Эфесэйхиндэ 2:12 - Библи

¹² тиихэдэ таанад Христоосгүй амидараат. Таанад Бурханай шэлэһэн Израилиин арадай тоодо ородоггүй һэнта. Бурханай Өөрынгөө хүнүүдтэ үгэһэн найдуулгада, Тэрэнэй Хэлсээндэ таанад ямаршье хабаагүй һэнта. Таанад энэ газар дэлхэй дээрэ найдалгагүй, Бурхангүй амидаржа байгаа һэнта.

Шэнэ Хэлсээн

¹² тиихэдэ таанад Христосгүй амидардаг байгаат. Таанад Бурханай шэлэһэн хүнүүдэй тоодо ородоггүй байгаат. Бурханай өөрынгөө хүнүүдтэ үгэһэн найдуулгада, тэрэнэй Хэлсээндэ таанад ямаршье хабаагүй байгаат. Таанад энэ газар дэлхэй дээрэ найдалгагүй, Бурхангүй амидаржа байгаа һэнта.

Эфесэйхиндэ 2:12 Referencias Cruzadas

Эхин 15:18

Иигэжэ тэрэ үдэр Эзэн Абрамтай хэлсээ баталаад, айладхаба: – Египедэй хилэ дээрэхи голһоо эхилээд Евфрат мүрэн хүрэтэр нэмжыһэн энэ орон нютагые Би шинии уг удамда үгэнэб.

2 Угай бэшэг 15:3

Олон үдэрэй туршада Израиль бодото үнэн бурхангүй, һургадаг санаартагүй, хуули ёһогүй байха.

Эзраа 4:3

– Манай Бурханда мантай хамта таанар Һүмэ барилсахагүйт. Персиин хаан Киирэй захирһанай ёһоор, Израилиин Бурханда бидэ өөһэдөө Һүмэ барихабди, – гэжэ Зэрубабээл, Иисүүс болон Израилиин угуудай гулбаанар арсалта хэбэ.

Египедһээ гаралга 12:45

Хүлһэншэ ерүүл хүн тэрэниие эдихэ ёһогүй.

Исай 14:1

Эзэн Яковые хайрлаха, Израилиие дахин шэлэхэ – израильшуудые орон нютагтань бусааха! Хариин зоншье тэдэнтэй ниилэжэ, Яковай үринэртэй хамта ажаһуудаг болохо.

Исай 44:6

Израилиин Хаан, Абарагшань, Түмэн Сэрэгтэ Эзэн иигэжэ айладхана: Би болбол эхин, тиихэдэ нэгэн доро эсэс гээшэб. Намһаа ондоо Бурхан байхагүй.

Исай 45:20

Эзэн иигэжэ айладана: «Үндэһэ яһатад, хамтадаа ерэгты! Амиды үлөөшэ зон, зарга шүүлгэндэ дүтэлэн ерэгты, абаржа шадахагүй бурхадта зальбарагшад, модон шүтөөнүүдые абажа ябаашад юушье мэдэхэгүй зон!

Исай 61:5

Минии угсаатан, шагнагты! Хариин зон ерэжэ, мал һүрэгүүдыетнай адуулжа, таряалан, үзэмэй модоной сэсэрлигүүдтэтнай ажаллан байха.

Ерэмияа 14:8

Оо, Израилиин Найдабари, зобохо үедэмнай маанадые Абарагша! Юундэ Та манай газар нютагта ерүүл хүн мэтэ, нэгэ һүни хонохоёо ороһон аяншан мэтэ байнабта?

Ерэмияа 17:13

Эзэн, Та – Израилиин найдабарит. Танһаа арсан ошогшод нэрээ гутааха, тооһон дээрэ бэшэһэн бэшэгтэл үгы болохо. Юуб гэбэл, тэдэ Таниие, Эзэниие, сэбэр уһанай булагые, орхибо ха юм.

Эзэкээл 13:9

Худал үзэл үзэдэг, уридшалан хэлэнэбди гэжэ худал тунхагладаг лүндэншэдые Би хэһээхэб. Минии улад зоной зүбшэжэ байхада тэдэ хамта байлсахагүй, нэрэнүүдынь Израилиин арад түмэнэй тоо бүридхэл соо бэшэгдэхэгүй, һөөргөө Израилиин газар уһан руу тэдэ бусахагүй. Тиихэдээ тэдэ Намайе Эзэн Бурхан гээд мэдэхэ.

Эзэкээл 37:26

Амгалан тайбан байдалаар Израилиин улад зониие хэтэ мүнхэдөө үршөөн үреэн байхаб гэжэ найдуулан, хэлсээ баталнаб. Тэдэниие аршалжа, угаа олон зонтой яһатан болгохоб. Минии Һүмэ орон нютагтань хэтын хэтэдэ оршохо.

Эзэкээл 47:22

Жээрэб татан хубаарилаарайгты. Энэ газар таанадай уг залгамжалгын зөөри болохо. Танай дунда ажаһуугша, үхи хүүгэдээ тэндэ түрэн үндылгэгшэ ерүүл зон Израилиин арад зонтой адли өөрын хуби газарта хүртэхэ.

Һошээ 3:4

Ушар юуб гэхэдэ, Израилиин улад зон олон хоногой туршада хаангүй, ноёнгүй, тахилгүй, арюун баханагүй, эфодгүй, гэрэй онгонгүй үлэхэ болоно.

Тоололго 18:19

Намда израильшуудай асардаг нангин үргэл, эдэ бүхы бэлэгүүдые Би, Эзэн, шамда үгэнэб. Эдэ бэлэгүүд шинии хубита болохо. Би хубита бэлэгыешни шамда, шинии хүбүүд болон басагадта хэтын хэтэдэ үгэнэб. Энэ болбол шамтай болон үри һадаһадтайш баталһан мүнхэ хэлсээн, Минии, Эзэнэй, урда дабһаар баталһан хэлсээн юм!

Лука 1:72

үбгэ эсэгэнэртэтнай найдуулһан ёһоор таанадые үршөөл хайрада хүртөөхэб, мүн Өөрынгөө нангин хэлсээ,

Иоанн 10:16

Энэ хорёо соохи хонидһоо гадна, мүн ондоошье хонид Намда бии. Тэдэниие Би баһа иишэнь асарха ёһотойб. Тэдэ хонид Минии үгэ дуулаха, тиихэдээ нэгэл һүрэг хонид байха, нэгэл хонишон байха!

Иоанн 15:5

Би болбол эшэ һалааб, таанар мүшэрнүүдни гээшэт. Хэн нэгэнэй Минии досоо оршобол, Би баһа тэрэнэй досоо оршохоб, тиихэдээ тэрэ хүн тон ехэ үрэжэлтэй байха. Намгүйгөөр таанар юушье хэжэ шадахагүйт.

Иоанн 4:22

Хэндэ һүзэглэн мүргэдэгөө таанад мэдэнэгүйт, харин бидэ хэндэ һүзэглэн мүргэжэ байдагаа мэдэнэбди: юртэмсэ дэлхэйн абаралга еврейнүүдһээ ерэхэ.

Хэрэгүүд 2:39

Танда, танай хүүгэдтэ болон Эзэнэй, манай Бурханай Өөртөө уряалһан, холууршье байһан хүн бүхэндэ Бурхан найдуулга үгөө, – гэжэ Пётр тэдээндэ харюусаба.

Хэрэгүүд 28:20

Энэ талаар уулзажа хөөрэлдэхын тула би таанадые өөртөө дуудааб. Юуб гэхэдэ, Израилиин зоной найдажа байһан хүнэй түлөө би гэнжэлүүлээд ябанаб.

Хэрэгүүд 3:25

Таанад лүндэншэдэй үри һадаһад гээшэт, тиин танай үбгэ эсэгэнэрэй Бурхантай баталһан хэлсээндэ баһа хабаатай болонот. «Шинии уг удамаар дамжан бүхы дэлхэйн арадууд буян хэшэгтэ хүртэхэ», – гэжэ Бурхан Абраһаамда айладаа.

Римэйхиндэ 9:8

Ондоогоор хэлэбэл, юрын аргаар түрэһэн үхибүүд Бурханай үхибүүд бэшэ. Бурханай найдуулһанай ёһоор лэ түрэһэн үхибүүд бодото үри һадаһад гэжэ тоологдодог.

Галадуудта 4:8

Урдань таанад Бурханиие мэдэхэгүй ушарһаа үнэн дээрээ бурхад бэшэ «бурхадуудта» алба хэжэ байгаат.

Эфесэйхиндэ 2:19

Тиимэһээ таанад, еврей бэшэ зон, хариин гү, али ерүүл зон бэшэт, харин Бурханай хүнүүдтэй нэгэ хотын зон гээшэт, Бурханай бүлын гэшүүд гээшэт.

Колоссынхидтэ 1:21

Нүгэлтэ юумэнүүдые һанаашалжа, үйлэдэжэ байһан дээрэһээ хэзээ нэгэн сагта таанад Бурханһаа холо байгаат, Тэрэнэй дайсадынь байгаат.

Колоссынхидтэ 1:27

Энэ нюусаяа Бурхан Өөрынгөө хүнүүдтэ мэдүүлхэ гэжэ түсэблэнэ, гэхэтэй сасуу энэ үнэтэй ба алдарта нюусань бүхы хүнүүдтэ юм. Тэрэ нюусань – Христоос таанадай досоо гэһэн удхатай, таанад Бурханай алдарые хубаалсахат гэһэн удхатай.

Колоссынхидтэ 1:5

Үнэн зүб үгые, Һайн Мэдээсэлые анхан таанадта номноходомнай, таанад найдалга тухай дуулаа һэнта. Бурханай тэнгэри дээрэ бэлдээд байһан юумэндэ найдажа байһан дээрэһээ таанад һүзэглэнэт, дуратай байнат.

Фессалоникиинхидтэ 1-дэхи 4:13

Аха дүүнэрни, этигэл найдабаригүй байһан хүнүүдтэй адли гашуудахагүйнтнай тула наһа бараһан хүнүүд тухай үнэнииень мэдэжэ байхыетнай бидэ хүсэнэбди.

Фессалоникиинхидтэ 1-дэхи 4:5

Бурханиие мэдэхэгүй бусад арадуудта адли зальхай забхай хүсэлэнгүүдтэ бү абтагты.

Фессалоникиинхидтэ 2-дохи 2:16

Маанадта дуратай, хайра үршөөлөөрөө маанадые хэтын хэтэдэ урмашуулдаг, бата найдабари үршөөдэг Эсэгэ Бурхамнай болон манай Эзэн Иисүүс Христоос Өөрөө

Тимофейдэ 1-дэхи 1:1

Этигэл һүзэгөөрөө үнэн сэхэ хүбүүн Тимофейни, шамайе би Павел амаршалнаб. Би манай Абарагша Бурханай ба манай этигэл найдал болоһон Эзэн Христоос Иисүүсэй захиралтаар Христоос Иисүүсэй элшэн болоһон хүнби. Бурхан Эсэгэ болон манай Эзэн Иисүүс Христоос шамда һайн һайханиие, үршөөл хайра ба амгалан тайбаниие үршөөг лэ.

Еврейнүүдтэ 11:34

галзуу гал унтараадаг, жадын эриһээ зайсадаг, һулахан бирагүй байгаад, шадалтай болодог, байлдаанда бүхэ байдаг, хариин сэрэгүүдые дарадаг бэлэй.

Еврейнүүдтэ 6:18

Бурханай худалаар хэлэжэ болохогүй, хубилдаггүй хоёр юумэн бии. Тиимэһээ бидэ урдамнай оршожо байһан найдуулга хатуугаар адхаад, ехэтэ урмашажа, Бурхантай хамтархадаа хоргодохо газар олобобди.

Еврейнүүдтэ 8:6

Үлүү һайн найдуулга дээрэ үндэһэлһэн Бурханай болон Тэрэнэй хүнүүдэй хоорондохи Иисүүсээр дамжаһан хэлсээн хэды ехэ һайн гээшэб. Тон тиигэжэл Иисүүстэ мүнөө тэдэ санаартадта орходоо бүри эрхим түгэс албан тушаал үгтөө.

Пётрой 1-дэхи хандалга 1:21

Тэрэнэйл аша туһаар таанад Бурханда этигэнэт. Бурхан Тэрэниие үхөөд байхадань амидыруулаа, алдаршуулаа, тиимэһээл таанад Бурханда һүзэглэнэт, найданат.

Пётрой 1-дэхи хандалга 1:3

Манай Эзэн Иисүүс Христоосой Эсэгэ Бурханда баяр хүргэе! Үхэһэн Иисүүс Христоосые амидыруулхадаа, Бурхан агууехэ үршөөл хайраараа шэнэ амидарал бидэндэ үршөөгөө. Тиин маанадые амиды найдалаараа дүүргээ,

Пётрой 1-дэхи хандалга 3:15

Харин зүрхэ сэдьхэлдээ Эзэн Христоосые аргагүй хүндэлжэ ябагты. Ямаршье хүнэй ажамидаралайтнай найдал тухай һурабалнь, хэзээшье харюу үгэхэдэ бэлэн байгты.

Иоаннай 1-дэхи хандалга 3:3

Христоосто иимэ этигэл найдабаритай һаа, алишье хүн өөрыгөө арюудхана, ушарынь гэбэл, Христоос арюун сэбэр байгаа.