Эфесэйхиндэ 5:6 - Библи

⁶ Хооһон үгэтэй хүнэй мэхэ гоходо бү орогты, ушарынь гэхэдэ, Бурхан тиимэ юумэнүүдэй түлөө үгыень дууладаггүй хүнүүд дээрэ уур сухалаа буулгаха.

Шэнэ Хэлсээн

⁶ Хооһон үгэтэй хүнэй мэхэ гоходо бү орогты, ушарынь гэхэдэ, Бурхан тиимэ юумэнүүдэй түлөө үгыень дууладаггүй хүнүүд дээрэ уур сухалаа буулгаха.

Эфесэйхиндэ 5:6 Referencias Cruzadas

4 Хаан түрэнүүд 18:20

«Ши хооһон үгэ хэлэнэш! Харин дайлалдаанда хүсэн, дүй дүршэл хэрэгтэй! Ши хэндэ найдан, минии урдаһаа эсэргүүсэн бодобош?

Ерэмияа 27:9

«Таанад Вавилооной хаанай мэдэлдэ бү орогты» гэжэ хэлэдэг лүндэншэдөө, үзэлшэдөө, зүүдэ тайлбарилагшадаа, эди шэдитэнээ, эльбэтэйшүүлээ бү дуулагты.

Ерэмияа 29:31

Вавилоондо баряанда байгааша бүхы зондо Шэмаяа тухай иимэ мэдээсэл дуулгахыемни захираа: – Би, Эзэн, Нэхэлаамай Шэмаяа гэгшые, тэрэнэй уг удамые хэһээхэб. Би тэрэниие эльгээгээгүйб, теэд тэрэ таанадтай лүндэншэ мэтээр хөөрэлдөө, таанадые худал юумэндэ этигүүлээ. Тиимэһээ тэрэ үри хүүгэдгүй байха. Намда эсэргүүсэн номлоһонойнгоо түлөө тэрэ улад зондоо Минии хэхэеэ байһан һайн һайхан юумэнүүдые харахагүй. Энэ болбол Би, Эзэн, айладхана мүн!

Ерэмияа 37:9

Би, Эзэн, таанадые һэргылнэб: «Вавилооной сэрэг һөөргэлхэгүй гэжэ өөһэдыгөө мэхэлжэ бү байгты, тэдэ заабол бусаха.

Михей 3:5

Эдилгэ үгэдэг зондо амгалан тайбаниие худал найдуулжа, эдилгэ үгэдэггүй зондо дайн дажар болохо гэжэ һүрдөөжэ байгааша худалша лүндэншэд арад зониием мэхэлнэ. Эзэн эдэ лүндэншэдтэ иигэжэ айладхана:

Матвей 24:24

Өөһэдыгөө Бурханай табисуурта гү, али лүндэншэн гэжэ нэрлэһэн олон мэхэшэд бии болохо. Тэдэ аргатайл һаа, Бурханай шэлэжэ абаһан хүнүүдыешье өөрынгөө мэхэдэ оруулхын тула элдэб янзын гайхамшагта тэмдэгүүдые, эди шэди харуулха.

Матвей 24:4

Иисүүс тэдэндэ харюусаба: – Хэн нэгэнэй мэхэдэ орохоһоо болгоомжолжо байгты.

Марк 13:22

Өөһэдыгөө Бурханай табисуурта гү, али лүндэншэн гэжэ нэрлэһэн олон мэхэшэд бии болохо. Тэдэ аргатайл һаа, Бурханай шэлэжэ абаһан хүнүүдыешье өөрынгөө мэхэдэ оруулхын тула элдэб янзын гайхамшагта тэмдэгүүдые, эди шэди харуулха.

Марк 13:5

– Хэн нэгэнэй мэхэдэ орохоһоо болгоомжолжо байгты.

Римэйхиндэ 1:18

Нүгэлтэ болон бузар муухай юумэнүүдые үйлэдэжэ, үнэн зүбые даража байһан хүнүүдтэ ехэ уур сухалтай байһанаа Бурхан тэнгэриһээ харуулна.

Колоссынхидтэ 2:18

Үзэл үзэдэг хадаа бусад хүнүүдһээ дээгүүрби гэдэг хүнүүд, даруу зантай байһан хэбэр үзүүлдэг хүнүүд, Эльгээмэлнүүдтэ шүтэдэг хүнүүд шагналыетнай бү буляаг лэ. Тиимэ хүнүүд ехэ ухаатайб гэжэ дэмы һайрхана. Үнэндөө тэдэнэр тэнэгүүд юм.

Колоссынхидтэ 2:4

Хэдышье һайн гэжэ һанагдаһан хуурмаг үгэнүүдээр таанадые хэнэйшье хорхойтуулхагүйн, һамааруулхагүйн тула эдэ бүгэдые хэлэжэ байнаб.

Колоссынхидтэ 2:8

Христоосһоо бэшэ, харин замбуулиниие захирһан хүсэнүүдһээ, хүнүүдэй хөөрэдэг үльгэрнүүдһээ эхи абадаг дэмы хооһон, хуурмаг үгэнүүдэй эльбэдэ абтаад, богоолшолуулхаһаа һэргылэгты.

Колоссынхидтэ 3:6

Тиимэ юумэнүүдые үйлэдэдэг, мэдэлдэнь ородоггүй хүнүүдые Бурхан хэһээхэ.

Фессалоникиинхидтэ 2-дохи 2:3

Таанадые хэншье, ямаршье аргаар бү мэхэлэг. Бурханда эсэргүүсэһэн һүүлшын үймөөнэй болотор, һүйдхэл асардаг харата хүнэй элиртэр тэрэ Үдэр ерэхэгүй.

Еврейнүүдтэ 13:9

Тиимэһээ элдэб янзын һургаалнуудһаа зайсан, үнэн зүб замаар ябагты. Эдеэ хоол тухай гуримуудые сахихые бү оролдогты, тэдэ гуримууд тэдэниие сахиһан хүнүүдтэ ямаршье аша туһагүй байгаа, харин Бурханай хайра үршөөлөөр сэдьхэл зүрхэнтнай бэхижэбэл һайн гээшэ.

Еврейнүүдтэ 3:19

Этигэл һүзэггүй байһанайнгаа түлөө тэдэ хүнүүдэй Бурханай амаруулха гэһэн орондо орожо шадахагүй байһыень бидэ харабабди.

Пётрой 1-дэхи хандалга 2:8

хүнүүдэй бүдэрдэг шулуун, хүнүүдэй торожо унадаг шулуун болоо. Һайн Мэдээсэлдэ этигэдэггүйл хадаа тэдэнэр бүдэржэ байна. Тэдэнэр тиимэ табилантай.

Иоаннай 1-дэхи хандалга 4:1

Инаг хайрата аха дүүнэрни, али бүхы һүлдэнүүдтэ бү этигэгты, Бурханһаа эльгээгдэһэн һүлдэнүүд гү гэжэ шалгагты, юундэб гэбэл, худал хуурмаг лүндэншэд газар дэлхэй дээрэ олон болошонхой.