Эфесэйхиндэ 4:25 - Библи

²⁵ Тиимэһээ худал юумэ хэлэхэеэ болёод, дүтынгөө хүндэ хүн бүхэнтнай үнэниие хэлэжэ байг, ушарынь хэлэхэдэ, бидэ бултадаа нэгэ бэеын эрхэтэнүүд гээшэбди.

Шэнэ Хэлсээн

²⁵ Тиимэһээ худал юумэ хэлэхэеэ болёод, дүтынгөө хүндэ хүн бүхэнтнай үнэниие хэлэжэ байг, ушарынь хэлэхэдэ, бидэ бултадаа нэгэ бэеын эрхэтэнүүд ха юмди.

Эфесэйхиндэ 4:25 Referencias Cruzadas

3 Хаан түрэнүүд 13:18

– Би тандал адли лүндэншэ гээшэб. Эльгээмэл Эзэнэй үгэ намда дамжуулан, «тэрэниие гэртээ оруулжа, эдеэ хоол, унда таби» гэжэ айладхаа юм, – гэжэ үндэр наһатай лүндэншэ хэлэбэ. Гэбэшье тэрэ худалаар хэлээ.

Псалманууд 15:2

Би Эзэндэ хэлэнэб: «Та бол минии Эзэн, минии һайн һайхан – гансал Танһаа!»

Псалманууд 52:3

Юумэ ойлгодог, Бурханиие бэдэрдэг хүн бии гү гэжэ мэдэхэеэ Бурхан тэнгэриһээ зон руу харана.

Египедһээ гаралга 23:7

Гэмгүй хүниие гэмтэн болгожо, нүгөө талаһаа зүб гэмнэгшэ хүниие буруутан болгожо, үхэлдэ хүргэхэгүйн тулада худалаар гэмнэлгэ бү дэмжэ. Хоро һанагшада гэмыень Би амасуулхаб!

Һургаал 12:17

Мэдэхэеэ хэлэдэг хүн үнэниие хэлэдэг, хуурмаг хүнэй гэршэнь мэхэ байдаг.

Һургаал 12:19

Үнэншын үгэ мүнхэ наһатай, худалшын үгэ агшан зуура үгы болодог.

Һургаал 12:22

Эзэн худалшаһаа зэбүүсэдэг, үнэниие хэлэгшэ Тэрэнэй талархалда хүртэдэг.

Һургаал 21:6

Худалша хэлээр баялиг олохо ябадал хооһон һалхи намналга, үхэлэй занга бэдэрэлгэ мүн.

Һургаал 24:28

Шалтаггүй дүтын хүндэ эсэргүү гэршэлжэ болохогүй. Шинии аманда мэхэ бү байг.

Һургаал 6:17

ехэрхүү хараса, худалша хэлэн, гэмгүй хүнэй шуһа урадхуулдаг гарнууд,

Һургаал 8:7

Би үнэниие үгүүлдэгби. Харин худалһаа минии урал аман зэбүүсэдэг.

Исай 63:8

Эзэн иигэжэ айладхаа: «Тэдэ Минии арад түмэн гээшэ, Намайе мэхэлхэгүй». Тиигээд Тэрэ тэдэниие абараа бэлэй.

Исай 9:15

Толгойнь хадаа үндэр наһатайшуул ба ноёдынь, һүүлынь хадаа худал хуурмаг лүндэншэд болоно.

Һошээ 4:2

Хараал, мэхэ гохо, алалта, хулгай ба забхай зальхай ябадал угаа дэлгэрээ. Шуһа урасхуулха ябадал хойно хойноһоо болоно.

Левит 19:11

Хулгай бү хэгты, худалаар бү хэлэгты, бэе бэеэ бү мэхэлэгты.

Захарияа 8:16

Таанарай хэхэ юумэн иимэ. Нэгэ нэгэндээ үнэниие хэлэгты. Үнэн сэхээр хэрэг шүүгты. Шүүлгэтнай амар амгалангай түлөө байгуужаг.

Захарияа 8:19

Түмэн Сэрэгтэ Эзэн иигэжэ айладажа байна: Дүрбэдэхи, табадахи, долоодохи, арбадахи һарануудта гашуудалай масагай үдэрнүүд таанарта бии. Гашуудалай эдэ үдэрнүүд Иудын уг удамда баяр баясхалантай, хүхюутэй һайхан һайндэрнүүд болог. Гансал үнэниие, амар амгалангые хайрлагты.

Иоанн 8:44

Таанарай эсэгэ шолмос, тиимэһээ эсэгынгээ бүхы дура хүсэлыень бэелүүлхэ зорилготойт. Танай эсэгэ анханһаа нааша хүнүүдые аладаг, үнэн зүйлые үзэжэ ядадаг байһан, ушарынь хэлэбэл, тэрээндэтнай үнэн зүйл гэжэ байгаагүйл. Худал юумэ хэлэхэдээ, тэрэтнай өөрынгөө түрэлхи хэлэн дээрэ дуугардаг һэн, юундэб гэбэл, худалша, худал юумэ үүдхэгшэ байһан байна.

Римэйхиндэ 12:5

Тон тиигэжэл бидэ олоншье байһан мүртөө бултадаа Христоостой хамта нэгэ бэе болонобди, тиин бидэ нэгэ бэеын ондо ондоо эрхэтэнүүдтэл адли бэе бэетэйгээ холбоотойбди.

Коринфынхидтэ 1-дэхи 10:17

Хилээмэн ори ганса юм, тиимэһээ ори ганса хилээмэ хубаалсажа байхадаа, бидэ олоороо ганса бэе гээшэбди.

Коринфынхидтэ 2-дохи 7:14

Би тэрэнэй урда таанадаар бахархааб, тиин таанадшье намайе эшээжэ улайлгаагүйт. Бидэ таанадта ходо үнэн зүбые хэлэдэгбди, тон тиигэжэл мүнөө Титэй урда таанадаар бахархаһан ябадални үнэн зүб юм.

Эфесэйхиндэ 4:15

Тиигэхын орондо хайра дураар дүүрэжэ, үнэн сэхые хэлэжэ байбал, бидэ толгой болохо Христоосто алишье талаһаа ойртон ургахабди.

Эфесэйхиндэ 4:22

Тэрээнһээ иимэ юумэндэ һураат: хуурмаг хүсэлэнгүүдээрээ өөһэдыгөө һүнөөн, урданайхяараа амидархаяа болигты.

Эфесэйхиндэ 4:31

Гомдохо голхорхоёо, хорон үгэнүүдые хэрэглэхэеэ, уур сухалаа хүрэхэеэ, хэрүүл гаргахаяа, хардахаяа, бусадшье эдэ мэтын харата муухай юумэ үүсхэхэеэ огтолон болигты.

Эфесэйхиндэ 5:30

Юундэб гэхэдэ, бидэнэр Христоосой бэеын эрхэтэнүүд гээшэбди.

Колоссынхидтэ 3:8

Харин мүнөө таанад уурлахаяа, галзуугаар сухалдахаяа, хорлохоёо, Бурханиие муушалхаяа, муухай үгэнүүдые хэлэхэеэ, эдэ мэтын муухай юумэнүүдые үйлэдэхэеэ болигты.

Колоссынхидтэ 3:9

Бэе бэедээ худал юумэ хэлэхэеэ болигты, таанад урданайгаа ажамидаралые заншалнуудтайнь хамта орхёо гээшэт.

Тимофейдэ 1-дэхи 1:10

зальхай ба ташаяан ябадалтай зондо, хүнүүдые хулуудаг, худал юумэ хэлэдэг, хуурмаг гэршэлгэ үгэдэг зондо, үнэн зүб һургаалда зохихогүй элдэб юумэ хэдэг зондо зорюулагданхай гэжэ һанажа байха хэрэгтэй.

Тимофейдэ 1-дэхи 4:2

Тэрэ хуурмаг һургаал халуун түмэртэ хайруулжа, һэшхэлээ алдаһан билдагууша худалшадай оролдолгоор тараха.

Тидтэ 1:12

Криидүүдэй дундаһаа нэгэ шүлэгшэн: «Криидүүд булта худалшад, зэрлиг арьяатан, залхуу, эдимэр хүнүүд», – гэжэ хэлэһэн байгаа.

Еврейнүүдтэ 12:1

Маниие тойроод үүлэндэл мэтэ олон гэршэнэр байна. Тиимэһээ бидэ замдамнай һаатуулжа байһан бүхы юумэнүүдһээ, тиихэдэ бидэниие амарханаар хүлижэрхидэг нүгэлһөө сүлөөлэгдэжэ, урдамнай байһан, бидэндэ заяагдаһан замаар ябаял.

Яковай хандалга 1:21

Элдэб янзын забхай зальхай, нүгэлтэ юумэнүүдые үйлэдэхэеэ болёод, зүрхэ сэдьхэлдэтнай һуулгагдаһан, таанадые абарха аргатай мэдээсэлые зосоогоо тогтоожо байгаарайгты.

Пётрой 1-дэхи хандалга 2:1

Худалаар хэлэхэеэ, нүгэл хэхэеэ болигты, хүнэй нюур бү харагты, хүндэ бү атаархагты, худалаар бү гэршэлэгты.

Гэршэлгэ 21:8

Аймхай дүүлэгэрнүүд, Иисүүстэ һүзэглэдэггүй хүнүүд, бузар муухай нүгэл хэгшэд, алууршад дээрмэшэд, зальхай ябадалтан, эльбэ хэгшэд, онгондо шүтэгшэд, элдэб худалшад гал, хүхэрөөр дүлэтэн носогшо нуур руу хаюулха. Энэнь хоёрдохи үхэлгэ мүн.

Гэршэлгэ 22:15

Теэд нохосууд, эди шэдитэн, зальхай забхай ябадалтан, алуурша этэгээдүүд, онгонуудта шүтэгшэд, худал хуурмаг ябадалда дуратайшуул, тиимэ юумэ хэгшэд – хотын гадаа тээ үлэхэ.

Ударидагшад 16:11

Самсоон Далиилаада иигэжэ хэлэбэ: – Хэзээдэшье хэрэглэгдээгүй шэнэ аргамжануудаар намайе хүлибэлнь, би юрын хүнүүд шэнги агууехэ хүсэ шадалгүй болохоб.