Эфесэйхиндэ 1:10 - Библи

¹⁰ Һанаашалһан юумэеэ Бурхан хэрэгтэй сагта бэелүүлхэ, тиин Христоос огторгойн ба дэлхэйн бүхы юумые эблүүлэн нэгэдүүлхэ.

Шэнэ Хэлсээн

¹⁰ Дээдэ огторгойдо, доодо замбида байһан бүхы амитадые Христос соо нэгэдхүүлэн, тэрэнэй хүтэлбэри доро байлгахые түлэблэбэ. Энэ хүсэлэнгөө Бурхан тогтооһон сагтаа бэелүүлхэ.

Эфесэйхиндэ 1:10 Referencias Cruzadas

Эхин 49:10

Иудын үри һадаһад хододоо гартаа хаанай баяг бариха, уг удамынь хододоо зонхилогшод байха. Олон улас түрэнүүд шинии уг удамда албан татабари түлэжэ, урдаш һүгэдэн байха.

Даниил 2:44

Тэдэ хаан түрэнүүдэй үедэ Огторгойн Бурхан хэтэ мүнхэдөө һандархагүй, бусад арадта диилдэхэгүй нэгэ хаан түрэ байгуулжа, тэрэнь бүхы хаан түрэнүүдые һандаргаажа, өөрөө мүнхэ оршохо.

Амоос 9:11

Тиихэдэнь Би Давидай унаһан майханиие дахин бодхоохоб, ханын соорхойнуудые бүглэхэб, һандарһые дахин бүрин бүтэн болгохоб, урдандань адляар заһабарилхаб.

Малаахи 3:1

«Харагты, шинии ябаха харгы бэлдэхыень би уридшалан Өөрынгөө Эльгээмэлые ябуулнаб. Таанарай бэдэрдэг Эзэн гэнтэ Өөрын Һүмэдэ ерэхэ болоно. Таанарай баярлан хүлеэһэн хэлсээнэй Эльгээмэл, харагты, Тэрэ ерэжэ байна» гэжэ Түмэн Сэрэгтэ Эзэн айладажа байна.

Матвей 25:32

Бүхы арадуудые Тэрэнэй урда суглуулха. Тиихэдэнь хонишоной хонидые ямаануудһаа илгадагтал адляар Тэрэ хүнүүдые бэе бэеһээнь илгажа, хоёр бүлэг болгожо хубааха.

Марк 1:15

– Таарамжатай саг ерэбэ! Бурханай хаан түрэ мандаха дүтэлөө. Нүгэл шэбэлээ орхижо, Һайн Мэдээсэлдэ этигэгты! – гэжэ Тэрэ айладхаба.

Коринфынхидтэ 1-дэхи 10:11

Тэдэ гай гасалангууд бусад зониие һэргылхын тула үбгэ эсэгэнэртэймнай тохёолдоо, тиин бүхы юумэнэй эсэсэйнь ерэхэ сагта ажамидарһан бидэниие һэргылхын тула бэшэгдээ.

Коринфынхидтэ 1-дэхи 11:3

Христоос бүхы эрэшүүлэй толгойлогшо, нүхэр һамганайнгаа толгойлогшо, тиин Бурхан Христоосой толгойлогшо байһые ойлгоһойт гэжэ хүсэнэб.

Галадуудта 4:4

Харин саг болзорой ерэхэдэ, эхэнэрһээ түрэһэн Хүбүүгээ Бурхан эльгээбэ. Хуулиин эрхэ мэдэлдэ байһан хүнүүдые абархын тула, Бурханай найдуулһан юумэнэй уг залгамжалагшад болгохын тула түлөөһэ үгэжэ, эльгээһэн Тэрэ Хүбүүниинь Хуулиин ёһоор ажамидаржа байгаа.

Эфесэйхиндэ 1:22

Бүхы юумые хүлдэнь хаяжа мэдэлдэнь оруулаад, бүхы юумэнэй Эзэн байһан хадань һүзэглэгшэдэй бүлгэмэй хүтэлэгшөөр томилоо.

Эфесэйхиндэ 2:15

Тэрэ хоёр арадһаа Өөртэйгөө хамта нэгэ шэнэ арад нэгэдүүлэн бүтээжэ, энхэ тайбаниие мандуулхын тула Моисейн Хуули тогтоолнуудтайнь болон дүримүүдтэйнь хүсэнгүй болгоо.

Эфесэйхиндэ 3:15

Тэнгэри дээрэшье, газар дэлхэйдэшье байһан бүхы изагуур угсаатан Эсэгэһээ эхитэй.

Эфесэйхиндэ 3:2

Бурхан Өөрынгөө үршөөл хайраар танай аша туһада энэ ажал хэхыемни намда даалгаа гэжэ таанад сохом мэдэнэ ёһотойт.

Колоссынхидтэ 1:16

Газар дэлхэй, тэнгэри огторгой дээрэхи харагдадагшье, харагдадаггүйшье юумэнүүдые, тэдэнэй тоодо хаануудые, эзэдые, засаглагшадые, захирагшадые Бурхан Тэрэнэй ашаар бүтээгээ. Бүхы юумые Тэрэнэй ашаар, бүхы юумые Тэрэнэй тулада Бурхан бүтээгээ.

Колоссынхидтэ 1:20

Хүбүүнэйнгээ ашаар бүхы юртэмсэтэй Бурхан эблэрхэ һанаатай байгаа. Хэрээһэндэ хадуулаад үхэһэн Хүбүүнэйнгээ шуһаар Бурхан энхэ тайбаниие тогтоожо, газар дэлхэй болон тэнгэри огторгой дээрэхи бүхы юумэнүүдтэй эбээ нэгэдхүүлээ.

Колоссынхидтэ 3:11

Эсэстээ грегүүдэй болон иудейнүүдэй хоорондо, отолуулһан болон отолуулаагүй хүнүүдэй хоорондо, хариин болон зэрлиг зоной хоорондо, барлагуудай болон сүлөөтэй хүнүүдэй хоорондо ямаршье илгаа үгы юм, гансал Христоос бии, тиин бүхы юумэн Христоос, бүхы юумэн соо Христоос байха.

Еврейнүүдтэ 1:2

Харин һүүлшын эдэ үдэрнүүдтэ Тэрэ Хүбүүгээрээ дамжуулан бидэндэ хэлэнэ. Бурхан Хүбүүнэйнгээ ашаар замбуулин дэлхэйе бүтээжэ, бүхы юумые залгамжалхаар Тэрэнээл һунгаа.

Еврейнүүдтэ 11:40

Ушарынь юун бэ гэхэдэ, Бурхан бидэндэ үлүү һайн юумэ бэлдээд байна. Бидэнтэйл хамта тэдэниие эрхим түгэс болгохонь Бурханай зорилго мүн.

Еврейнүүдтэ 9:10

Энэнь Бурханай шэнэ тогтоол зарлаха үе саг хүрэтэр эдихэ, ууха, янза бүриин арюудхалга сэбэрлэлгын гадна талын заншалнуудтай холбоотой шухала бэшэ юумэнүүд байгаа.

Пётрой 1-дэхи хандалга 1:20

Юртэмсэ дэлхэйн зохёон бүтээгдэхэһээ урда таанадайл аша туһада Бурхан Христоосые шэлэжэ абаа, үе сагай дүүрэжэ байхада Тэрэниие элирхэйлэн харуулаа.

Гэршэлгэ 5:9

Тиин тэдэнэр иимэ шэнэ дуу дуулаба: Та энэ ном абажа, тамгыень эбдэжэ тайлаха эрхэтэйт, Та үргэл болгогдожо алуулаад, Өөрынгөө улаан шуһанай сэнгээр али бүхы угсаатаниие, элдэб янзын хэлэтэй зониие, бүхы уг изагууртаниие, үндэһэ яһатаниие Бурханда абажа үгөөт.