһаамай, Исаак ба Яковай Бурхан болохо Эзэн намда ерэжэ, иигэжэ айладаал: «Би Египедтэ ямар байдалтай байһыетнай харабаб.

Исай 43:2

Уһа гаталхадаш Би шамтай байхаб. Гол мүрэнөөр гарахадаа шэнгэхэгүйш. Гал дундуур ябаашье һаа, шатахагүйш. Элдэб гай гасалангууд шамайе дайрахагүй.

Исай 63:9

Бүхы зоболонһоо Тэрэ тэдэниие абараа. Тэнгэриин Эльгээмэл бэшэ, Өөрөө Эзэн тэдэниие абараа һэн. Өөрын хайраар, үршөөлөөр Тэрэ тэдэниие абараа. Үнгэрһэн сагуудта Тэрэ хододоо тэдэниие үргэн, һанаагаа табин ябаа һэн.

Даниил 3:27

Түшэмэлнүүд, амбан ноёд, хэрэг эрхилэгшэд, хаанай бусад тушаалтад сугларжа, гал дүлэн эдэ зониие яагаашьегүй – толгойнь үһэн шатаагүй, хубсаһа хунарынь тэрэл зандаа, утаанайшье үнэргүй байһыень ойлгон хараба.

Захарияа 13:7

Түмэн Сэрэгтэ Эзэн иигэжэ айладхана: Эритэ илдэ, Минии хони адуулагшада, Намда дүтын болохо хүндэ эсэргүү бодон таһа сабшыш! Хонишонииень дайража һалгаахадаш, һүрэг хонидынь тарашаха. Би мутараа хорхойдо хорогүй хурьгадта эсэргүү эрьюулхэм.

Малаахи 3:1

«Харагты, шинии ябаха харгы бэлдэхыень би уридшалан Өөрынгөө Эльгээмэлые ябуулнаб. Таанарай бэдэрдэг Эзэн гэнтэ Өөрын Һүмэдэ ерэхэ болоно. Таанарай баярлан хүлеэһэн хэлсээнэй Эльгээмэл, харагты, Тэрэ ерэжэ байна» гэжэ Түмэн Сэрэгтэ Эзэн айладажа байна.

Марк 12:26

Зай, саашань үргэлжэлүүлбэл, үхэһэн зоной амидырха тухай таанад Моисейн номдо уншаагүй аалта? Шатажа байһан һөөг бургааһан сооһоо Бурхан Моисейдэ: «Би Абраһаамай Бурхан, Исаагай Бурхан, Яковай Бурханби», – гэжэ хэлээ һэн.

Лука 20:37

Тиин Моисейшье шатажа байһан һөөг модон тухай туужа соогоо үхэһэн хүнүүдэй амидырха тухай батална. Ушарынь юуб гэбэл, Моисей Эзэниие Абраһаамай Бурхан, Исаагай Бурхан, мүн Яковай Бурхан гэжэ нэрлэнэ ха юм.

Иоанн 1:14

Үгэ хадаа хүн боложо түрөөд, бидэнэй дунда амидаржа байгаа. Эсэгэ Бурханай ори ганса Хүбүүниинь үршөөл хайрын ба үнэн зүйлэй бэелэл байжа, бидэндэ һүр шадалаа харуулаа.

Римэйхиндэ 8:3

Манай нүгэлтэ мүн шанарһаа боложо Хуулиин бүтээжэ шадаагүй юумые Бурхан бүтээбэ. Тэрэ Хүбүүгээ нүгэлтэ маанадтайл адли бэетэйгээр нүгэлнүүдэймнай түлөө тахил болгон эльгээжэ, бэеэрнь манай нүгэлнүүдые гэмнэн шүүбэрилээ.

Хуули дабталга 33:16

хүрьһэтэ газарай хэшэгые, дээрэнь байгааша бүхы юумэ Иосифто Тэрэ үгэхэ, дүрэжэ байһан бургааһан соо харагдагша Эзэнэй үреэл аха дүүнэрэй дунда шалгарагша Иосифой обогто хүртэхэ.

Хуули дабталга 4:20

Таанадые Эзэн түмэр зууха сооһоо абажа гаргаһандал, Египедһээ абаран гаргаа. Өөрын арад түмэн болгохын тула. Энэнь бэелээ.

Фессалоникиинхидтэ 2-дохи 1:7

харин зобожо байһан таанад, мүн бидэ, баясахабди. Эзэн Иисүүсэй һүр хүсэтэй Эльгээмэлнүүдтэйгээ тэнгэридэ аһажа байһан гал соо харагдахадань, Бурхан эдэ бүхэниие бэелүүлхэ. Бурханиие буруушааһан хүнүүдые, Һайн Мэдээсэлыень баримталдаггүй хүнүүдые Эзэн Иисүүс хэһээхэ.

Ударидагшад 13:13

Эзэнэй Эльгээмэл тэрээндэ иигэжэ харюусаба: – Минии хэлэһэн тэдэ бүхы юумэнүүдһээ һамганшни һэргылэг.