Эфесэйхиндэ 3:1 - Библи

¹ Тиимэл шалтагаанаар би, Павел, еврей бэшэ таанадай түлөө Иисүүс Христоосһоо боложо хаалтада һуунаб.

Шэнэ Хэлсээн

¹ Тиимэл шалтагаанаар би, Павел, еврей бэшэ таанадай түлөө Иисус Христосһоо боложо хаалтада һуунаб.

Эфесэйхиндэ 3:1 Referencias Cruzadas

Лука 21:12

Зүгөөр, эдэ бүхы юумэнүүдэй болохын урда тээ таанадые Намтай холбоотой байһанайтнай түлөө барижа хааха, хашан мүрдэхэ. Таанадые мүргэлэй гэртэ гэмнэхэ, түрмэдэ хааха. Таанадые хаашуулда болон зонхилогшодто абаашажа мүшхүүлхэ.

Хэрэгүүд 21:33

Түмэнэй дарга тэдэндэ дүтэлжэ, Павелые дабхар гэнжээр хүлихыень захираад, һүүлдэ тэрэнэй хэн байһан, юу хэһэн тухай һураашалба.

Хэрэгүүд 23:18

Зуунай дарга хүбүүниие түмэнэй даргада хүргэжэ: – Хаалтада байһан Павел намайе дуудажа, энэ хүбүүн танда юушьеб дуулгаха һанаатай гэжэ хэлээд, энээниие танда асархыемни гуйгаа, – гэжэ элидхэбэ.

Хэрэгүүд 26:29

– Түргөөр гү, түргөөр бэшэ гү, гэбэшье гансал та бэшэ, харин мүнөөдэр намайе шагнажа байгаашад булта (энэ гэнжэнүүдһээ гадна) намдал адли болохыень би Бурханда зальбарнаб, – гэжэ Павел харюусаба.

Хэрэгүүд 9:15

Гэбэшье Эзэн Ананияда: – Ошо! Би тэрэниие Намда алба хэхээр шэлэжэ абааб. Тэрэ Минии нэрэ алдар тухай бүхы арадуудта, хаашуулда, Израилиин зондо дуулгаха.

Коринфынхидтэ 2-дохи 1:6

Зоболон эдлэжэ байхадаа, бидэ таанадай аша туһада, таанадыел абархын тула зобонобди, Бурхан маанадай һанаа амаруулһандал адляар таанадай һанаа амаруулна, тиихэдээ маанадай дабажа байһан зоболонгуудые тэсэжэ гарахынтнай тула таанадай һанаа амаруулна.

Коринфынхидтэ 2-дохи 10:1

Хамта байхадаа, даруу номгон, холодоходоо, хатуу шэрүүн гүүлэгдэдэг би Павел таанадые Христоостой адли даруу номгон, энхэргэн зөөлэн зангаар гуйнаб.

Коринфынхидтэ 2-дохи 11:23

Тэдэнэр Христоосой зарасанар гү? Тиихэдэ би тэдэнһээ үлүү һайн зарасань гээшэб. Тиигэжэ үбэштэйрһэндэл хэлэһэмни мэдээжэ. Би тэдэ зонһоо үлүү ехээр ажаллажа, бүри оло дахин түрмэдэ орооб, тоогүй оло дахин ташуурдуулан хэһээлгээд, үхэн алдааби.

Галадуудта 5:11

Аха дүүнэрни, хэрбээ бэлгээ отолуулга аша туһатай гэжэ минии айладабал, намайе хашан мүрдэхэгүй байгаа. Тиигэбэл Иисүүс Христоосой хэрээһэн тухай һургаал би номнохогүй һэм, зонойшье дунда үймөөн болохогүй һэн.

Галадуудта 5:2

Хэрбээ бэлгээ отолуулбалтнай, Христоос таанадта ямаршье аша туһа хүргэхэгүй гэжэ би Павел таанадта хэлэнэб.

Галадуудта 5:24

Өөһэдыгөө Христоос Иисүүстэ зорюулһан хүнүүд махабад бэеэ хорхойтолготойнь, хурисал ташаяантайнь хэрээһэндэ хадаа.

Эфесэйхиндэ 3:11

Замбуулин дэлхэйе бүтээхэһээ урда түлэблэжэ байһан юумэеэ Бурхан манай Эзэн Иисүүс Христоосой ашаар бэелүүлээ.

Эфесэйхиндэ 3:13

Тиимэһээ минии тулижа, зобожо байһанда урмаа бү хухарагты гэжэ би таанадые гуйнаб. Минии зоболон танай аша туһада юм.

Эфесэйхиндэ 3:8

Ой ухаандаа оруулхын аргагүй ехэ Христоосой баялиг тухай Һайн Мэдээсэлые бусад арадуудта номнохые, Бурханай нюусын яажа бэелхэ тухай бүхы хүнүүдтэ харуулхые Бурханай хүнүүдэй эгээл багань байһан намда Бурхан хайрлаа. Үнгэрһэн сагуудта хамаг юумые Бүтээгшэ Бурхан нюусаяа хадагалжа байгаа. Тиин мүнөөнэй үе сагта Тэрэ Өөрынгөө оюун ухааниие һүзэглэгшэдэй бүлгэмөөр дамжуулан тэнгэриин захирагшадта, огторгойн хүсэнүүдтэ элдэб янза хэбээрнь харуулаа.

Эфесэйхиндэ 4:1

Эзэндэ алба хэжэ байһан дээрэһээ хаалтада һууһан би Бурханай таанадта даалгаһан уялгада зохистойгоор амидарагты гэжэ ехэтэ гуйнаб.

Эфесэйхиндэ 6:20

Тэрэ Һайн Мэдээсэл номноходоо ёһоорнь хэлэжэ байха зоригтой байхымни тула баһа зальбаржа байгты. Би, Бурханай элшэн, мүнөө тэрэ Мэдээсэл номноһонойнгоо түлөө түрмэдэ һуунаб.

Филиппынхидтэ 1:7

Таанад хододоо минии зүрхэ сэдьхэл соо оршонот! Тиимэһээл иигэжэ таанадта һанаагаа табижа байдагни зүб юм. Түрмэдэшье байхадамни, Һайн Мэдээсэлые хамгаалха, хатуугаар баталха эрхэ сүлөөтэйшье байхадамни, та бүгэдэ намда Бурханай даалгаһан ажалда хабаадалсажа туһалжа ябадаг һэнта.

Колоссынхидтэ 1:24

Мүнөө би таанадай түлөө зоболон эдлэжэ байхадаа жаргалтай байнаб, ушарынь ямар бэ гэхэдэ, Христоосой бэень болохо һүзэглэгшэдэй бүлгэмэй түлөө би Христоостол адляар зобоноб, тиихэдээ дутуу зоболонгуудые хүсэлдүүлжэ байнаб.

Колоссынхидтэ 4:18

Павел таанадые амаршална гэжэ би өөрын гараар бэшэнэб. Гэнжэнүүдээр хүлеэтэй байһан тухаймни һанажа байгаарайгты. Бурханай үршөөл хайра та бүхэнтэй оршожо байхань болтогой.

Колоссынхидтэ 4:3

Христоос тухай нюусые тайлбарилхадамнай, Бурханай үгые дэлгэрүүлхэдэмнай, Бурханай бидэндэ һайн боломжо үгэжэ байхынь тулада, таанад бидэнэйшье түлөө баһа зальбаржа байгты. Христоос тухай номноһонойнгоо түлөө би мүнөө түрмэдэ һуунаб.

Тимофейдэ 2-дохи 1:16

Гэхэтэй сасуу оло дахин һанааемни заһажа байһанайнь түлөө Эзэн Онисифорой гэр бүлэдэ үршөөл хайраа харуулһай даа. Түрмэдэ һуужа байна гээд тэрэ намһаа эшэжэ зобожо байгаагүй,

Тимофейдэ 2-дохи 1:8

Тиимэһээ манай Эзэн Иисүүс Христоос тухай гэршэлхэеэ бү айгаарай, Христоосой түлөө түрмэдэ һуужа байһан намһаа бү эшэжэ, улайжа байгаарай. Харин Бурханай үгэһэн хүсэ шадалаар Һайн Мэдээсэлэй түлөө зоболонгуудые дабажа гараарай.

Филимондо 1:1

Бидэнтэй хамта хүдэлдэг эрхим хүндэтэ Филимон, Иисүүс Христоосой түлөө түрмэдэ һууһан Павел ба һүзэглэгшэ Тимофей хоёр шамда бэшэнэ. Манай Бурхан Эсэгэһээ болон Эзэн Иисүүс Христоосһоо үршөөл хайра ба амгалан тайбаниие айладханабди. Гэртэшни суглардаг һүзэглэгшэдэй бүлгэмдэ, хүндэтэ Апфии дүүдэмнай, бидэнтэй хамта алба хэдэг Архипта мэндые хүргөөрэй.

Филимондо 1:23

Иисүүс Христоосой түлөө намтай суг түрмэдэ һуужа байһан Эпапраас, намтай хамта хүдэлжэ байһан

Филимондо 1:9

шамда эльгэтэй ушарһаа шамайе зүбхэн гуйнаб. Мүнөө Иисүүс Христоосой түлөө түрмэдэ һууһан би Павел гуйжа байнаб.

Гэршэлгэ 2:10

Зобохо тулихаяа байнабди гэжэ бү айгаарайгты. Туршажа үзэхэеэ заримыетнай шолмос түрмэдэ хааха, арбаад хоног соо тамалуулхат. Теэд үхэн үхэтэрөө үнэн сэхэ байгаарайгты, Би танда мүнхын амидарал үршөөхэб!