Эфесэйхиндэ 5:3 - Библи

³ Таанад Бурханай хүнүүд юм хадаа зальхайралга, бэлиндэлгэ, али хомхойролго гэхэ мэтын юумэнүүд тухай өөһэд хоорондоо хэлэхэ, хүндэхэшье ёһогүйт.

Шэнэ Хэлсээн

³ Таанад Бурханай хүнүүд юм хадаа зальхайралга, бэлиндэлгэ, али хомхойролго гэхэ мэтын юумэнүүд тухай өөһэд хоорондоо хэлэхэ, хүндэхэшье ёһогүйт.

Эфесэйхиндэ 5:3 Referencias Cruzadas

Псалманууд 10:3

Һууриин һандаргагдаад байхада зүб шударга хүн юу хэжэ шадахаб даа.

Египедһээ гаралга 18:21

Угсаатан соогоо хүндэтэй зониие – Бурханһаа түбэгшөөдэг, үнэн сэхэ, эдилгэ абадаггүй хүнүүдые – шэлэжэ, мянганай, зуунай, табинай, арбанай дарганар болгожо таби.

Египедһээ гаралга 20:17

Хүнэй гэр байра буляаха гэһэн хүсэлдэ бү абта, хүнэй һамганда, хүнэй богоол шэбэгшэндэ, сар элжэгэндэ, хүндэ байһан ямаршье юумэндэ бү һанаашарха.

Египедһээ гаралга 23:13

Айладаһан бүгэдыем сахиха ёһотойт. Ондоо бурхадай нэрэ бү дурдагты, хэлэ амандатнайш тэдэ бү орог.

Һургаал 28:16

Ухаагаар дутуу удамаршын дарлалга бүришье ехэ. Хомхой сэдьхэлээр олдоһониие үзэн ядадаг хүнэй үдэр хоногуудынь ута болохо.

Ерэмияа 22:17

Теэд ши гансал өөрынгөө аша туһа харанаш. Гэм зэмэгүй зониие аланаш, зониие харшалан, дарлан байнаш.

Ерэмияа 6:13

Ушарынь гэхэдэ, хүн бүхэн, бага, ехэ хамаагүй, гансал ашаг олзодо шунанхай. Лүндэншэһөө эхилээд, санаартан хүрэтэр бултадаа зониие мэхэлнэ.

Ерэмияа 8:10

Тиимэһээ Би һамгадыень бусад зондо, тэдэнэй таряалангуудые шэнэ эзэдтэ үгэхэб. Юуб гэбэл, тэдэ бултадаа, бага, ехэгүй, ашаг олзо олохо гэжэ шунанхай. Лүндэншэнһөө эхилээд, санаартан хүрэтэр зониие мэхэлнэ.

Эзэкээл 33:31

Тиигээд тэдэ сугларан шамда ерэжэ, хэлэһыешни шагнана, гэбэшье соносоһоноо дүүргэнэгүй. Гансал үгэнүүд. Харин өөһэдөө тэдэ ашаг олзын түлөө мэхэлхэдээ һэншье гэхэгүй.

Левит 15:18

Хэрбээ эрэ хүн эхэнэртэй хэбтээд, ехээр үрэһэеэ гараа һаа, тэрэ бэеэ угааха ёһотой, үдэшэ болотор тэрэ бузартай байха.

Михей 2:2

Тэдэ таряаланда һанаашархабал, хүсэ хэрэглэн, буляажа абана, гэр байрада обтобол, саб байса абана, хүниие, гэр хогшолыень, уг залгамжалан дамжуулдаг зөөри зөөшыень хуряажа абана юм.

Тоололго 25:1

Израильшуудай Шиттиимдэ тогтон байрлажа, хотон хүреэнүүдээ табяад, тэндэ ажаһуужа байха үедэнь эрэшүүлынь Моһаабай басагадтай танилсажа, һальхай ябадал хэжэ эхилбэ.

Матвей 15:19

Ушарынь юуб гэбэл, зүрхэнһөөтнай хара һаналнууд түрөөд, таанадые алаха, эрэдээ гү, али эхэнэртээ урбаха, забхай зальхай ябадал гаргаха, хулгай хэхэ, бусадые хардаха, муушалха гэхэ мэтын дорой хэрэгүүдтэ түлхидэг юм.

Лука 12:15

– Алибаа юумэндэ шунахаһаа өөһэдыгөө һэргылжэ, болгоомжолжо ябагты. Хүнэй жэнхэни ами наһан эд зөөриһөө дулдыдадаг бэшэ, тиихэдэ хэды шэнээн баян бардам байһантнай ямаршье хамаагүй юм.

Лука 16:14

Энэ хэлээшыень фарисейнүүд дуулаба. Тэдэ алта мүнгэндэ ехэл дуратай хадаа Иисүүсые наада бариба.

Хэрэгүүд 15:20

Харин онгонуудта үргэжэ бузарлагдаһан хоол барихыень, забхайрхыень, боожо алаһан амитадай мяха, шуһа амсахыень хориһон бэшэг бэшэжэ, тэдээндэ эльгээхэ ёһотойбди.

Хэрэгүүд 20:33

Би алта мүнгэ, хубсаһа хунар өөртөө олзолхоёо огто һанаагүйб.

Римэйхиндэ 1:29

Тиимэһээл тэдэнэр нүгэл шэбэлдэ унаһан, зальхай забхай ябадалтай, алта мүнгэндэ шунаһан, хара һанаатай зон. Тэдэнэр атаархадаг, аладаг, хэрүүл ама гаргадаг, худалаар хэлэдэг, харата ааша гаргадаг, хүниие хардадаг,

Римэйхиндэ 16:2

Тэрэниие Бурханай хүнүүдтэ зохихо ёһоор Эзэнэй нэрээр угтажа абаарайгты, хэрэгүүдтэнь өөһэдынгөө зүгһөө шадалаараа хамһалсажа байгаарайгты. Тэрэ эхэнэр намдашье, бусадшье олон зондо ехэ туһа хүргөө юм.

Римэйхиндэ 6:13

Бэеынгээ алишье эрхэтэниие нүгэлдэ хүтэлхэ хуурмаг ябадалай зэбсэг бү болгогты. Зүгөөр үхөөд амидырһан зондол адляар өөһэдыгөө Бурханда зорюулан, бэеынгээ алишье эрхэтэниие Бурханай хэрэглэхэ зүб ябадалай зэбсэг болгогты.

Коринфынхидтэ 1-дэхи 10:8

Тэдэнэй зариманиинь янхараад, нэгэ үдэр соо хорин гурбан мянган хүн үхөө. Тиимэһээ бидэ тэдээндэл адли янхарха ёһогүйбди.

Коринфынхидтэ 1-дэхи 5:1

Таанадай дунда забхайралга ушарна, нэгэнтнай хойто эхэтэйгээ орёолдоно гэһэн һураг минии һонорто хүрэбэ. Тиимэ бузар забхайралга бусад арадуудайшье дунда ушараа гэжэ дуулдаагүй.

Коринфынхидтэ 1-дэхи 6:13

Эдеэн ходоододол орохын тула байдаг, харин ходоодо хоол барихын тула юм гэжэ зарим хүнүүд хэлэхэ. Гэхэдэ Бурхан али алинииеньшье үгы болгохо. Махабад бэе ташаяан хурисалай тулада бүтээгдээ бэшэ, харин Эзэндэ алба хэхээр бүтээгдээ, тон тиигэжэл Эзэншье бэеые хаража анхаржа байдаг.

Коринфынхидтэ 1-дэхи 6:18

Ташаяан хурисалһаа зайсажа байгты. Хүнэй үйлэдэдэг бусад нүгэлнүүд бэеые ехэ гэмдэ оруулдаггүй, харин янхаржа байһан хүн өөрынгөө бэеые ехэл гэмдэ оруулна.

Коринфынхидтэ 2-дохи 12:21

Дахинаа таанадта ошоходомни, таанадай урда намайе Бурхамни эшээхэгүй аал, тиин урдань нүгэл шэбэлдэ унаад, хэһэн бузар муухай ябадалнуудаа, зальхайралга забхайралгаяа, ташаяан хурисалаа орхижо гэмшээгүй хүнүүд тухай би шаналан уйлахагүй аалби гэжэ айн болгоомжолноб.

Эфесэйхиндэ 5:12

Нюусаар хэгдэжэ байһан тэрэ хэрэгүүд тухай хэлэхэдэшье эшхэбтэр юм.

Эфесэйхиндэ 5:5

Зальхайржа, бэлиндэжэ, али алта мүнгэндэ шунашаһан ямаршье хүн (алта мүнгэндэ шунаһан байдал онгондо мүргэһэндэл адли) Христоосой болон Бурханай хаан орониие залгамжалхагүй юм гэжэ таанад мэдэхэ ёһотойт.

Филиппынхидтэ 1:27

Эдэ бүгэдэндэ нэмэжэ хэлэбэл, таанад Христоос тухай Һайн Мэдээсэлэй һургаһан ёһоор амидарха ёһотойт. Тиимэһээ таанадта ошоно гүб, али ошонгүй байна гүб, таанад булта нэгэ зорилготой, Һайн Мэдээсэлэй һүзэгэй түлөө һанал нэгэн тэмсэнэт гэжэ дуулаһайб.

Колоссынхидтэ 3:5

Таанад досоотнай хүдэлдэг дэлхэйн хүсэлэнгүүдые: эрэдээ гү, али эхэнэртээ урбалта, забхайралга, шунал, нүгэлтэ хүсэлэнгүүд, онгонуудта шүтэхэтэй сасуулагдама хомхойрол гэхэ мэтын юумэнүүдые һүнөөхэ ёһотойт.

Фессалоникиинхидтэ 1-дэхи 4:3

Бурхан таанадые забхай бэшэ, харин гэгээн хүнүүд байхыетнай хүсэнэ.

Фессалоникиинхидтэ 1-дэхи 4:7

Бурхан бидэниие забхайралдахыемнай бэшэ, харин арюун гэгээнээр амидархыемнай уряалаа юм.

Тимофейдэ 1-дэхи 2:10

харин шажан Бурханда зорюулһан эхэнэрнүүдтэл зохихо үлзытэй һайхан үйлэ хэрэгүүдээр өөһэдыгөө шэмэглэжэ байхыень хүсэжэ байнаб.

Тимофейдэ 1-дэхи 3:3

архиншан бэшэ, дошхон зангүй, номгон даруу зантай, эб найрамдалда дуратай, алта мүнгэ тоодоггүй,

Тимофейдэ 1-дэхи 6:10

Хамаг муу муухай юумэн алта мүнгэндэ шунаһанһаа болодог. Алта мүнгэндэ шунаад, зарим хүнүүд этигэлээ алдаа, өөһэдыгөө тон ехээр туляагаа.

Тимофейдэ 2-дохи 3:2

Хүнүүд бэеэ дээгүүр абанхай, алта мүнгэндэ шунанхай, омог бардам зантай, хорон үгэтэй, эхэ эсэгынгээ үгые дууладаггүй, хүнэй аша туһые харюулдаггүй, Бурханда шүтэдэггүй,

Тидтэ 1:11

Тэдэнэй амые хааха хэрэгтэй: тэдэ мүнгэ олохо гэһэн эшхэбтэр зорилготойгоор хэрэггүй юумэндэ һургана, гэр бүлэнүүдые Христоосһоо холодуулна.

Тидтэ 1:7

Ушарынь юуб гэхэдэ, һүзэглэгшэдэй бүлгэмэй хүтэлэгшэ Бурханда алба хэдэг, Тэрэнэй эрхилэгшэ ушарһаа ямаршье гэмгүй байха зэргэтэй. Тэрэ омог бардам зан гаргадаггүй, уур сухалаа хүрэдэггүй, архидадаггүй, дошхордоггүй, алта мүнгэндэ шуналгүй,

Тидтэ 2:3

Наһатай эхэнэрнүүдые Бурханиие хүндэлдэг хүнүүдтэл адляар ажамидаржа байхыень һургаарай. Тэдэнэр хүниие бү хардаг, үзэмэй дараһан архинда бү орог, һайн юумэндэ һургажа байг,

Еврейнүүдтэ 12:16

Ууган хүбүүнэй эрхые нэгэ бариха хоолоор худалдажархидаг забхай, тиихэдэ Бурханһаа холодоһон Эсаавтай адли хүн таанадай дунда бү байг.

Нүүнэй Иисүүс 7:21

олзын дунда нэгэ һайхан Шинаарай хубсаһа, хоёр зуун шээкэл мүнгэ, табин шээкэл жэнтэй монсогор алта харааб. Эдэ бүгэдые һайхашаагаад абааб; эдээниие майхан соогоо газарта булааб, мүнгэ доронь нюугааб.

Пётрой 1-дэхи хандалга 5:2

Таанадта даалгагдаһан Бурханай һүрэгые адуулжа байгты. Баалалтаар хэжэ байһан мэтэ бэшэ, харин сэдьхэлээрээ энэ хэрэгые бүтээжэ байгты. Олзо олохо зорилготойгоор бэшэ, харин оролдосотойгоор алба хэжэ байгты.

Пётрой 2-дохи хандалга 2:10

Илангаяа энэнь бэеынгээ харата хүсэлэнгүүдэй мэдэлдэ байдаг, Бурханай эрхэ засагые тоодоггүй хүнүүдтэ хабаатай. Тэдэ убайгүй, һэшхэлгүй хуурмаг һургагшанар огторгойншье хүсэнүүдые доромжолхоёо айдаггүй.

Пётрой 2-дохи хандалга 2:14

Тэдэнэй нюдэдынь ташаяан хүсэлэнгөөр дүүрэнхэй, тэдэ нүгэл хэжэ бэеэ ханахагүй. Тулгагүй ахир хүнүүдыел зангадаа оруулдаг. Сэдьхэлынь хомхолзожо һуршанхай. Тэдэнэр үхэхэл табилантай юм.

Пётрой 2-дохи хандалга 2:3

Тэдэ хомхой хуурмаг һургагшад, зохёоһон үльгэрнүүдээ таанадта хөөрөөд, нилээн олзо өөһэдтөө олохо. Гэхэтэй сасуу хэһэн хэрэгүүдэйнь түлөө хэһээлтэ үни гэһээр бэлэн хүлеэжэ байна, тэдэнэй үхэлынь удахагүй.

Гэршэлгэ 2:14

Теэд таанадые зэмэлхэ зарим юумэн Намда бии: Балаһаамай һургаалые баримталагша хүнүүд таанарай дунда байдаг. Балаһаам хадаа Израилиин зониие нүгэл шэбэлдэ оруулха, хуурмаг бурхануудта үргэһэн эдеэнһээ амсуулха, зальхай һамуу ябадалтай болгохо тухай Балаак хааниие һургаа һэн.

Гэршэлгэ 2:21

Нүгэл шэбэл үйлэдэхэеэ болихынь тула тэрэ эхэнэртэ саг гаргажа үгөөб, теэд нүгэл шэбэлээ тэрэ орхихо дурагүй байна.

Гэршэлгэ 21:8

Аймхай дүүлэгэрнүүд, Иисүүстэ һүзэглэдэггүй хүнүүд, бузар муухай нүгэл хэгшэд, алууршад дээрмэшэд, зальхай ябадалтан, эльбэ хэгшэд, онгондо шүтэгшэд, элдэб худалшад гал, хүхэрөөр дүлэтэн носогшо нуур руу хаюулха. Энэнь хоёрдохи үхэлгэ мүн.

Гэршэлгэ 22:15

Теэд нохосууд, эди шэдитэн, зальхай забхай ябадалтан, алуурша этэгээдүүд, онгонуудта шүтэгшэд, худал хуурмаг ябадалда дуратайшуул, тиимэ юумэ хэгшэд – хотын гадаа тээ үлэхэ.

Гэршэлгэ 9:21

Бусад үлэһэниинь хүнүүдые аладаг, хюдадаг, эльбэ шэди үйлэдэдэг, забхай зальхай ябадал гаргадаг, хулгай худал хэдэг ябадалаа орхёогүй байһаар.

1 Хаан түрэнүүд 8:3

Харин хүбүүдынь эсэгынгээ замаар ябаагүй, эдилгэ тээшэ эрьежэ, бэлэгүүдые абан, ёһо гурим хазагайруулдаг байба.