Эфесэйхиндэ 3:7 - Библи

⁷ Бурханай хүсэ шадалай нүлөөгөөр намда үгтэһэн тусгай үршөөлөөр би Һайн Мэдээсэлэй зарасань болооб.

Шэнэ Хэлсээн

⁷ Бурханай хүсэ шадалай нүлөөгөөр намда үгтэһэн тусгай үршөөлөөр би Һайн Мэдээсэлэй зарасань болоһон байгааб.

Эфесэйхиндэ 3:7 Referencias Cruzadas

Исай 43:13

Би болбол Бурхан гээшэб, хэзээдэшье Бурхан зандаа байхаб. Хэншье Намһаа зугадажа шадахагүй, хэншье Минии үйлэ хэрэгүүдые болюулжа шадахагүй».

Хэрэгүүд 9:15

Гэбэшье Эзэн Ананияда: – Ошо! Би тэрэниие Намда алба хэхээр шэлэжэ абааб. Тэрэ Минии нэрэ алдар тухай бүхы арадуудта, хаашуулда, Израилиин зондо дуулгаха.

Римэйхиндэ 12:3

Бурханай намда үршөөһэн абьяас бэлигэй ашаар таанадай хүн бүхэндэ хэлэнэб: байһанһаан үлүү ехээр өөр тухайгаа бү һанажа байгты. Зүгөөр Бурханай шамда үгэһэн этигэл һүзэгэй хэмжээгээр өөр тухайгаа дарууханаар бодомжолжо байгты.

Римэйхиндэ 15:16

бусад арадуудай аша туһада Христоос Иисүүсэй зараса болооб. Бусад арадые Арюун Һүлдын ашаар Бурханда зохистой арюун нангин үргэл болгохын тула би Бурханай Һайн Мэдээсэлые номнон, санаартанай ажал ябуулнаб.

Коринфынхидтэ 1-дэхи 15:10

Гэхэтэй сасуу би Бурханай үршөөл хайраар мүнөөнэй нүхэсэлдэ байнаб, тиин тэрэ үршөөл хайрань дэмы үнгэрөөгүй. Би өөрынгөө хүсэ шадалаар бэшэ, харин досоомни ажаллажа байһан Бурханай үршөөл хайраар бусад элшэнэрһээ үлүү ехэ хүдэлжэ байгааб.

Коринфынхидтэ 1-дэхи 3:5

Эсэсэй эсэстэ Аполлос гэдэгтнай хэн бэ? Тиихэдэ Павел гэдэгтнай хэн бэ? Бидэ таанадай Христоосто һүзэглэхэдэ туһалһан юрэ Бурханай зарасанар гээшэбди. Бидэ Эзэнэй хүн бүхэндэмнай үгэһэн ажалыел бүтээгээбди:

Коринфынхидтэ 2-дохи 3:6

Тэрэл Бурхан бэшээтэй Хуули дээрэ бэшэ, харин Арюун Һүлдэ дээрэ һуури татаһан Шэнэ Хэлсээнэй зарасанар байха боломжо бидэндэ олгоо. Юундэб гэхэдэ, Хуули үхэл асардаг, харин Һүлдэ амидарал үршөөдэг.

Коринфынхидтэ 2-дохи 4:1

Бурханай үршөөл хайраар бидэ иимэ ажал хэнэбди, тиихэдээ урмаа хухарнагүйбди.

Эфесэйхиндэ 3:2

Бурхан Өөрынгөө үршөөл хайраар танай аша туһада энэ ажал хэхыемни намда даалгаа гэжэ таанад сохом мэдэнэ ёһотойт.

Эфесэйхиндэ 3:20

Досоомнай хүсэ шадалаа ажаллуулжа, бидэнэй гуйжа хүсэхэ гү, али һанажа бодохоһоо үлүү юумые бүтээхэ аргатай Бурхан алдаршаһай.

Эфесэйхиндэ 3:8

Ой ухаандаа оруулхын аргагүй ехэ Христоосой баялиг тухай Һайн Мэдээсэлые бусад арадуудта номнохые, Бурханай нюусын яажа бэелхэ тухай бүхы хүнүүдтэ харуулхые Бурханай хүнүүдэй эгээл багань байһан намда Бурхан хайрлаа. Үнгэрһэн сагуудта хамаг юумые Бүтээгшэ Бурхан нюусаяа хадагалжа байгаа. Тиин мүнөөнэй үе сагта Тэрэ Өөрынгөө оюун ухааниие һүзэглэгшэдэй бүлгэмөөр дамжуулан тэнгэриин захирагшадта, огторгойн хүсэнүүдтэ элдэб янза хэбээрнь харуулаа.

Эфесэйхиндэ 4:16

Христоосой хүтэлбэри доро бэеын эрхэтэнүүд бүхэ зангилаагаар холбогдонхой байһанһаа боложо бэе өөрөө бүрин бүтэн байна. Эрхэтэн бүхэн өөрынгөө хэхэ ёһотой үүргые дүүргээд, бүхы бэе хайра дурын ашаар ургажа, өөрыгөө бүрилдүүлнэ.

Колоссынхидтэ 1:29

Тэрэ бүхэнэй тулада би Христоосой үгэжэ байһан, минии зосоо ажаллажа байһан агуу хүсые ашаглан оролдосотойгоор зүдхэнэб.

Фессалоникиинхидтэ 1-дэхи 2:13

Бурханда үргэлжэ баясхалан хүргэжэ байха ондоошье шалтагаан бидэндэ бии. Таанадта Бурханай үгэ асархадамнай, таанад Тэрэниие хүнүүдэй үгэдэл бэшэ, харин Бурханай үгэдэл шагнажа, угтажа абаа һэнта. Тэрэ үнэхөөрөө Бурханай үгэ байгаа, та һүзэглэгшэдэй дунда ажаллажа байгаа.