Эфесэйхиндэ 5:26 - Библи

²⁶ Һайн мэдээсэл номнон, уһаар мэтэ үгөөрөө сэбэрлэн, һүзэглэгшэдэй бүлгэмые Бурханда зорюулхын тула Христоос ами наһаяа үгөө.

Шэнэ Хэлсээн

²⁶ Һайн мэдээсэл номнон, уһаар мэтэ үгөөрөө сэбэрлэн, һүзэглэгшэдэй бүлгэмые Бурханда зорюулхын тула Христос ами наһаяа үгөө юм.

Эфесэйхиндэ 5:26 Referencias Cruzadas

Эзэкээл 16:9

Уһа абажа, шамайе шуһанһаа сэбэрлээб, оливын тоһо толгойдош түрхеэб.

Эзэкээл 36:25

Сэбэр уһаар таанадые сүршэхэб, онгонуудые зайсуулхаб, иигэжэ муу муухай бузарһаа һалахат.

Левит 14:11

Тиигээд арюудхагша санаарта тэрэ арюудхагдажа байһан хүниие эдэ юумэнүүдтэйнь Эзэнэй үмэнэ майхан һүмын үүдэнэй дэргэдэ байлгаха.

Левит 16:30

Юундэб гэхэдэ, энэ үдэр таанадые арюудхана, Эзэнэй үмэнэ сэбэр байхынтнай түлөө таниие бүхы нүгэл хилэнсэгһээтнай сагааруулна.

Левит 8:6

Тиигээд Моисей Аһароониие хүбүүдтэйнь ерүүлээд, уһаар угаалга хэбэ.

Захарияа 13:1

Тэрэ үдэр Давидай гэр бүлынхидтэ, Иерусалимай оршон һуугшадта шэнэ булаг урдаха. Тэрэ булаг нүгэл наманшалхын ба бузар арилгахын түлөө дэлбэрхэ.

Иоанн 13:10

– Угаагдаһан хүнэй хүлыень лэ угааха хэрэгтэй – тэрэ хүн арюун сэбэр байна ха юм. Мүн таанаршье арюун сэбэр хүнүүд гээшэт, зүгөөр бултадаа арюун сэбэр бэшэт, – гэжэ Иисүүс харюусаба.

Иоанн 15:3

Минии дуулгаһан Үгын ашаар таанар сэбэр болобот.

Иоанн 15:8

Минии Эсэгын алдаршахын тула таанар ехэ ургаса асархат, Минии шабинар болохот.

Иоанн 17:7

Намда Танай үгэһэн бүхы юумэн Танай юм гэжэ одоол тэдэ ойлгоо.

Иоанн 3:5

– Би шамда үнэниие хэлэнэб: уһанһаа, Һүлдэһөө түрэһэн хүн лэ Бурханай хаан орондо орожо шадаха!

Хэрэгүүд 22:16

Тиихэдээ юундэ удааржа байнабши? Бодоод, Эзэнэй нэрэ алдарые дуудан, уһаар арюудхуулаад, нүгэл шэбэлээ арилга».

Римэйхиндэ 10:8

Юундэб гэбэл, «Бурханай үгэ шамтай хамта байна, хэлэ амандашни, зүрхэ сэдьхэлдэшни оршоно». Эгээл тэрэ мэдээсэлые бидэ таанадта номнонобди.

Коринфынхидтэ 1-дэхи 6:11

Танай заримантнай урдань тиимэл нүгэлтэн байгаа. Гэхэдээ таанад нүгэлнүүдһээ арилгагдаһан, Бурханда зорюулагдаһан, Эзэн Иисүүс Христоосой ба манай Бурханай Һүлдын ашаар Бурханай урда сагааруулагдаат.

Коринфынхидтэ 2-дохи 11:2

Би Бурхандал адляар таанадта һанаагаа табинаб. Таанадые хүнэй гар хүрөөгүй, арюун басагандал мэтэ гансал хүндэ, Христоосто хадамда үгэхэ гэжэ үгөө үгэһэн байнаб.

Эфесэйхиндэ 6:17

Абаралгые дуулгадал адляар, Бурханай үгые Һүлдын үгэжэ байһан һэлмэдэл адляар абагты.

Колоссынхидтэ 3:16

Христоосой һургаал ажамидаралайтнай гол хүтэлэгшэнь болог лэ. Бэе бэеэ ухаатайгаар, бодомжотойгоор һургажа, заабарилжа байгты. Бурханда баяр хүргэн, псаломууд, магтаалнууд, арюун нангин дуунуудые дуулажа байгты.

Тидтэ 2:14

Христоос маанадые бузар муухай нүгэлнүүдһээмнай аршалан, мэдэлдэнь байдаг, үлзытэй хэрэгүүдые хэхэ гэжэ зүдхэдэг сэбэр арад болгохын тула Өөрыгөө бидэнэй түлөө үргөө.

Еврейнүүдтэ 10:10

Иисүүс Христоосой Бурханай эрхэ хүсэл бэелүүлэн, Өөрынгөө бэеые нэгэтэ болон хэтын хэтэдэ үргэл болгон асарһан хадань бидэ булта нүгэлнүүдһээн мултаран арюудхагдаабди.

Еврейнүүдтэ 10:14

Нүгэлнүүдээ арилгажа байһан хүнүүдые Христоос нэгэ үргэлөөрөө хэтын хэтэдэ эрхим түгэс болгоо.

Еврейнүүдтэ 10:22

Тиимэһээ үнэн сэдьхэлтэйгээр, дүүрэн һүзэг этигэлтэйгээр, бузар һанал бодолнуудһаан сэбэрлэгдэһэн зүрхэ сэдьхэлтэйгээр, сэбэр уһаар угаагдаһан бэетэйгээр Бурханай ойро ошоёл.

Еврейнүүдтэ 10:29

Зүгөөр Бурханай Хүбүүндэ зэбүүрхэдэг, өөһэдыень нүгэлнүүдһээнь арилгаһан Бурханай хэлсээнэй шуһые нангин гэжэ тоодоггүй хүнүүд, үршөөл хайрын Һүлдые доромжолдог хүнүүд тэрээнһээ долоон доро хэһээлтэдэ хүртэхэ ёһотой!

Еврейнүүдтэ 13:12

Тиимэһээ Иисүүсшье арад зоноо шуһаараа арюудхахын тула хотоһоо гаргуулан саазалуулаа.

Еврейнүүдтэ 4:12

Бурханай үгэ амиды ба хүсэтэй юм, хоёр талаһаан хурсалуулагдаһан ямаршье эриһээ хурса. Тэрэнь һүнэһэ һүлдэ хоёрой уулзалта, бүридэл болон уураг тархи, алишье юумэн хүрэтэр хүрэдэг. Тэрэ зүрхэнэй хүсэлэн ба бодолнуудые шиидхэжэ байдаг.

Еврейнүүдтэ 9:14

Христоосой шуһан бузарнуудыень бүрин түгэс арилгадаг. Тэрэ мүнхын Һүлдөөр дамжуулан Өөрыгөө Бурханда үргөө. Тэрэнэй шуһань сэдьхэлыемнай үхэлдэ хүргэдэг хэрэгүүдһээ арилгаад, амиды Бурханда алба хэхэ аргатай болгохо.

Яковай хандалга 1:18

Бурхан Өөрынгөө һайн дураар үнэн зүб мэдээсэлэй ашаар бүхы зохёон бүтээгдэһэн юумэнүүдэйнгээ дээжэнь болгохын тула маанадые мүндэлүүлээ.

Пётрой 1-дэхи хандалга 1:2

Иисүүс Христоосой үгэ дуулажа, шуһаарнь сэбэрлүүлхын тула таанад Эсэгэ Бурханай эрхэ мэдэлээр шэлэгдэжэ абтаһан байгаат, Тэрэнэй Арюун Һүлдын ашаар арюудхагдаат. Бурханай үршөөл хайра, амгалан тайбан та бүхэнтэй элбэг дэлбэг байхань болтогой.

Пётрой 1-дэхи хандалга 3:21

Тиигэжэ уһанһаа абарагдаһаниинь мүнөө бидэниие абаржа байдаг уһан арюудхалай бэлгэ тэмдэг болоо. Уһан арюудхалга бэеын муухайе арилгана бэшэ, харин Иисүүс Христоосой амидыралгын ашаар һайн һайхан сэдьхэл үршөөхыень Бурханһаа гуйна.

Пётрой 2-дохи хандалга 1:9

Харин иимэ шанаргүй хүнүүд холо харадаггүй һохорнууд юм: урданайгаа нүгэлнүүдһээ аршалагдаһанаа мартажархидаг.

Иоаннай 1-дэхи хандалга 5:6

Тэрэ бидэндэ уһа шуһан хоёрой ашаар ерээ. Тэрэмнай Иисүүс Христоос мүн. Иисүүс уһанһаа гадна, уһа шуһан хоёртой хамта ерээ. Энээниие Арюун Һүлдэ гэршэлнэ, яахадааб гэбэл, Арюун Һүлдэ үнэн бодото зүйл мүн.

Иудын хандалга 1:1

Эсэгэ Бурханай хайра дурада хүртэһэн, Иисүүс Христоосой харьяалда байһан Бурханай дуудаһан хүнүүд аа, таанадые Иисүүс Христоосой зараса, Яковай дүү Иуда амаршална.